الاتصال الاخير 📞💔

part 5

بعد مو مال أعذرك صارن هواي !

ندى الخفاجي 🖤

#نور... التقينا بالمحكمه والحقير عينه وكحه يباوعلي بكل عين صلفه ولاشال عيونه عني كرهته صدوك كرهته شكد جنت احترمه ومخليته ع راسي بس مغزر بي جنت مااطلع من بيتنا اذا مااكوله مره من المرات خالو حيل تمرض وكل اهلي راحو شافو وردت اروح ومقبل اروح وكعدت وسكتت ولبسني عبايه واني جنت ماالبس ولبست لخاطره وتركت كل ولد عمامي ميخليني احجي وياهم عود يغار الحقير اوووف شكلت لروحي لما تركت عادل وارتبطت بهذا اللي ميسوه اظفر عادل اوووف منج يخالتي لو خاطبتني لـابنج جان كل هذا مصار وكفنا كدام القاضي وانتهت القضيه بالطلاق وقبل لنطلع من الغرفه القاضي سألنا ع سبب الانفصال
#همام...سيدي ماتلائمنا وصارت مشاكل
ههه باوعتله بطرف عيني وكوتله سيدي القاضي تسمحلي ادز ع فوني
دزيت ع فوني لان ممنوع الموبايلات يدخلوهن للمحكمه المهم طلعت كل دليل ع خيانته وراويته للقاضي القاضي سكت وگلي المفروض ترفعين عليه قضيه وتاخذين حقج المؤخر وهمام صافن علينا
جان القاضي گله لك انت متخجل من حالك رجال شطولك شعرضك تخون هاي الورده الحلوه لك انت تستاهل وحده مثلك اني هنا من صدوك نزلت دمعتي بهدوء وهمام طلع وطلعت لبابا ورجعنا لبيتنا الطريق كوله احس خلصت من شي جان حمل ع گلبي احس جبل وانزاح من ع اكتافي وفرحت وبنفس الوقت حالتي النفسيه سيئه حيل اتذكر لمساته الي وبوساته اوووف اتمنى الله يخلقلي جلد جديد مابي لمسات همام وصلت للبيت طبيت سبحت وحيل افرك بجسمي حيييل لحد مصار احمر وابجي جوه الدوش اووف اني مطيه اني غبيه كل هذا الصار مني اني السبب لالا مو اني السبب السبب هو عادل وامه لو خاطبني مجان صار هيج حقدت ع عادل وع خالتي وع اهلي وع نفسي بجيت لحد متعبت وراها الايام اجت عليه من الجحيم صحيح خلصت من همام بس بدا حجي الناس يطلع وذاك اللي يكول عافها وذيج اللي تكول اكيد شاف عليها شي وتركها ومحد يعرف السبب وخيانته حتى اهلي ميعرفون بهالشيدخلت بحالة كأبه موطبيعبه وعصبيه واللي يحجي وياي انفجر بوجهه حيل تغيرت اطباعي اني الحبابه الهادئه صرت ارادد واللي يحاجيني كلمه ارده بعشره اول شخص عرف بهالموضوع هو زميلي وياي بالدوام مو بس زميلي اخويه احسه حجيتله كلشي بالحرف الواحداسمه علي الفضل اله هو اللي خلاني انسى همام صحيح محبيته مثل حبي لعادل بس ضربتين عالراس توجع يعني اني منا مناسيه عادل وانوب انخطبت لهمام وانطيته حتى جسمي بس همزين حافظت ع نفسي وبقيت بنيه يعني حيل حيل صعبه لما تحبين شخص وتسلميله نفسج بحجه انو هو يكون خطيبج وحلالج وتاليها يطلع ميستاهل هالشي ويخونج هالشي حيل اذاني يعني جرحين جرح عادل وهمام تأذيت حيل نفسيتي تدهورت كولش وتمنيت الموت ولو لا علي اللي الله هيأليا وصار اخويه وصديقي وكولشي شوي شوي خلاني انسى همام بس بقى عادل اللي لما سمع بخبر فسخ الخطوبه طار من الفرح وماعرف منين محصل رقمي وبيومها كاعده وحدي وخابرني اعرف رقمه نفسه وابد ممتغيره لهفته جاوبته نفس لهفته وصوته بس واضح مكسور وحزين ومتغير حيل
