LOVE OF ETERNITY | ✔

Chapter 04

මෙලෙස කාලය ගෙවී ගියේ නොසිතූ ලෙසයි... ජන්කූක් සහ කුමරු ටේහියුන් මිතුරන් වී සය මසකට ආසන්න කාලයක් ගතවී ඇත.. මේ කාලය තුළ ඔවුන් ඉතා හොඳින් ඔවුන්ව අවබෝධ කර ගත් අතර සෑම දිනකම ජන්කූක් කුමර මාළිගයේ ගැවසුනා.. කුමරු ටේහියුන් පවසන සුරතල් කතා අසා සිටීමටත් කුමරුගේ සුරතල් සතුන් සමඟ කාලය ගත කිරීමටත් ජන්කූක් තදින්ම ආශා කලා.. ජන්කූක්ගෙන් මාළිගයෙන් පිටත සිදුවන දෑ දැන ගැනීමට කුමරු ටේහියුන් සෑම දිනකම බලා සිටියා.. ජන්කූක් කුමර මාළිගයට පැමිණෙන සෑම අවස්ථාවකම තම මෑණියන් සෑදූ ආහාර හොර රහසේ රැගෙන ඒමට පුරුදු වූයේ ටේහියුන් කුමරු ඒ ආහාර වල රස බැලීමට මහත් ප්‍රේතකමක් දැක් වූ නිසාවෙනි..

ජන්කූක් තම මිතුරු කුමරුව දැකීම සඳහා මාළිගයට යන්නේ සත් දිනකට පසුවයි.. මන්ද තම මෑණියන් අසනීප වීම නිසා ඇයට සාත්තු කිරීමට ජන්කූක්ට නිවසේ සිටීමට සිදු වූවා.. මැණියන් නැවතත් සුව වීම නිසා ඔහු නැවතත් තම ආදරණිය කුමරු බැලීම සඳහා මාළිගය වෙත යෑමට තීරණය කලා.. කුමර මාළිගයට ඇතුළු වූ ජන්කූක් දුටුවේ කුමර කුටිය ඉදිරිපිට ආහාර රැගත් සේවිකාවන් දෙදෙනෙක් සිටින අයුරුයි..

"කුමරුනී.. ආහාර නොගෙන මෙලෙස සිටීමෙන් කුමරු අසනීප විය හැකී... කරුණාකර කුඩා ආහාරයක් හෝ කුසට ලබා දෙන්න කුමරුනි..."

"මා පැවසුවා නේද පාලිකාවනි.. මා හට ආහාර අවශ්‍ය නෙවෙන බව.. සෑම ආහාරයක් ම නැවත හරවා යවනු..."

"කුමරුනී..."

කුමර කුටිය ඉදිරිපිට සිට කුමරුන් හට ආයාචනා කරන කුමර මැදුරේ ප්‍රධාන පාලිකාව වූ චෝයි පාලිකාව වෙත ජන්කූක් ගමන් කලා..

"පාලිකාවනි... කුමක් ද සිදුවන්නේ..??"

"ආ.. ඔබ...!? කුමරු දැන් දින දෙකක සිට සියලුම ආහාර ප්‍රතික්ෂේප කරනවා.. ජලය හෝ එවැනි අහරක් පමණයි ලබා ගන්නෙ.. ⁣කුමරු දින දෙකක සිට කුටියෙන් පිටතවත් පැමිණියේ නැහැ..."

"එසේ ද?? ඔබට හැකිද කුමරු හට මා පැමිණි බව දන්නවා සිටින්න.."

ජන්කූක්ගෙ ඉල්ලීම අනුව පාලිකා චෝයි කුමරු හට ජන්කූක් පැමිණ සිටින බව සැල කල සිටියා..