روحي بها هائمه

البارت الخامس

البارت الخامس من روحي بها هائمه
متنسوش الفوت وكومنت برأيكم
By: Basmala Hassan
_____________________________________

كان حمزه يقف عاقدا ذراعيه أمام صدره وامامه علي الاريكه تجلس راسيل وكانت تبكي ف حضن روناء التي تنظر لاخيها بغيظ شديد من افعاله

خرج حمزه عن صمته اخيرا فلم يعد يحتمل رؤيه اخته تبكي بهذا الشكل اكثر من ذلك فتنحنح قائلا : كفايه عياط
رفعت راسيل رأسها تنظر لاخيها والدموع تنهمر علي وجهها وتصدر منها بعض الشهقات الخفيفه

تحدثت روناء اخيرا وقالت بنبره مستنكره : ينفع يعني اللي عملته ده
تحرك حمزه وجلس علي كرسي مقابل لهم وقال بهدوء : عملت اييه ..الاستاذه غلطت وده رد فعلي علي غلطها ..
القت راسيل نفسها ف احضان روناء وبدأت تبكي بخفوت مره اخري
فقالت روناء وهي تنظر لاخيها ويدها تربت علي اختها : ايوه بس انت عمرك ما استعملت الاسلوب ده سواء معاها او معايا ..انا معاك انها غلطت بس مش لدرجه انك تقاطعها كذا يوم ومتكلمهاش ..

حمزه : اول مره استعمل الاسلوب عشان هي اول مره تحطني ف الموقف ده بردو ..متخيله يعني اصحي ملقيش اختي ف البيت اللي ف حته منعرفش فيها حد
لا ومش كده وبس ده احنا اول ما جيينا عملنا خناقه فوارد جدا ناس كانت تبقي مراقبنا  ومستنيه اقرب فرصه عشان بس يؤذوني فيها .. لا هي ولا انتي مستوعبين اننا مش زي زمان وان ف فرق بين الكمبوند اللى كنا عايشين فيه وبين حالنا دلوقتي

هدأت روناء قليلا وقدرت خوف حمزه الشديد علي اختها فقالت : طيب خلاص غلطه ومش هتكرر ونزولها كان غصب عنها بس هي خلاص خدت الدرس ومش هتخرج بعد كده غير معاك ..مش كده ياروسا
انهت كلامها وهي تنظر لاختها التي اومأت رأسها بسرعه
ثم قالت بخجل وهي تنظر لحمزه : اسفه مش هتكرر تاني وعد

تنهد حمزه بعمق ثم ابتسم ابتسامه جميله ومد يده لأخته اشاره منه لتأتي وتحتضنه فقامت راسيل بسرعه وجلست جانبه محضتنه ايااه وراقبتهم روناء بابتسامه سرعان ما توسعت عندما مد حمزه يده الأخري لها فنهضت هي الاخري واحتضنته
قبل حمزه اعلي رأس كلا منهما وقال بحب : انا معنديش اغلي منكم ولو باجي فيوم واعقابكم ف ده بيبقي من خوفي عليكم ..انا استحمل اي حاجه الا ان حاجه وحشه تحصلكم ..ياريت نبطل غباء بقا ونستوعب ده
انهي كلامه بنبره مرحه
ضحكت الفتاتان وقال ف نفس واحد: ربنا يخليكي لينا ياحموزي

ابتسم حمزه بخفه وبعد مرور بعض الوقت قطع حمزه هذه المشاعر الأخويه الجميله بانه نهض من مكانه قائلا بمرح :
بعتذر علي مقاطعه المشاعر الجميله دي بس انا جعان واكيد الهانم تابع حديثه وهو يشير باتجاه راسيل : مكنتش فاضيه من العياط انها تعمل اكل ..فهنزل الف بالعربيه اشوف اي مطعم قريب من هنا
تحبوا تاكلوا ايه
قالت راسيل بحرج حتي لا تحمل اخيها فوق طاقته : احنا ممكن نعمل اكل هنا بلاش اكل من بره يعني عشان ..
فهم حمزه مقصد حديثها ف ابتسم ابتسامه صغيره : متقلقيش انا معايا فلوس احنا افلسنا ااه بس انا معايا مبلغ حلو الحمدلله يعيشينا كويس لحد كام سنه جااايه كمان