I'm Not Afraid Of You

<eleven>

(ka sawi lo thei lo.... an hlim a ni. Khawvel a vannnei ka tih ber te chu Harry styles concert na a kal te an ni tawh 🥺 Khang lai vel a hmeichhe dang lo awm ve te kha 😭 awiii ka sawi peihlo ka rilru tur ang chu in hrethiam ang)

_________

"han sawi nawn leh teh"  a au tuar,, ka lo phu zawk thung.

"nang hian kei lo midang i melh tur a nilo" a ti nghut, ka kutah chuan na zetin a hmer ngawt ngawt bawk.

"nang pawh hmeichhe dang bulah i ve tho kha"  ka ti sep, hmeichhe dang bulah a awm chu hre lovin mipa dang bula ka awm chu a hre em em a maw !

"hetiang hian awm suh... Nang lo Hmeichhe dang ka hmangaih lo tih i hria. Khang kum... kum nga chhung zawng khan ka bula i awm theih nan ka nghak che,, chuvang ti hian awm suh"  a ti sup.

"Y/N ka rei viau em ?.... aw Suga pawh a awm a nih hi"  Hyun Woo chuan Suga nen a kan ding dun chu min en tawn zak zak. Suga erawh Hyun Woo chu awm ve lo ang mai chuan ka kut chu a la vuan reng a, min melh ngur bawk.

"party na ah kan va lut phei ve dawn mi?"  Hyun Woo chuan a ti a, ka lu ka bu nghat. Nghet takin Yoongi min vawn na chu phelh ka tum a, ka thei teuhlo.

"a bulah sawn i ngam chuan han kal teh.... saw pa saw ka that hreh hauh lova nia"  hniam ruih a Yoongi'n ka beng bula a rawn tih sup chuan ka ip chawih theih. Ka melh deuh kawk bawk, ngeiawm zetin a nui suk . Hyun Woo bulah ka kal a nih chuan a sawi ang chiahin a that hreh miah lovang.

"Woo... lo va kal mai rawh... nakin deuhah ka rawn kal ve ang"  ka ti ta sep, Hyun Woo chuan min en leh ran ran a,

"aw... party na ah chuan ka lo nghak ang che"  a ti sup, "imm"  ka ti let sap.

"lo nghah Kher a ngai lovang"  Suga chuan a lo ti nghut thung, ka kut chu vuan nghet sauhin Hyun Woo kalsawn hma in min kai kal nghal dawr dawr.

In lian tak atang chuan chhuakin a car park na ha chuan min kai kal dawt dawt, a pen pawk pawk a kei lahin a hnungah chuan ka zui ve dat dat.

"lut rawh" car kawngka chu a hawng a, ka lo melh ha thung.

"lut rawh ka tih che chu"  ti vin tuarh in a motor tire chu a tlawh ri ngal chawrh.

Hlau zetin car front seat-ah chuan ka lut a . A ni pawh car chu hel kualin driver seat ah chuan a rawn thu lut ve nghal vat bawk.

"khawnge kan kal dawn" ka lo ti ha. Min chhang lovin Motor engine chu a ti nung a, parking area atang chuan kan tlan chhuak zui nghal a.

Khawiah nge min hruai dawn ka hre lo . Ka u lah kha engmah ka hrilh bawk si lo . Phone ka keng tho va min hmuh loh chuan min rawn call mai turah ngai ang.

*

*

*

*

"

"rawn chhuak rawh le "  zaidam deuh a tiin car kawngka chu min hawn sak a,,

"tinge tah hian min hruai a ?"  ka tih chuan a hma ang bawkin ka biakna chu hrelo ang hmakin a awm leh tawh. Seoul a Hotel lar tak leh lian ber ang a ngaih ah hian engvang a min hruai nge a nih ka hrelo.

Staff pakhat hnenah car chahbi pein ka kut a rawn vuan a,, min kai kal leh nghal dawr dawr.

Hotel room pakhat ah chuan kan lut dun a, chu room chu a lo lian ngang mai . A simple hle bawk, khum lian tak pakhat leh sofa pakhat a in hung a . TV lian zet a in hung bawk, simple hle mahse a changkang ru tlat. Bedsheets var thianghlim tak chu khumah chuan a in phah diai a, bang pawh chu rawng var an hmang bawk .