الاتصال الاخير 📞💔

part 6

ندى الخفاجي ...🖤

"‏أنا إمرأة ..
تَدهس عاطِفتها كما لو أنّها حَشرة."

#نور... كل الطلاب اللي وياي بالدوام عرفو انو اني فسخت خطوبتي ويسألوني شنو السبب ولييش انفصلتو مااجاوبهم اكتفي بالسكوت بمرور الايام زادت جيات عادل لقسمي جنت اشوف الحب واللهفه بعيونه لما يشوفني بس اني انكسر گلبي منه ومن همام وبعد مكدرت ارجع احبه لما انفصلنا تغير شي بداخلي كولش كبير عادل جان يظن انو حرجع احبه بس اني مكدرت احبه ابدا صرت اتهرب منه ومااخلي يشوفني ولما يتصل ماارد واذا اجه للقسم اطلع من القسم ومااخلي يشوفني بقيت ع هالحال فتره ماعرف ليش هيج اتصرف مو هذا اللي حبيته وعشقته؟ هو نفسه مااتغير اصلا حبه الي زاد اكثر واكثر افكر وابجي وابجي ليش هيج صارلي ليش يعني همام كسرلي ثقتي بنفسي وكسرلي ثقتي بالناس وبعادل وبعد مصدكت بشي اسمه حب صرت اخاف اذا شاب باوعلي او ينعجب بيه بيوم من الايام جنت ويا صديقاتي وكاعدين بالنادي ونتريك شوي واجه ولد من بعيد اجه تقدم علينا وسلم علينا واحنا منعرفه ..
صباح الخير بنات
اهلا صباح النور 😕
ممكن بلا زحمه اخذ صديقتكم شوي
#البنات...منو
هايه ويأشر عليه يااا هذا شبي
زين منو انت ماعرفك
اعرف متعرفيني بس اذا ممكن عندي وياج كلام ممكن ؟
اوك ..كمت واني مستغربه وصديقاتي يباوعلي ومستغربات
نعم تفضلاني معجب بيج حيل دائما اشوفج وياصديقاتج انتبه لكلامج لصوتك طريقتج لما تمشين اسلوبج تصرفاتج شخصيتج جمالج كولشي بيج عجبني
#نور... بسس اأأ
اسمحيلي اكمل لتقاطعيني اكيد متعرفيني اسمي محمد مرحله 3 جغرافيه وعمري 23 واريدج تفكرين وانطيني الجواب ورا متفكرين واخذي وقتج وهسه اني رايح
#نور... هذا شبي سطرهن تسطر مخلاني احجي والله بطران يابه دطير رجعت كعدت يم صديقاتي حجيتلهم كولشي ع هذا الولد
اي نور انطي لنفسج فرصه يجوز هو يعوضج عن اللي صارلج#نور... لامستحيل لو اريد احب وارتبط مره لخ جان اقبل بعادل بس اني ماريد بعد ارتبط مستحيل كافي تعبت نفسيتي تعبت وتأذيت ليش اعذب نفسي مستحيل مستحيل اعيد اللي صار ليش اضيع من عمري ع اشياء متستاهل كافي ضيعت سنتين وياعادل وسنه ونص ويا همام كافي معندي حظ بالحب وهاهي
#البنات...بكيفج حبي
المهم صارت الساعه 1:30 خلص الدوام وكل الطلاب توجهو للخطوط طلعت من الكليه ودااروح للكراج صار طريقي ع كليه القانون لابسه الهيدفون ودااسمع اغاني وامشي درت وجهي جان اشوف عادل واكف بس مشافني صرت امشي بسرعه ماريده يشوفني مشيت مسافه وانجرت ايدي من ورا بسرعه درت وجهي خفت شنو هالحركه باوعت هذا عادل
#عادل... شلونج يروحي
#نور... تمام زينه
#عادل... دومج ان شاء الله يلا امشي اوصلج للسياره
لا ماكو داعي اروح وحدي وبعدين شلون هيج تسحب ايدي كدام الطلاب
شسويلج غير صحت صحت متسمعين
اي دااسمع اغاني المهم عندك شي يلا دااروح
نور شبيج
مبيه شي
لابيج شي شبيج تتهربين مني
مااااببببيييييه شييي عوفني اروح عفته مصدوم من تصرفي ورحت وهم بجيت اووف غصب عني والله احس شي بداخلي يبعدني عنك ومااكدر ارجع احبك
مرت الايام هيج عادل يتصل وماارد يدز رسائل اجاوبه بكلمتين واروح واعوفه وبالجامعه دائما يجي للقسم وماخلي يشوفني استمر وضعي ع هالحاله وبيوم من الايام كاعده اني وصديقاتي بحديقه وهدوء ونسولف ونضحك وناكل وفاتو مجموعه شباب ومن بينهم محمد الولد اللي انعجب بيه والله بطران عاف كل البنات يجي عليه اشو هذا شافني اجه عليه نزلت راسي وسويت نفسي انو مشفته
#البنات...ولج نور اجه اجه
#نور... يبوو شيريد والله بطران
#محمد...مرحبا بنات
مراحب اهلا بيك
شلونج نور
اهلا شلونك
تمام بس ممكن نحجي
ماشي ..تفضل احجي
المفروض انتي تحجين ظليت انتظرج وماكو مرجعتيلي جواب
شوف محمد حكولك شي واتمنى متقاطعني لحد متسمع كل كلامي
ماشي تفضلي
اكولها الك من الاخير وبدون لف ودوران اني ماافيدك
ليش
ماافيدك وبس
اي ليش شنو السبب
