Sewing Machine's Love Story (အပ်ချုပ်စက်ကြီး၏ ချစ်ပုံပြင်)

Chap 23 (Part 2)

Zaw

"ငါ့ရဲ့ သကြားဖေဖေက ငါနဲ့အိပ်*လာဖို့ ဘယ်လိုလုပ်ရမလဲ"
ဆိုသည်မှာ ရွှီနျန်လက်ရှိ ရင်ဆိုင်နေရသည့် အကြီးမားဆုံးသော ပြသနာကြီးပင်ဖြစ်သည်။ သို့သော် အဓိကအချက်မှာ သူက ဘယ်လောက်ပင် ထက်မြတ်ပြီး ဂရုတစိုက်စဉ်းစားတတ်သူဖြစ်ပါစေ သူ၏ မြူဆွယ်ဖြားယောင်းသည့် စွမ်းရည်ကတော့ တိုးတက်ဖြစ်ထွန်းလာမှုမရှိဘဲ ပြောရလျှင် အိပ်ရာထက်၌ တစ်စုံတစ်ယောက်အား မြူဆွယ်ဖြားယောင်းသည့် သူ၏ စွမ်းရည်က ပြောပလောက်စရာမရှိလောက်အောင် အတော်လေးကို နိမ့်လေသည်။

ထို့ကြောင့်ပင် ထိုကိစ္စအား ထိုအတိုင်းရွှေ့ဆိုင်း အချိန်ဆွဲနေခဲ့သည်မှာ နွေရာသီထိတိုင်အောင်ပင် ဖြစ်သည်။ သူနှင့် ချန်းချန်၏ ဆက်ဆံရေးသည်ကား ယခုတိုင် မပူလွန်း မအေးလွန်း*သည့် ဆုံမှတ်တစ်ခုတွင် ရှိနေခဲ့သည်။ သူတို့အတူ စားသောက်သည်။ အိပ်သည်(ရိုးရိုး)၊ အတူ လည်ပတ်သည်။ ထို့အပြင် တစ်ခါတစ်ရံတွင် အနမ်းများလည်း ဖလှယ်တတ်ကြပြီး လက်လည်း ကိုင်ထားတတ်ကြ၏။ သို့ပေမဲ့ ထိုလုပ်ဆောင်ချက်များ၏ အကြိမ်တိုင်းလိုလို နီးပါးကတော့ ရွှီနျန်မှအစပြုခဲ့သည်များသာဖြစ်ပြီး ထိုသို့သောလုပ်ဆောင်ချက်များ ပြီးဆုံးချိန်တိုင်းမှာတော့ ချန်းချန်ထံမှ "မသင့်လျှော်လိုက်တာ" ဟူ၍ အဆူငေါက်ခံရလိမ့်မည်လည်း ဖြစ်လေသည်။

တကယ်ကိုပင် ၊ ရွှီနျန်သည် သူတို့၏ ဆက်ဆံရေးသည်ကား ဆိုးဝါးကြမ်းတမ်းစွာ အစပြုခဲ့သည့်အတွက်ကြောင့် ဤကဲ့သို့ သန့်စင်ကာ သင့်တင့်လျောက်ပတ်သည့် အဖြူထည် ဆက်ဆံရေးတစ်ခု ဖြစ်ပေါ် တိုးတက်လာခဲ့ခြင်းသည် အလွန်ကိုမှ အံ့အားသင့်ဖွယ်ရာ ကံကြမ္မာအမျိုးအစားပင် ဖြစ်သည်ဟု ခံစားရလေသည်။

ရွှီနျန် တတိယနှစ်ရောက်သောအခါ  အလုပ်သင်ဆင်းရန်အတွက် စတင် ပြင်ဆင်နေခဲ့ပြီဖြစ်သည်။ ချန်းချန်သည် ဤကိစ္စအပေါ် သူ့ထက်ပို၍ပင် စိတ်ဝင်စားပူပန်နေခဲ့ကာ သူ့ပိုင်ကုမ္ပဏီသို့ ဝင်ရောက်လာနိုင်စေရန် သူ့အတွက် အစောကြီးကတည်းက စီစဉ်ပေးခဲ့လေသည်။

သူဝင်ရောက်ရမည့် ဌာနမှာ မားကတ်တင်း(ဈေးကွက်ရှာဖွေရေး) ဌာနဖြစ်သည်။ ထိုနေရာတွင် ရွှီနျန်တွင် ရှိနေနိုင်သည့် ကျောထောက်နောက်ခံနှင့် ပတ်သတ်၍ ပြောဆိုသူများ မရှိမဟုတ် ရှိသည်ဖြစ်ပေမဲ့ သူသည် B တက္ကသိုလ်မှ အဆင့်မြင့်ပညာတတ်ကျောင်းသားဖြစ်ကာ အပြုအမူတို့သည်လည်း ပညာတတ်ဆန်သည်မို့ ထိုသို့ ရှုပ်ထွေးစွာတွေးကြသူများသည် သိပ်မများပေ။