الو
هلاو عادل
هلا نور شلونج
تمام وانت
بخير اذا انتي بخير
الحمدلله منين جبت رقمي
اختج انطتنيا
امممم اوكاريد اشوفج باجر
ماشي اخلص محاضرات ونلتقي
ماشي
سديته منه فرحانه ومتوتره وخايفه وشي بداخلي يكولي ابتعدي عن عادل هذا هو بسببه وبسبب امه اللي صارلج اوووف تعبت من التفكير واخير شي نمت كعدت الصبح بين ما سبحت وبدلت وميك اب خفيف وهاا نزعت العبايه تركتها وستايلي عادي يعني البس بناطير وتنانير وهيج شي بيومها لبست كوت اسود وجينز اسود وحذاء اسود وشيله سوده كلشي اسود واخذت ملازمي وطلعت وصلت للجامعه وبدت محاضراتي ونفتر اني وصديقاتي ومن طلعنا صار بوجهي عادل واكفلي بباب القسم طبعا من شفته كلشي متحرك بداخلي (حتى وان عدنا لن نعود كما كنا شي بيننا انكسر ولن يعود كما كان) اصدق عباره هي هاي تمثل حالي يعني فعلا لما شفت عادل ابد محسيت نفسي مشتاقتله ماعرف يمكن الاذى اللي شفته منه ومن امه ومن همام خلاني مااشتاق واكره الحب المهم تسالمنا وكعدنا بحديقهوجابلي عصير وظلينا نفتر ونسولف واحسه فرحان ويكولي هالمره تكونين الي ومااضيعج من ايدي ابدا واني ساكته اخير شي كوتله عادل خليني افكر هسه الناس شيكولون فسخت منا وانخطبت منا شيحجون عليه العالم والناس
شعلينا بالناس نور اني اريدج واحبج مصدكت يمتى فسختي ووعفتي ذاك الحقير لج جنت ادعي طول ذيج الفتره ادعي الله يخليج الي وبس وجايه هسه تكوليلي خليني افكر وحجي الناس وكلام الناس بااعي انتي الي وبس وضيعتج من ايدي مره ومراح اضيعج مره ثانيه تبقين الي ومتصيرين لغيري وهاي الفرصه مراح اضيعها
ماشي هسه ممكن اروح تأخرت
نور شبيج احسج متغيره معقوله نسيتي عادل نسيتي حبج الي معقوله يابنت خالتي
عادل عوفني اروح وبعدين نحجي
عفته ورحت وافكر وافكر ونزلت دمعتي ياالله همام كسر بداخلي الثقه خلاني اكره عادل مااطيق شوفته وحده غيري تكوم تركص لما يرجعلها حبها الاول بس اني انكسرت ثقتي انكسرت ظليت ابجي وابجي بيومها احترك كلبي حرك اريد شي يطفي النار اللي بصدري ماكو ياربي هالانسان اللي جنت اعشقه ابد هسه محسيت بشي اتجاهه ليش مفرحت ليش ليش ممرتاحه بوجودي ويا اوووف اااخ كلبي اااخ كله منك عادل كله منك ومن امك حسبي الله شكول عليكم شكول اوووف منكم اووف دمرتوني ودمار همام الي بجهه لخ وحده اووف شتحمل صرت مااثق بأي شخص ومااصدك بوجود الحب ومااثق بشي ابدا

يتبع ...

ندى الخفاجي 🖤

تفاعلو حبايبي صوتو وعلقو فدوه احب تعليقاتكم 🖤شجعوني وكولولي رايكم بالقصه ❤️