I'm Not Afraid Of You

≤three≥

Chapter-3

Ka ke na reng kha ka hre chang tawhlo,, ka hlauh luat avangin ka tha a khur zo a. Ke pen thawm a awm a, chu ke pen thawm chuan ka lam a rawn pan bawk . Ka tap ri chuan chu ke pen thawm chu a ti tawplo.

Kei hi tunah hian ka thih loh reng ka ring tawhlo, ka hlauh na ai mahin ka inchhir na a nasa zawk .

Engvangin nge ka u kha ngaihdam dil lova hmeichhe awm tha duhlo ang mai a In kha ka lo chhuahsan. Tlan chhuah tum lo tur a min tih lai khan engvangin nge ka lo awm mai mai loh . Engkim hi ka thiam loh vek a ni .

Ka rilru chuan ka pa te, ka thian te, kan In te , engkim ka thil tawn tawh zawng zawng chu ka ngaihtuah let a .

Thi tur chuan ka la in dah phallo . Tu tih hriatloh kut ah, thih dan rapthlak ber mai hmang in maw kei hian he khawvel ka chhuahsan dawn tak. Ka ruang chu hlawm tu mumal leh tah tu pawh nei lova a awm tur ka ngaihtuah chuan ka lung a awi hlawl lo.

"pa mangtha aw....nu I bulah ka rawn kal tawh dawn a sin" ka ti sap a, ka mittui tla avang chuan ka khaw hmuh a phe vek a,,,ka hming a min ko thawm chu ka hre ruai ruai bawk . Min ko thawm chu a hla telh telh a, a tawp ah phei chuan eng thawm mah ka hre zui tawhlo,, ka khaw hmuh chu a thim nghal mup bawk .

Suga     P.O.V

.................

"a hlauh thawn vang a nih hi ni khaw hre lova a awm.... a taksa chak bawk si lo nen,, hlauh thawn awm lutuk chu a ni lova, a rawn harh leh vat mai ang" doctor thusawi avang chuan ka thaw chhuak hawk .

"eng nge I en reng a" chu doctor min en reng tu bulah chuan ka ti sup a,,

"ka hrethiam lo che.."

"engvangin"

"doctor ka ni a,, ka bulah hian damlo chi hrang hrang an rawn hruai thin....mahse I lakah hi chuan tiang ti ka beisei lo. Ka hnen ah hian damlo I rawn hruai ang tih hi ka ring ngailo... mihring nunna lak chiah hi thiam I nei a maw ka ti thin a"          a tih chuan ka nui chhuak hawk thei.

A ni hian min hre chiang a,, kan hna thawh na ah hian in tih palh chang leh nat taka in hliam chang kan ngah a, chung hunah chuan kan tan hospital pan a rem loh avangin doctor kan nei hrang a, chung zingah chuan tuna doctor hi a tel ve a, chuan kan inpawh ve bawk.

"a ni hi I tan eng chiah nge a nih tih hrelo mah I la I lak atang hian kal bo tir ngai suh" a ti a,

" Pathian pek che pawh a ni mai thei a sin" a tih zawm leh chuan khum a mu hmeichhia chu ka en a,,

"a ni hi ka tan eng emaw tak a ni a nih pawhin Pathian min pek chu a ni lo... Pathian hian ka tan eng mihring leh eng thil mah a ruat lo tih chu I hriat chian kha......" ka ti sap.

"engpawh ni se hlauh thawn na tur a awmlo, a ke pawh kha a dam ve leh mai tur ah ngai ang" a ti a, room chu a chhuahsan zui nghal a.

Kim Y/n mut na khumah chuan ka thu thla a, a mittui tlakna la hul chianglo chu ka hruk fai sak a. A rawn in hnit chhuak leh hlawp hlawp thin avang chuan ka khawnghaih tak zet .

Light ka on en rual a chhuat a alo thu sawp nuaih leh a ke dar thlalang keh them a rahna avang a thisen lo chhuak te, min hlau tih hriat zet a min melh chunga a tah te, a lam ka pan hnaih lai a mangang zet a a mit a lo hup lai ka hmuh te khan keimah hi min ti tak zet.

Zawi tak khan a lo phun chhuak sep sep kha a nia, a tawng zawih em avang khan a thusawi kha ka hre theilo thung.

Mr Lee (doctor kha) sawi ang khan a ni hi Pathian min pek a ni ang tih ka hlau . He Pathian an sawi hian a thil pek chu a la let leh thin si a .