I'm Not Afraid Of You

<five>

Chapter-5

~~~~~~~~~

Ka thawmhnaw hak tur khum a awm chu ka in bel a, ka pum ri ruih ruih chuan ka riltam zia a rawn au chhuah pui . Heng thil rapthlak tak ka tawh atang khan engmah ka la ei lo ......

Ka hma a ei tur in chhawp chu ka ei mial mial, ka hma a thu mipa chu ka hlau tawhlo tihna ni lovin ka riltam em vang hian ka hlauna a bo ti tawh mai ang.

Ka ei turah hian tur a pawlh lovang tih pawh a sawi theih loh. Ni tak,, kei hi kidnap ka ni a chuan a ei tur min pek chu tui ti takin ka lo ei mai a maw.

"tur ka pawlh lo chuvang chuan ei rawh"  ka ngaihtuah na hre awm ang hrim in ka hma a mi chuan a rawn ti chhuak a, a hma a ei tur awm chu a ei mawlh mawlh bawk.

"ka zawn nasat zia che I hria em?? I hmel leh I hming ka hre chiang bawk si lova,, ka hmuh leh mial che beisei in kha mi zan a kan in hmuhna hmunah khan ka kal fo thin a,, mahse vawikhatmah I hmel hmuh tur a awmlo.....kan in hmu tawh ngai dawn lova maw ka tih hnuah ka hmu leh che a, mahse he ti zawng a kan in tawn erawh ka beisei pha lo"  ka tih chuan a thil ei lai chu chawlh san in min rawn en a,

"vawi tam min hmu chung pawh khan min hre lova,, kei kha chuan ka hria che a chuan ka veng him thin bawk che"

"nang nen hian hmun dangah kan in hmu tawh a maw" mak tih hmel fe in ka hma a mipa lian tak chu ka en a,

"kha lam kha chu sawi tawh suh" a ti nghut.

"mahse nang chu vantirhko...."

"vantirhkoh ka ni lo kei chu misual tak leh tual thah hmang ka ni...chu chu theihnghilh ngai suh" a ti tuarh a, chutiang a a rawn au chhuah tuarh ka rin loh em avang chuan ka lo phu zuk .

"I ei zawh ah room ah lut nghal ang che" ti hmukin a thutna atang chuan a tho a, a kal nghal daih.

*************

Ka mutna khumah chuan lung chhe zet in  ka tap chhuak leh hlap hlap thin .

Kei hi tunah hian misual tak leh tual thah hmang bulah ka awm mek a, engtik ah nge kei hi min dah that ang tih chu ka hrelo . Ka kut leh ke a phuar bet lova, chuan kut pawh min la thlak hek lo . Chaw ei tur min pe a, ka ke hliam a enkawl bawk . Ka tan a thalo eng thil pawi mah ka chungah hian a ti lova mahse a ni bulah hian ka awm duh lo .

A In hi lian tak a ni a, chuan a tukverh tin ah bar nghek tak, mipa tha chak tak tan pawh a tih chhiat theihloh tur chu a awm bawk . Jail tang te pawh ka ang Mah zawk, cell lian ve takah pawn lam a chhuak thei silova awm ni mai hian ka hria . Mahse hei ka nunna em a la la lova a lawm awmah ngai ang .

Ka pa hian ka bo tih a hria a ngem le?? Min ngaihtuah ve a ngem? Ka bo hi hreawm a ti ang nge thaw ven thlak a ti ang? Nge ni a heng thil thleng zawng zawng hi a rua hmanna a ni vek zawk ?

Chung thil vel ngaihtuah chuan ka mu hil theilo .

Pa tling tawng bul bul thawm avang chuan ka thin phu chu a rang leh hle tawh . Thawm a rin tak em avang chuan ka mutna atanga tho chhuakin room kawngkhar chu ka hawng a,

"a ni chu tunah ka duh" ti nghut tu chu kha pa, ka vantirhkoh emaw ka tih kha a ni.

"Korea a chhuahsan hma in in man ngei tur a ni... Min Yoongi pawi a sawi man chu a thisen in a rulh a ngai ngei ang "  a tih chuan ka lo ip chawih theih, a hming chu Min Yoongi maw ni a

Ka lam a rawn hawi a, a nui suk bawk .

"lo zawng chhunzawm ang che...I hmu ngei tur a ni" a bula mi chu biain a kut zai zirin chhuak turin a ti a, a mi biak pa pawh chu a chhuak zui nghal bawk. Ka lam a rawn pan lai chuan a ding khawng reng, kal san a tlan chhiat san deih ka duh laiin ka taksa erawh a che theilo . Min ai kaih ni mai hian ka hria.

"I la mu na nge??" hnaih takah min rawn din chilh in a ti sup, ka lu ka bu nghat . A tawng chhuah zawng chuan zu rim a nam a, zu mai lo pawh thil dang ruih a nei tih a mit meng phi chiai danah ka hre thei....

"tinge I lo tah leh thin le" tih pahin ka biang a mittui luanna la hul chianglo chu a kut lum tak chuan a rawn khawih a, ka lo ip chawih theih.

Chutia ka awm vang chu nge ni a rum chhuak nghut.

"min hlau suh ka tih che kha" a ti sup a, nichin ah tual that tu a ni tih theihnghilh lo turin min ti a,, tunah lem amah hlau lo turin min ti leh a.

"I chal kha..ih ih thisen " a chal a thisen rawn luang thla ngiai ngiai kawh pahin ka tih bah niaih. A chal chu a khawih zauh a,

"hmel a mai mai chu " a ti nghut .

"a na lova mi" chu zawhna mawl mang zet chu engvang a zawt nge ka nih? A duh leh lo na mai mai se a pawi vak hlei nem mawle .

" damdawi hnawih rawh a nih loh chuan a pun mai ang" ka tih chuan hnai zet a min rawh bih in a nui suk a, a kalsawn zui leh nghal daih .

Ni e, kei hi ka fel e chu ka ti lo mahse midang  te chungah hian rilru chhia chu ka pu tlat theilo . Pathian malsawmna te pawh a ni mah na .

"damdawi chu min hnawih dawn lova mi" room a ka lut tur ka hnung lama a rawn tih sup avang chuan ka hawi let a. First-aid box chu kengin min lo melh reng .

A chal atang a thisen lo chhuak chu lapua chuan ka hru fai mawlh mawlh . A hliam chu han en mai chuan thir emaw thing bung emaw a vuakna hnu a ang ber .

"I ke kha engnge a an??"

"a tha"

"min hua em?? Ka tih awmzia chu vantirhkoh emaw I tih kha misual tak ka lo nih leh si avangin min hua em?"

"min kidnap tu I nih avangin khawvel a ka mi huat ber chu I ni mahse ka vantirhkoh tawn I nih ang chuan ka haw ngai lovang che.... engtik ah mah chuan kha vantirhkoh kha I ni reng ang"      ka ti a, Ni e, min kidnap tu a nih avang chuan ka haw ngawih ngawih. Mahse kha mi zan a vantirhkoh ka tawn a nih ang chuan ka tan a mi pawimawh tak a ni a, a ni reng bawk ang. Ka lungngai lai a min hnem tu, ka harsatna ka sawi lai a lo ngaihthla tu a nih avang khan ka tan a hlu tak zet .

"mahse vantirhkoh chu mi fel tak sawina a lawm, misual sawina a ni lo" a chal ka tuam mekna ka kut chu a rawn vuan a, chiang takin min melh bawk .

==============

To be continued........

Jimin hnar kua ringawt ka rilru ah a awm 🤨

nuih tur nge thinrim tur