الاتصال الاخير 📞💔

part 7

مرحبا حبايبي مشتاقتلكم كولش
طبعا القصه ردت اتركها نهائي بس تعليقاتكم الحلوه رجعتلي الواهس وادللو ان شاء الله كل يوم بارت انزللكم وحسب تفاعلكم بعد عمري انتو 💙

بعض الاشياء وضوحها مخيف، مخيف جدا لكن على الاقل خير من ان تقضي ايامك مخدوع وتظن بأن كل جوانبك آمنه.

مرت الايام والاشهر وعادل ظل يحاول يرجعلي ومجنت اوافق ابدا لان فعلا مريت بتجربه فاشله ومكدرت اعيدها بعد وبسبب كلام امه اتخذت قراري انو ابتعد عنه بشكل نهائي كدرت ابتعد عنه وكل ماا يجي للكليه احاول مااخلي يشوفنيي مرت الاشهر ونجحت للمرحله الثالثه ومرت ايام العطله ومصار شي جديد نفس الروتين والملل ورا فترا جهزت نفسي للدوام من ملابس وهيج شي ومتحمسه كولش للدوام لان عندي زملاء وزميلات كولش حبابين واحبهم وبالاخص البنات وكفو وياي بكل مشاكلي وفعلا ايام الجامعه من احلا ايام العمر بدا الدوام وندرس ونتعب واحيانا نغلس عالمحاضرات ونطلع اني وصديقاتي نفتر بالجامعه منخلي مكان منروحله 🙂😂
نظل نفتر لحد منتعب ونرجع لبيوتنا هلكانين مرت الايام بين امتحانات ودراسه لحد ماا يوم من الايام كعدنا الصبح ع خبر وفاة خالو جنت اني بالجامعه خلصت محاضره ورحت لبيتهم لكيت اهلي هناك وهوسه وناس يلطمون ويبجون اتئذينا كولشش بوفاته بقينا ايام الفاتحه هناك وعادل هواي حاول يحجي وياي بس ابد مخليته يعني شكد يعاند العالم ديبجون وفاتحه وناس يلطمون وحالتهم حاله وهو ديريد يحجي وياي ميدري اني شلته من بالي نهااائي
خلصت الفاتحه وكلمن رجع لبيته وصار الاربعين وكولنا رحنا للنجف وهناك عادل هم حاول يحاجيني وتركته وامه تباوعلنه
ومرت الايام ومشغوله اني بدوامي ومره المرات مثل كل يوم نخلص المحاضره الاولى ونطلع للنادي نتريك اني وصديقاتي ف دنمشي واجه ولد بأتجاهي
#الولد ...مرحبا
#اني والبنات مراحب اهلا (باستغراب)
ممكن احجي وياج ويباوعلي
#نور...اني؟ ليشش
بس دقيقه من وقتج لو سمحتي
ماشي تفضل ..وكفنا ع جهه ويحجيلي
تفضل كول
انتي نور اعرف اسمج
اي نعم اسمي نور
نور اني معجب بيج كولشش هواي اشوفج لما تطلعين وياصديقاتج وكولش عجبتيني شخصيتج مشيتج اخلاقج طريقة لبسج كولشي عجبني بيج
#نور ...صراحه صدمتني لان ماعرفك ابدا
ولااني اعرفج بس حطيت عيني عليج صار فتره وعجبتيني كولش واريد تفكرين بالموضوع لترديلي الجواب هسه حنتظرج اسبوع ورجعيلي جوابج
ماشي اوك
تشرفت بمعرفتج
اشكرك تسلم واني بعد وراح واني رجعت لصديقاتي وسولفتلهم
ظليت اسبوع افكر بأمر هذا الولد جان اسمه امير وهو اصغر مني بسنه واني مالي خلك علاقات وارتباط بعد خلص اتخذت قراري وكلت من اشوفه اكوله اعذرني جوابي لا مااريد ارتبط وفعلا داومت واجه هاليوم واجه امير ووجهه يضحك وفرحان جان عباله حوافق كعدنا بحديقه وسولفتله انو اني ماريد ارتبط ومااكدر احس نفسي أذيته بس احسن لان معاجبتني هالفكره ابدا شلت موضوع العلاقات وارتبط مره لخ من بالي نهائي تركني امير وراح بدون ميحجي ولاحرف حسيت بحزن لان أذيته ورجعت لصديقاتي واكيد سولفتلهم مااضم عليهم شي .....

#ميران الخفاجي 🖤