عندي اسبابي ومااحب احجي بعد بس اني مااريد لااحب ولااريد شخص يحبني وانت خوش ولد ومرتب الف بنت تتمناك اني ماافكر ادخل بعلاقه ابد مستحيل
زين ليش
كوتلك لتسأل اكثر بعد مااحجي واشكرك وياريت بعد متفتح هالموضوع نهائي وهسه بلا زحمه اريد اروح درت وجهي داروح وصديقتي شهد تأشرلي اكو شي ورايه درت وجهي واشوف عادل واكف يم شجره ومكتف ايديناته ويباوع لمحمد بغضب يبووو عزا العزاني هذا شجابه رحتله ها هلاو عادل
انتي ولاكلام لتحجين وانت منو شعندك هنا
محمد روح منا هذا ابن خالتي روح اسفه واعتذر منك
نور هذا منو احجييي بسرعه لتخبليني ترا سمعت كل كلامكم
مدامك سمعت كل كلامنا يعني خلص ماكو داعي لكل هاي عصبيتك
يعني شنو هذا يحبج؟
الظاهر هيج
وانتي شنو
شنو
تحبي؟
ترا رفضته وكوتله بعد لتفتح هالموضوع لان كرهت الحب وماااريد اي علاقه خووش افتهمتنييييي
واني ؟
انت شنو
شنو اني شنو نووور لتعصبيني لتخبليني
انت خسرتني وحتخسرني مره ثانيه اعرف انك تحبني وتموت عليه ومستحيل الكه شخص يحبني مثل حبك الي بس وبعدين هااا انت تعرف واني اعرف انك مراح تخطبني وحتى وان خطبتني لاامك ولاابوك حيوافقون انت بعدك طالب ومعندك شغل واهلك مستحيل يزوجوك ويصرفون عليك يردوك تعتمد ع نفسك وتكون نفسك وتتزوج بس مع ذلك لو امك اللي هي خالتي اختتت اممي لو تريدني وتحبني جان خطبتني الك كدام الناس وبعدين نفكر بالزواج وبعدين اني انكسر كلبي منك ومن همام ومستحيل بعد اسلم گلبي لشخص مثلكم فهمت وهسه عوووفني اريد اروح يكفي مبيه حيل احجي بعد
نور هاي انتي تحجين هالحجي لج انتي نفسج اللي حبيتج وحبيتيني وبجيتي ع فراكي انتي نفسج؟
اي اني متغيرت نفسني بس انت شتريد مني شتريد هاا حيصير سنه من فسخت خطوبتي ويا همام وينك اشو مخطبتني اشو امك حجايه وحده مسمعت منها خلص عادل انت بس تريد تتسله تكدر تحارب اهلك وتثور عليهم وتخليهم غصب عنهم يخطبوني الك بس انت كاعد وساكت ف يكفي يكفيي ماريد بعد اشوفك ولااحجي وياك تريدني وتحبني روح حاجي اهلك وجيبهم واخطبني بس هااا مو تجي وحدك لان اذا تجي وحدك بابا هم حيطردك جيب اهلك وتعال اذا تريد واذا متريد زواج ف لتجي ولتشوفني وجهك بعد فهمت وعفته بدون ميرد ورحت ...#نور... من بعد كلامي وياعادل ورا يومين بالضبط گبت العيطه ببيتهم واتصلت عليه خالتي ونفس الكلام عادل بعده صغير وطالب وميشتغل ونريده يتخرج ووووو كلام مابي معنى لو تريدني لأبنها جان تسوي المستحيل وتزوجنا بس هي متريد هالشي المهم كوتلها
باعي ابنج مدازه عليه لان يجي للقسم ويظل يحجي وياي ماريد يطلع حجي عليه والناس مترحم كوتله تريد تخطبني روح لأهلك وخلص بالنسبه الي ماريد اي علاقه ماريد اخون ثقه اهلي اذا هو حاب يتسله خل يتسله بعيد عني معايزه مشاكل اني اللي بيه كافيني الماضي مارجع اعيده مستحيل فهمتييي يااخالتي يااخت اميي مدازه ع ابنج انني وسديته بوجهه اوف يالقهر ميخلص وياي وياي ثاني يوم داومت ومن خلص الدوام ورحت للكراج شفته واكف يم السياره
خييير شتريد  عادل والله خبلتني
انتي البارحه شگايله لأمي
محجيت شي غلط
يعني انتي مدازه عليه؟
لااماادز عليك شووف باوعلي بعيني زين ركز ركز اللي جان بيناتنا قبل انكسر وراااح فهمت گلبي انكسر منك وانت وامك بسببكم اللي صارلي ف مستحيل ارجع اعيد الصار مستحيل اسلم گلبي الك مره لخ سلمته الك بالماضي ومحافظت عليه وهسه رجعت انطيتك فرصه لخ وادري بيك مراح تخطبني وكلام امك البارحه الملخص منه تكولي عوووفي ابننني اني عايفتك ف عوفني انت ماريد مشاكل فهمت ياعادل فهمتتتت؟
بس اني احبج واعشقج ومستحيل اعوفج
واني بعد ماااسلمك گلبي فهمت ومستحيل انسى كلام امك البارحه ف كافي اتركني رحمه للكعبه ابتعد عني
محصلت منك ومن امك غير بس الاذيه ...

تفاعلو حبايبي 1160 كلمه قدرو تعبي بلايك وتعليق انطوني رأيكم بالقصه وبأحداثها وناقشوني اذا حابين اسرع الاحداث لو اتكلم بالتفاصيل

ادعموني لايك+تعليق 😘😘💜
حبكم 😘

ندى الخفاجي 🖤🖤