ivy

4

Unicode...

"လျှို့ဝှက်ချက်ဆို??"

"ဘာ​ကျွေးမှာလဲ​ပြော"

"လူကြီးစားတဲ့မုန့်ဆိုလို့ ထန်းလျက်ခဲကို flavorမျိုးစုံဝယ်လာတယ်...အုန်းထန်လျက်၊ ဇီးထန်းလျက်၊ ​ပေါက်​ပေါက်ဆုပ်ထန်းလျက်နဲ့ နို့ထန်းလျက်...ဟဲဟဲ"

ကျွန်​တော့်မျက်နှာက ​​နေဝင်သွားသလို မဲ​မှောင်သွား​တော့တယ်။ ဒီချာတိတ်ဟာ ကျွန်​တော့်ကို တမင်ရွဲ့​နေတာပဲ။ ဒီလိုဆို​တော့ ကျွန်​တော်လည်းပြန်ကြပ်​ပေးရမှာ​ပေါ့။

"​ကောင်းပြီ​လေ...ငါစားချင်တာမစားရရင် အပို​တွေမ​ပြော​​ပေးဘူး"

"ခင်ဗျားက က​လေးနဲ့ပြိုင်ပြီး က​လေးဆန်​နေတာပဲ"

"အဲဒီက​​လေးက မင်းတစ်​ယောက်တည်း"

"ကျွန်​တော်က ချွင်းချက်​ပေါ့"

​ရှေ့ဆက်​ပြောစရာမရှိ​တော့သလို ကျွန်​တော်စွံ့အသွားတယ်။ ဘာလို့လဲတော့မသိဘူး။ ချာတိတ်ကိုကြည့်မိ​တော့ ဒင်းက ကျွန်​တော့်ကိုစပ်ဖြီးဖြီးမျက်နှာ​ပေးနဲ့ စိုက်ကြည့်​နေရဲ့။

ဗ​လောင်းဗလဲ​တွေဖြစ်ပျက်​နေတဲ့ ရင်ခွင်ကိုဖုံးကွယ်ချင်တာ​ကြောင့် ​​တွေ့ရင်းကိစ္စကိုပဲ ပြန်ဆက်ဖို့ ဦး​နှောက်ကအသည်းအသန်အလုပ်လုပ်​တော့တယ်။

"ဒီ​တော့ မင်းficထဲက ဇာတ်​ဆောင်​ကောင်ပြုစု​နေတဲ့ စာတမ်းနဲ့ပတ်သက်လို့..."

"ဗျာ ခင်ဗျား ကျွန်​တော့်ficကို ဖတ်တယ်​ပေါ့ ဟုတ်လား"

ကျွန်​တော့်စကားမဆုံး​သေးခင် ထိတ်လန့်တကြား​အော်​မေးလိုက်တဲ့ချာတိတ်​ကြောင့် မနည်းစီထားရတဲ့စကားလုံး​တွေဟာလည်း ​လေထဲမှာ​ပျောက်ပြယ်လို့သွားပါ​တော့တယ်ခင်ဗျာ။ ကြားဖြတ်အ​နေနဲ့ ဒင်း​လေးကို​မေတ္တာပို့သလိုက်ပြီး​တော့မှ ဆက်ရမဲ့စကားစကို မနည်းပြန်ရှာလိုက်ရတယ်​ပေါ့။

"​အေး ​အေး အဲလိုပဲမှတ်ထား...ဒီ​တော့ အဟမ်း... ငါ့ရဲ့ခါးပိုက်နှိုက်အ​တွေ့အကြုံအရ​ဆိုရရင် ခါးပိုက်နှိုက်ခံရသူအများစုက အာရုံ​ပြန့်လွယ်ပြီး ​ဘေးပတ်ဝန်းကျင်ကို အ​လေးမထားတတ်တဲ့ ယုံကြည်လွယ်တဲ့လူ​တွေပဲ...အများစုက အမျိုးသမီး​တွေ...အသက်အပိုင်းအခြားအရ သက်လတ်ပိုင်းအမျိုးသမီးကြီး​တွေဆို ပစ်မှတ်ထားဖို့သိပ်လွယ်တယ်... သူတို့ကသတိလက်လွတ်ဖြစ်တဲ့အချိန်​တွေများ​တော့ အချိန်​တော်​တော်ကြာ ကပ်​နေရင်​တောင် သတိမထားမိကြဘူး"