I'm Not Afraid Of You

start💜

Hi Army 💜

A hmasa in he story hi Suga ff a ni a,, ngaihnawm in tih ngei ka beisei. Tawngkam hi ka thiam vak lova , Han hman sual pawh ka ngah ang chuvangin in hriatthiamna ka ngen nghal ni rawh se.

He story hi ka thiannu Christy tan ka hlan e

Christy a ngaihnawm I tih ngei ka beisei 💜💜

Tan dawn ang hmiang

⬇️Start⬇️

**********

I'm Not Afraid Of You

Chapter - 1

Y/N  P.o.v

Dawt a puhin I awm tawh em? I pa lakah leh nghal chuan I pa lah chuan I thiamloh na awm miah lovah I in sawi fiahna pawh ngaithla lovin dawt a puh tu che chu a awih hmiah a.

"ka tih a ni lo ka tih khaa" ka ti,, ka tap tep bawk.

"dawt sawi suh...nangman min nam vak a chuvang a lawm pangpar khawina kha ka tih chhiat...pa dawt ka sawilo" ka unau nu hrawn fing phakar zet chuan a ti a,, a tap pur bawk.

"Kim Y/N....I u hi zah ve deuh rawh ka tih che kha" ka pa chuan aw ki sang zetin min vin a, a bula hmeichhe ding chu kuah in a hnungah a chul a

"tap tawh suh... I bulah ka awm tawh hi... engkim a tha leh vek mai ang" a ti mawlh mawlh .

A fanu mittui tla chu hmuh kanin a fa tak ni lo zawk chu thlem in a thlavang a hauh zawk a nia.

"pa...tihpalh ..ka thiam loh a ni lo Y/n hian min nam lo se chuan ka ti keh miah lovang" a tah tawng zuah zuah .

"Kim Y/n I u hi ngaihdam Dil rawh" ka pa chuan a ti tuarh,,dawt a min puh apiang a ka pa thusawi thin kha a ni a. Ka thiam e maw thiamlo e maw a pawisa lo,, a ni lakah chuan a ti diklo tu leh a thiamlo zawk chu ka ni kumkhua reng ang .

"ngaihdam Chu dil vat rawh" a ti leh that, tum dang ang chu Ni se ka dil leh em em ang , mahse ka dil hnem  tawk tawh viau e.

"Ding rawh...khawiah nge kal I tum" ka pa rawn au tuarh thawm avang chuan ka pe lai chu ka thulh eih lo. Kawngka lam chu ka pan phei mawp mawp a,

"a luhlul sawt zia saw I hria em?? Hlauhna che pakhatmah a nei tawh lo...a lakah sawn I nem lutuk a" ka nuhrawn, ramhuai pitar I phun lang lang thawm chu kawngkhar ka khar phui rual chuan a reh zui hmak .

Pawn a ka chhuah rual chuan thli vawt takin min rawn chhem a, ka tahna avang a ka mit atanga mittui luan thlakna ka biang chu thli in a chhem zawng chuan a thip hle bawk.

"nu..ka pa in aw ka vin in min be leh tawh..nu ka ngai che...... I bulah ka kal ve duh" van lam hawiin ka ti chhuak sap.

Ka pa In-lian tak atang chuan kalan tur hre lovin ka hma zawn a kawng awmah chuan ka pen mawp mawp. Khua a thim tawh a, ruah a Sur dawn vang nge vanah chuan arsi pakhatmah a lang lo . Tum dang ang chu nise ka hlau leh em em tawh ang,,ka hlau lo chu ka ti lo mahse ka natna hian ka hlauhna a hneh zawk mai a ni .

Kei hi Kim Y/n ka ni a, kei hian nu ka nei tawhlo. Pa chu a hming chuan ka la nei ve mahse pa a nihna ka lakah a ti lang ngailo . Ka nu'in min thih san khan naupang te ka la ni a mahse nu te chan nat zia chu ka hre ve. Ka pa in min enkawl chho a, kha tih lai khan ka nu kha ngai thin hle mah ila tun ang em em hi chuan ka ngaiin ka mamawh ngai lo . A chhan chu kha tih hun lai khan ka pa kha ka kiangah a awm a,, min tih tah ngaihloh vang a ni . Mahse kha mi ni atang kha ka pa..min ngahtuah em em tu, ka tah leh ka hlim loh hlau reng reng a buai thin kha a bo tawh . Ka nuhrawn tur kan In a a lo pen luh Ni leh kei ai a u hmechia ka unau nu tur a lo hruai tel ni khan. Ka nuhrawn leh a fanu chuan ka pa chu ka lak atang a hla takah an hruai Bo ka ti lo theilo.

