روحي بها هائمه

البارت الثالث

البارت الثالث من روحي بها هائمه
متنسوش الڤوت وكومنت برأيكم ❤️
By:Basmala Hassan

______________________________________

وقف زيد واخرج مفاتيح شقته وهو مازال يمسك معصم زينه الذي بدأ يؤلمها من قبضته القويه عليه
فتح الباب واستطاعت زينه الهروب من يده ف توحهت راكضه نحو احد الغرف وفتحتها قائله بلهفه : بابا الحقني

كان الحاج شهاب يجلس علي فراشه وكعادته كل يوم ف هذا الوقت كان يقرأ ورده اليومي
نظر لها شهاب بقلق وقال : ف ايه يابنتي
اتجهت اليه وجلست جانبه محتضنه ذراعه بخوف وقلق من زيد الذي اتي من خلفها وقال بغضب : وانتي كده هربتي مني يعني ؟!

شهاب وهو يضم زينه بذراعه : ف ايه يازيد ..ايه اللي حصل
زيد وهو يشير بيده نحو زينه : فيه اني حذرت الهانم دي بدل المره عشره علي صوت ضحكتها اللي بيجيب اخر الشارع وهي ولا كأني بقول حاجه
تحدثت زينه بااندفااع : ما انا قاعده ف البيت هو انا كنت ضحكت ف الشارع يعني
انهت كلامها ثم قبضت علي شفتيها تلوم نفسها عندما رأت ملامح وجهه زيد الذي ازدادت غصباً

تحدث زيد بغضب اكبر : يعني غلطانه وكمان بتبجحي !!
تدخل شهاب اخيرا وقال : خلاص يازيد اهدي
زيد بغضب : اهدي اي ياحااج ..انت عاجبك عمايلها دي؟!
ثم تابع وهو ينظر لزينه : احمدي ربنا اني صاحبي اللي كان جاي معايا جالوا تيلفون مهم وسابني ومشي تحت البيت
عشان لو كان جه وسمع صوت ضحتك دي كنت كسرت رقابتك يازينه .. اول واخر مره قله الادب دي تحصل عشان المره الجايه مش هيبقي كلام بس تمام ؟!
انهي كلام بنبره تحذيريه شديده ثم ترك الغرفه وتوجهه الي غرفته

وبعد خروجه اسندت زينه رأسها علي صدر شهاب وبدأت تبكي
ربت شهاب علي كتفها وقال بحنان : حبيبتي مش حذرناكي كتير علي موضوع ضحكتك دي
زينه ببكاء : والله بيبقي غصب عني مش قصدي ..
رفعت رأسها من علي صدره وقالت من بين بكاءها : هو ابيه يقصد ايه ان المره الجايه مش هيبقي كلام بس ..هو ممكن يضربني !!
ابتسم شهاب ابتسامه خفيفه وقاال : يضربك ايه يابت وانا عايش ..ميغركيش اني عجزت لا ده انا قادر اسيطر علي زيد وعشره زيه
مسحت دموعها بظهر يديها وقالت بزعل طفولي : يسلام وطالما حضرتك عارف تسيطر عليه ليه سيبته يزعقلي

ضحك شهاب وقاال وهو يقرص خدهت برفق : يمكن عشان عنده حق مثلااا
تابع حديثه بنبره هادئه حنونه : حاولي بعد كده تتحكمي ف صوت ضحكتك شويه واسمعي كلامي اخوكي يازينه هو بيعمل كده عشان مش عايز حد يتكلم عليكي نص كلمه
تنهدت زينه واومأت رأسها قائله : اسفه هحاول بعد كده اتحكم ف نفسي
تابعت بيأس : اكيد بقا ابيه هيفضل زعلان مني كذا يوم  زي ما بيحصل كل مره بيزعل مني ..
شهاب بابتسامه : انا هكلمه ياحبيبتي وانتي بكره ابقي اعتذريله اتفقنا
اومأت زينه رأسها فقال شهاب بنبره مرحه : يلا روحي بقا اوضتك قطعتوا عليا قراءه القرآن ..عيال متعبه ومقرفه حتي وانتو كبار