(Unicode)
အခန်း - ၂၀
မဏိဟေဝန် တောအတွင်း မင်းသားကြီး ယာယီ နန်းဆောင်တော် စုံမြန်းရာ နေရာအတွင်း၌ ဖြစ်သည်။ ကျားစစ်တပ်သည် ယာယီ နန်းဆောင်၏ ပတ်ပတ်လည်၌ ကင်းစောင့်နေပြီး ကျားသစ်တပ်မှူးသုံးဦးနှင့် ခြင်္သေ့စစ်သူကြီးသည် သူတို့၏ နားနေဆောင်၌ ရှိနေသည်။ အိမ်ရှေ့စံမင်းသား စက္ကပါလနှင့် သူ၏ ကိုယ်ရံတော် ဝေဠုမဏိတို့သည် ယခင် မင်းသားကြီး၏ နန်းဆောင်အတွင်း၌ ရှိနေသည်။
မှိန်ပျပျ အလင်းရောင်သည် မင်းသားကြီး၏ နန်းဆောင်အတွင်း၌ လင်းချင်းနေသည်။ ထို့အတူ မီးတိုင်ဖြစ်၍ လေတိုက်ခတ်သည့်အခါ မီးညွန့်တို့က ဟိုသည် ယိမ်းထိုးနေပြန်သည်။ ထိုစဥ် အပြင်ဘက်က မိန်ကောင်(ငှက်ဆိုး)၏ အော်သံက ရုတ်တရက် မြည်တွန်လာသည်။
စက္ကပါလသည် နန်းဆောင်အတွင်းရှိ ခုတင်ပေါ်၌ ရှိနေပြီး ဝေဠုမဏိသည် ခုတင်ခြေရင်း၌ ထိုင်နေသည်။ သူတို့နှစ်ဦးက တစ်ယောက်နှင့် တစ်ယောက် အကြည့်ခြင်း ဆုံဆည်းနေသည်။ စက္ကပါလသည် အသက်ရှူမြန်နေပြီး သူ၏ ရင်အစုံက နိမ့်ချည် မြင့်ချည်နှင့် ရှိနေ၏။ သူက တံတွေးကို မြိုချလိုက်သည်။
ထို့နောက်တွင် သူက ဝေဠုမဏိအား ကြည့်လိုက်သည်။ ဝေဠုမဏိသည်လည်း သူ့အား ပြန်ကြည့်နေသည်။ သူတို့နှစ်ဦးက ထိုပုံစံအတိုင်းသာ ရှိနေပြီး အချိန် အတော်ကြာသည် အထိ စကားမပြောကြချေ။ ဝေဠုမဏိသည် ညာခြေကိုကြွရင်း ခုတင်ပေါ်သို့ တက်လိုက်သည်။ ထိုစဥ် စက္ကပါလ၏ မျက်လုံးအစုံက ပြူးကျယ်သွားသည်။
" ဟိုကောင်... မင်း ဘာလုပ်မလို့လဲ "
" ငါဘာလုပ်မယ်ထင်လဲ မင်းပြောကြည့်လေ "
" ဒီမယ်... ဒီမင်းသားက အိမ်ရှေ့စံရာထူးကို ပြန်ရနေပြီနော်၊ ပြီးတော့...လက်ရှိမှာ ငါက ကျားစစ်တပ်ကို အမိန့်ပေးခွင့်ရှိနေပြီ အခုချိန်မှာ ငါအော်လိုက်ရင် မင်းဘာဖြစ်သွားမယ်ထင်သလဲ၊ ဝေဠုမဏိ ဒီမင်းသားအနားကနေ ထွက်သွားပါ "
" ဟမ့်... မင်းက အော်မလို့လား အော်လိုက်လေ ဘယ်လိုအော်မှာလဲ ဒီမှာ ငါ့ကိုယ်ရံတော်က ငါ့ကို... "
CZYTASZ
The Story Of A Prince (Complete - BL)
Fantasyမင်းသားတစ်ပါး၏ ပုံပြင် ဆိုသည့်အတိုင်း ဒီဇာတ်လမ်းပါ အကြောင်းအရာအားလုံးက ကျွန်တော့်ရဲ့ စိတ်ကူးယဥ် သပ်သပ်သာ ဖြစ်ပါတယ်။ ဒါဆိုရင် ဇာတ်လမ်းလေးကို စပြီး မိတ်ဆက်ပေးပါ့မယ်။ မဏိရောဂတိုင်း၊ စေသုဒ္ဓါပြည်ထောင်၏ ပြည့်ရှင် မရိန်ဓတွင် သားတော် ကိုးပါးရှိ၏။ ယင်းသားတ...
