I'm Not Afraid Of You

<twelve>

Ka bul lawk a mu mipa hmeltha zet chu ka thlir ning theilo. Ka hnaih takah a awm tih hre lovin ka lo zawng kual thin a, khang hun lai khan min hnaih takah a awm a ni tih lo hria ila tha tur.

Ka coat hak ipte chhunga ka phone dah rawn ri dar dar avang chuan ka tho nghal vut.

"khawiah mah kal suh"  ti supin ka tho tur chu min kuah bet tlat. A mu hil emaw tih laiin a lo harh reng a maw .

"ka phone saw ka va chhang lawk ang"  ka tih chuan min thlah ve mai.

"hello" ka tih rualin ka u tawng lang lang ka hre zui zat.

"khawnge i awm ? Haw tawh ang... tuna kan haw loh chuan ka pa'n min rawn hruai a tum a nia"  a ti deuh lang lang,

"khawiah maw i awm" a tih zawm zat, ka awmna hmun chu inthlahrung takin ka hrilh a.

"ka rawn hruai ang che"  tiin Phone a ti tawp nghal.

Ka hnung a min si chet a rawn ding pangti lum chuan min ur hat hat, a taksa lian pui chu ka ngheng nghal bawk. A nui che dawt thung.

"ka haw a ngai tawh a" ka ti sap, a hmel ka hmuh chian theihnan ka thlek chho bawk. Min melh ve ngur bawk, a mit meng mawlh chuan ka taksa a fan vek thei. A hmui hnawm chap leh a hnar ngul dik lutuk te, a mit hmul dum nalh tak leh a sam buk ve tak te, a hmai khem nian te chuan mipa a nih zia a pho lang.

"tiang a min en reng kha chuan ka haw tir phal miah lovang che"  a ti a, a vei nuih suk. Ka lai nghal der, kun hniam ka phun nghal niah niah.

"le... keiman ka thlah ang che chuan naktuah class kal turin ka rawn sawm dawn che a nia"kk ti supin ka coat chu la in min hak tir a, hotel room atang chuan kan in zui chhuak hnak hnak.

_______

"ka u in min rawn hruai dawn a" hotel building kan chhuahsan rual chuan ka ti sap, min chhang lovin a bu nghut.

Ka u nghakin pawnah chuan kan ding dun reng . Pawn boruak chu a vawt deuh var tawh a, ka bula mi chu a ngawi ngul reng. Tawng hi a hreh hmel thin a chang chuan.

"i phone number ka la nei lo"  a ngawih vang vang hnuah a rawn ti sup, ka thlek ngawih vat, min lo melh  ve chiah avangin kan mit leh mit chu a in tawng siah.

"ih..ih ka  number maw" ka tih bah nak. Tinge hepa huhang ah hian ka zam em em zel le.

"umm" a tih sup chuan ka phone chhu phawrhin ka number chu ka pe vat, ka u pawh kan driver nen an rawn lang zui ve nghal mai bawk.

Druver  chuan ka luhna turin car kawngkhar chu min hawn sak a, ka u pawhin motor chhung atangin Yoongi nen chuan min thlek tawn zak zak bawk.

"ka kal dawn nia.. mangtha aw" ka ti deuh sap, motor lam pan a ka pen chhuak chu ban tha chak zet chuan min pawt let dawrh .

Ka hmui a duhthawh taka a fawhna chu ka chhang let ve lo . A ni hian eng thil nge a tih ... Pawn khawilaiah, ka u hmuh lai ngeiin min fawp a maw.

"tinge min chhan let loh"  min fawhna a tih tawp rual chuan a ti hniam ruih, thip zetin ka lo melh thung. A thil tih âtthlak lutuk vang khan ka zak tak zet.

"lut rawh... a vawt si"  tih phain motor lamah chuan min nawr kal dawr dawr.

Kan tlan liam thleng min thlir zui tih ka hria . Ka ngai leh nghal em em tawh. A kiang a ka awm hian ka famkim bik hliah hliah in ka hre thin mahse a ni ka kal san chhiah hian ka ruak huai zel.

"y/n" ka u in a rawn ti sap a, ka melh nghal vat.

"Suga nen hian engnge in in lai chin na "  hriat chak hmel zet a a tih chuan chhang lovin ka en reng ringawt.

"nang nen hian unau in ngeih tak kan nilo tih ka hria, chuan Suga nen a in in lai chin na hrilh en an pawh min en lo tih ka hria mahse y/n i lakah hian rilru chhia ka Pu lo . Ka sual in ka pa bulah pawh ka hek thin che tih ka hria . Mahse khang thil kha ka tih loh chuan ka pa hian min hmangaih ve ka ring lova.. a diklo tih hre reng chungin khang thil te kha i chungah ka ti a. Nu tel lova khawsak hreawm zia i hriat chian ang bawk khan pa tel lova nun hman kha a hreawm thin a sin. I bo zan te khan chhin khat te mah kei hi ka chhing lo, hreawm ka ti a ka inthiamlo bawk. Ka tap tlaivar zak a sin"  a ti a, hreawm tih hmel zetin a thaw chhuak halh halh.

"Ka nun nen hian kan haw lo che tih hi hria la ka duh. Khang kan thil tih zawng zawng ah khan min ngaidam theilo a nih pawhin min haw kher suh aw"  a ti chuai raih.

"u" ka ti sap thung

To be continued

Christy_xyoongi min tur char char.... chuvangin tawi te in ka rawn dah 😂😆

Lal Christy chuan phun na tur bawk a zawng leh ang chu 😂😅