ivy

5

Unicode...

နှစ်ရက်နားပြီးတဲ့​နောက်မှာ ချာတိတ်ကပုံမှန်အတိုင်း update​တွေတင်တယ်။ သူ​ပြောဖူးတဲ့အမာခံReaderကြီး ကျွန်​တော်ကလည်း သူ့ရဲ့တခြားစာဖတ်သူ​တွေနဲ့အပြိုင် First voteလုတတ်လာခဲ့တယ်။

ကျွန်​တော် First Voteရချိန်တိုင်း ချာတိတ်ကကျွန်​တော့်ကိုချီးကျူးစကားဆိုရဲ့။ တစ်ခါတ​လေ ကျွန်​တော်ဟင်းချက်​နေရင်းလည်း ချာတိတ်များ တင်​တော့မလားဆိုပြီး Wattpadကိုဖွင့်ထားရတဲ့အခါများလည်းရှိတယ်။ က​လေးဆန်ပြီး ရူး​ကြောင်​ကြောင်နိုင်တာသိ​ပေမဲ့ ကျွန်​တော်က​တော့ သ​ဘောတကျကိုလုပ်ဖြစ်​နေတာပါပဲ။

ချာတိတ်ဇာတ်လမ်းထဲမှာ ကျွန်​တော်​ပြောပြ​ခဲ့တဲ့ကုန်ကြမ်း​တွေပါလာတဲ့အခါ ဂုဏ်ဆာမိပြန်ပါ​ရော။ ​နောက်ပြီး ​ချောကလက်​ရေခဲမုန့်​ကျွေးလို့ မျက်နှာပျက်သွားတဲ့ဇာတ်​ကောင်အ​ကြောင်း ပါလာတော့ ကျွန်​တော့်ကိုကျွန်​တော် ပြန်မြင်​ယောင်မိတယ်။ ချာတိတ်လည်း ကျွန်​တော့်ကိုမြင်​ယောင်ပြီး ​ရေးတယ်ဆိုတာ ​ပြောရဲတယ်။

​တောင်~~~

>> လူဆိုးကြီး ကျွန်​တော် blockဖြစ်​နေတယ် စာမ​ရေးနိုင်ဘူး

ကျွန်​တော်တို့​နှစ်​ယောက်အတူတူ ဆုံးဖြတ်ချက်ချအပြီးတဲ့​နောက်ပိုင်း သူကကျွန်​တော့်ကို လူဆိုးကြီးလို့ပဲ​ခေါ်​တော့တယ်။ ကျွန်​တော်က​တော့ သူ့ကို ချာတိတ်လို့ပဲ​ခေါ်ဖြစ်ပါတယ်။

>> ဒါဆိုမ​ရေးနဲ့​လေ အနားယူပါဦး
>> ​တော်ကြာ ကျန်းမာ​ရေးပါ ထိခိုက်လိမ့်မယ်

>> ဒါ​ပေမဲ့ မနက်ဖြန်တစ်ပိုင်းတင်ရဦးမယ်​လေ
>> ကျွန်​တော်​ရေးထားတာ​တွေမရှိ​တော့ဘူးဗျ လူဆိုးကြီး ကျွန်​တော့်ကို မိုတီ​ပေးဖို့မစဉ်းစားဘူးလား

ချာတိတ် ကျွန်​တော့်ကို အဲလိုလာချွဲရင် ကျွန်​တော့်ရင်ထဲ ကကျိကကျိနဲ့။ ပြီးရင် သူဖြစ်ချင်တာကိုလည်း ရအောင်လုပ်​ပေးချင်တာ အသည်းအသန်ပါပဲဗျာ။

>> ဒါဆို Guitarတီးပြမယ် မတီးတာကြာ​တော့ နည်းနည်း​တော့​ကြောင်မယ်ထင်တယ်
>> မိုတီလို​နေတဲ့လူကပဲ ကြိတ်မှိတ်နား​ထောင်​ပေး​နော်