الاتصال الاخير 📞💔

part 4

لم تصنعني الظروف بل قراراتي🖤 !

°•ندى الخفاجي •• 🖤

ممكن تتفاعلون ولتطلعولي خلقي 🙂

#نور... بمرور الايام صرت اكتشف واتعرف ع همام اكثر واكثر عرفت انو معنده كل شخصيه امه تودي منا وترجعه منا يعني مااله كل كلمه اللي زود المشاكل هي خالته اصغر وحده بخالاته جانت تريده لوحده من بناتها وهنا عرفت ليش جانو يباوعولي بنظرات حقد ف مره من المرات جنت اتصفح انستا ودخلت ع حساب همام جان ناشر منشور عادي ولفت انتباهي تعليق بنت كاتبتله فديتك حبيبي وهذا الايموجي 😘اني اتخبلت منو هاي والله من عصبيتي دخلتلها خاص يابه السلام عليكم ورا ساعه ردت عليه المهم بعدين شوي شوي كلتلي اني خالته لهمام المهم اني اعتذرت لان دخلتلها خاص كوتلها مجنت اعرف انو انتي خالته وهي كلتلي لا عادي وخلص الموضوع بس جنت اعرف ومتأكده مراح يخلص الموضوع لهذا الحد من طريقة كلامها مبينه ناويه ع شر تحجي بتكبر والله جان سديت الانستا صادفت عطله يعني صرلنا كم يوم من بدت العطله والله صار الليل وهمام لابسني مااتصل عليه ولادز اي رساله ادزله عالواتساب او التلي فايبر ميرد والانستا هم ميرد واللي ضوجني اكثر انو حذفني من المتابعين اله يعني بهد مااكدر اشوف حسابه ولامنشوراته هالشي سببلي شك وعدم ثقه تركته ومحاجيته بس اهلي حسو عليه انو ممرتاحه ودائما ابجي ورا 3 ايام امه اتصلت ع بابا وحددو يوم انو نعقد بي محكمه هه ع شنو نعقد هو احنا تفاهم ممتفاهمين وظل همام ميحاجيني حتى لما التقينا بالمحكمه مااسلم عليه وگالب وجهه خلص العقد وعزمونا ببيتهم عالغده وفعلا رحنا تغدينا هناك شوي خفف زعله وياي وصار يحاجيني ويضحك عود طبيت شفت غرفتي صغيره عبالك قبر استغفر الله تخزي والذهب مالتي طبعا مينطونيا حتى مشفته بس بالصور للعصر قبل لنطلع عود گلي محتاجه شي كوتله اي اريد فلوس ابن عمو حيتزوج واريد فستان اشو هذا لاانطاني فلوس ولابطيخ واني هم كلت الله ليعوزني اله رجعنا لبيتنابعد اسبوع تقريبا تزوج ابن عمو وجان الزواج كولش حلو اشوف العروس فرحانه تزوجت اللي تحبه ويحبها نزلت دمعتي بهدوء بس حرگتلي خدي واني اشوف مستقبل علاقتي بهمام مستقبل فاشل ماالها كل وجود دخل الشكل لعلاقتنا وعدم الثقه واي علاقه يدخللها الشك حتنهدم اكيد حتى وان كانو الطرفين يحبون بعض واحنا اني وهمام حبنا حب مثل منكول حب شكلي كدام الناس وبس ف كل مستقبل ماكو لهالزواج جربت اغض النظر عن هواي امور بس وصلت حدها عن شنو اسكت مثلا عن الذهب اللي منطونيا لو حسابه الانستا اللي خافي عني لو خالته الحيه اللي تريده لبنتها وخصوصا هي مطلقه وجانت بينهم علاقه يعني يكدر يتزوجها عادي وهو اللي شخصيته زفت اصلا معنده كل شخصيه امه تكعده وتكومه وتجيبه وتودي لعبه بأيدها قرار ارتباطي بي خطأ من البدايه وهسه ندمت عليه استمرت علاقتي بهمام ع هالحال من سيئ لأسوء
لحد مامره من المرات كاعده واتصفح الانستا وجان اجني طلبات متابعه من كم حساب تجاهلتهم كلهم بس جان اكو حساب منهم دخلي خاص ودازلي مرحبا ومبين عليها بنت تجاهلتها ومرديت ورا ساعه انخبص فوني خبص من صوت الاشعارات فتحته وكول هالاشعارات رسائل من هالبنت اللي ماعرفها منومن بعد وقت مر فتحت فوني ودفعني الفضول افتح الدردشه واشوف الرسائل الواصلاتني فتحت الرسائل وانكشف كلشي كله كلام وصور لعبان نفس همام وخالته وبنتها المطلقه اللي جان يريدها الظاهر من الصور انو علاقتهم راجعه بقوه والمي من جوايه يمشي بدون مااحس المهم كاتبتلي كلام كولش قوي انو هو واعدها يتزوجون (عوفي همام لان اخذه منج اخذه احسن ماهو يعوفج انتي عوفي)  ودازتلي مقطع صوتي يحاجيها كلام غزل وحب ومن هالكلام السخيف مينلبس عليه لبس وكل الصور جان اكو وراهم تقويم لتواريخ الايام يعني اثناء خطوبتنا جانت علاقتهم مستمره واني ماادري من بشاعة الشي اللي شفته شمرت فوني ونمت ومحجيت هالشي لأي شخص حتى اقرب صديقاتي متدري ومحجيتلها من بعد مرور 3 ايام هدوء بيناتنا اني وهمام وهو اصلا صاير ميحجي وياي قليل اتذكرت كل الاشياء السيئه والمخزيه ورحت فتحت فوني كلت خل اراسله اشوف شنو يرد طبعا دزيتله هلاو وشلونك رد عليه ورا يوم هه غميت نفسي ع هالحظ هذا التعبان رد عليه ببرود وكل خزي وانانيه لتحاجيني اكرهج المهم دار بيناتنا حوار كتابي وتعاركنا هيج بدون سبب اخير شي بزعت منه وكوتله اذا انت رجال تطلگني ياخاين وحظرته من كل البرامج وعفت الفون كمت نزعت الحلقه هه خطوبه استمرت سنه وشوي كل شي مشفت منه غير العذاب واللعبان نفس مرت عليه ايام والله متنذكر اذا اذكرها الكم يصير ملل بالقصه فكلت اختصرها الكم ثاني يوم اجتي امه الحيه تتبجبج كدام بابا وتكوله بنتك هيج وهيج الجبان دازلي امه ميصير براسه حظ ابد المهم اني همزين احتفظت بكل دليل عندي ع خيانته وكل الصور محفوظات عندي اخير شي بابا طرد امه من بيتنا واتفقنا عالطلاق وجانت هاي الايام من اسوأ ايام حياتي وبنفس الوقت من احسن ايام حياتي لان الله خلصني من ناس ظلام وامه سحاره بشهادة ناس اقاربهم يمنا لان كوتلكم من البدايه انو همه اقاربنا من بداية خطوبتنا سمعنا هالكلام عنهم بس مصدكنا لان بينهم مشاكل عائليه وسدينا الموضوع بس بعدين كل اقاربهم ايديتني وشجعوني ع فسخ الخطوبه ولان جنه عاقدين محكمه فحيكون طلاق ف بعد 20 يوم تقريبا تم الطلاق وبموافقه كل الاطراف تصدكون رجعتلي السعاده لحياتي من بعد هالخطوه التقينا بالمحكمه

تفاعلوووو ❤️🙂