Ka pa hi company pakhat a CEO a ni a, sum a ngah ang tih chu in hriatthiam ka ring . Mahse heng a sum leh pai te hi ka mamawh ve lo . Thil ho te, a fa ka nih ang a a ngaihsakna dawn te mai kha ka phut a ni . Ka damloh in kan awmpui te ni lovin ka pa ka kiangah awm se, ka birthday in keimah chauh a awm tawh lovin ka kiang ah awm se tih te mai Chu a ni lak atang a ka phut a ni . Mahse a nupui leh a fanu thar te lakah hian hlimna a hmu a, kei Chu min hre Chang tawh lo . Ka pa thinlung ah chuan tin ther tiat pawh hmun ka awh tawhlo . Mahse ka sawi ngailo , a nupui in engtiang chiah a chhia in nge ka nu chungchang ka bulah a sawi thin tih leh eng zat a tam nge ka unau nu hrawn in  kut min thlak a, ka thil neih min lak sak  tih hi ka pa chuan a ngaihven lo . Ka thih sual pawh nilo, dawt a min puh chang a ka thusawi pakhatmah ngaihthla lova dawt a ka chhiatna lai an sawi chiah a hre tawh ...

Ka pa hi hlim se ka ti em em, nupui te neiin nun thar tan leh se ka duh . Mahse ka nu kha a theihnghilh kher erawh ka duhlo ..

Cinderella chuan a nu hrawn leh a unau nu hrawn sual tak tak te lak atanga chhanchuak tu dawithiam a nei a, a mah hmangaih em em tu Lal fapa a tawng bawk a. Mahse kei chuan dawithiam leh Lal fapa ka nei ve lo .

*******

Ka hnung lam tanga nghet zet a ka hmui rawn hup bet tu avang chuan ka tal nghal vak vak . Mahse awmzia a awmlo, kei hmeichhia ah pawh hmeichhe awm nem leh derthawng tak, lian lo tak chuan mipa tha chak tak pathum chu hneh ngaihna a awmlo.

Chu lai hmun chu engvang kher nge a thim bika a reh em em nge a nih ?? Thil thleng hi a rang teh thut lutuk a,, mumang a ang hial zawk . Mahse min man behna na zet avang chuan mumang a ni hauh lo .

Motor chhungah min dah lut tih chu ka hria,, Ka chungah hian engnge thleng ta hi . Ka ham haih tak zet .

"min chhuah rawh uu... khawnghaih takin..pawisa....pawisa in duh chuan ka pe ang che u.....in duh zah zah " ka ti hlawp hlawp . Ka hlau tak zet,, ka mangang hle bawk .

"ngawi rawh......ngawih tir teh kha nu kha" mipa aw thum takin a rawn tih chuan ka hlauhna a zual sauh.

Ka bula thu mipa ,, nghet taka min man bet tu chuan ka hmui chu puan nen a rawn hup hnan a,, ka hriatna chu a vai nghal ruai mai,, ka mut a chhuak nghal em em bawk . Ka chungah heng mi te hian eng thil nge an tih dawn ka hriatloh avangin mu hil thei ka ni lo . Mahse ka meng thei lo. Ka khaw hmuh a thim vek a, engmah ka hre zui tawh lo .

***********

"engvangin nge in thah nghal mai loh" mipa aw thum takin a ti tuarh chu ka hre ruai ruai .

"kidnapper pawh kan ni a mi... engvangin nge a ni hi dam a ni rawn hruai hawn" a ti vin leh tuarh a, a aw ka hriat ringawt pawh chuan ka khur nghal thei nia mawle..

He ka dinhmu tha lo zet atang hian engtin nge ka chhuah tak ang ??

============================================

To be continued.......

Ka story kal lai Promise kha chhunzawm a ngaih ve tho avangin a rem Chan angin rawn post ka tum ang .....