I'm Not Afraid Of You

<thirteen>

Ka u chu ka melh tlawk tlawk tawp. Engthu mah sawi tawh lovin car chhungah chuan kan thu ngawi kar reng.

Kan in gate-ah chuan kan thlan lut a, driver in car kawngkhar a rawn hawn ve leh rang taka chhuakin in-chhung lam kan pan nghal vat. Ka u pawhin ka hnungah chuan min rawn zui ve det det tih ka hria.

Ka pa ka mangtha fel hnu chuan ka room-ah lutin ka in thlak a, ka mut kawr chu ha sawk sawkin khumah chuan ka mut nghal hnawk .

Ka lo muhil sek ni tur a ni ka phone ri chuan min ti harh a, harh chiang mang hlei lo chuan ka pick a .

"i mu tawh a mi?"  rawn ti sup tu avang chuan ka meng kawk thei,

"na..nang maw.. ti nge?"  ka tih bah nak.

"aw keimah, kei lo midang i lo beisei em ni?"  a ti hniam nghal ruih

"aih chutiang lam a ni lo,, min rawn call ka ring lo em a"

"ka ngai che"  a tih sup chuan hreawm ka van ti tak, a bulah awm thei ila ka ti tak zet.

*

*

*

*

,*

*

*

"pa... ka tha ang, bakah chhun eng a nih hi engmah ka tawk lovang "  ka pa bulah chuan ka ti sep sep.

"y/n... ka ngaihtuah che ni"  rilru hah hmel zet chuan a ti a, a thaw chhuak leh halh thin.

"ka tha ang ka tih chu,, driver in min thlah a min hruai ziah hian ka thalo zawk...."  ka ti ve tlat avang chuan min melh deuh ngar ngar.

"a nih chuan nangmah chuan han kal phawt ta che, mahse fimkhur la,, eng harsatna mah i tawk tur a ni lo. I tawk a nih chuan ka duh danin engkim ka tih tawh ang"  a tih chuan ka lu ka nu nghat nghat.

Ka pain driver min thlah tir a tum a ka hnial chhan hi eng dang mah a ni lo, nizan khan Suga nen khan eng eng emaw sawiin rei fe kan in bia a. Engtin nge call kan tih tawp ka hrelo, ka lo mut thluk san daih a nih ka ring. Nizan khan college kal tur a min sawm dawn thu a sawi a, ka hnial viau takna a ka hnial hneh ngang lo . Chuvang a nia vawi pawih hian driver in hruai tir ka duhloh na chhan chu.

A lo awmna hmun tura a sawah chuan a bike nen a lo awm vang tawh . Leather jacket dum bawk a ha a, Jeans kekawr dum ha in tunlai a an uar tak ang khan a khup chu a tet bawk. A helmet chu a bikeah dahin a bike chu a ngheng deuh ar ar a . Min hmuh chuan ka lam hawiin a kiai leh suk tawh.

"min lo nghak rei em ?" a bul ka thlen chuan ka ti nghal vat, a lu a thing ringawt. Ka ke hmawr atang ka chhip chu min en chhuak dap a, ka lu a bu deuh zauh bawk.

"rawn chuang rawh le"   a tih rualin a bike-ah chuan hnehsawh zetin a lawn kai a, keipawh a hnungah chuan ka lawn zui ve bawk.

"min kuah rawh"  a tih sup chuan ka nui hak ringawt.

"min khuah rawh ka tih chu"  a rawn tih nawn leh takah chuan ka kuah ve mai bawk.

"khawiah nge kan kal dawn" ka ti haw, kan college kan tlan liam san tak chu ka melh zui vang vang bawk.

"class ka kal peihlo, i bulah ka awm duh"  a ti sup ringawt.

In lian tak zawnah chuan bike chu a ding dat a,

"chhuk rawh le"  ka hma a thu chuan a tih avangin ka chhuk ve mai bawk. A ni pawh bike atanga rawn chhukin ka banah a rawn vuan a,

"he lai hmun hi kan In a nih hi,, kum nga liam ta chhung khan i hmuh ve beisei ka chei thin a chuan tunah hei i hmu ta a"  a ti a, a hmel chu a thutak hmel tak zet.

"lut ang le"  ti in hma a hruai a, chu In lam chu kan pan dun ta a.

In chhung a kan luh chuan pawn lam a a lan dan ringawt kha a ni lo tih a hriat theih . Lian em em lo mahse mi pahnih awm nan chuan a zau lutuk mah mah tho . A chhung bungrua te chu designer kut chhuak a ni tih hai theih a ni lo . A bang chu rawng var a in hnawih vek a, chu chuan hmuh a ti hahdam tak zet.

"kha ta ding renglo khan ka bulah hian lo thu teh"  sofa a thatchhe tak a thu chunga rawn ti tham tuak tu chu ka melh a, min lo nuih var var avang chuan a lam a ka pan vat.

A buala ka thut rual chuan ka mal chungah a lu rawn ngatin ka pumah a hmai a phum a, a samah ka lo chul sak thung.

"y/n"  chhang lovin a en reng, ka chhan mai loh vang nge a rawn hawi chho a, ka nuih var var a hmuh chuan a kiai suk.

"min hua em?"  ka mit ah tak en chungin a ti sup.

"ka huat che i duh em?"  ka tih chuan a lu a thing nar nar.

"ka mut a chhuak ka mu hil dawn,, ka mut hlanin khawiah mah kalsawn suh aw"  a tih chuan ka nui chhuak hawk.

"mut duh pa.. putar ang mai.. Grandpa tih hi i in hmeh ngawt ang ka ring"  ka tih chuan a nui ve hak tho.

To be continue....

sorry aw Christy, i birthday kha December ni 9 emaw ka ti a mahse ni 7 a ni zawk sia. I ngaihdam na sang tak ka phut 🥰
Phun chiar hle mah la 😀
Chuan ka typing mistake a awm mai theih