الاتصال الاخير 📞💔

part 3 "لقاء 💔"

ﭑذا ؏َـكسنا الدور يرضيك ﭑلمشهد ؟

°•ندى الخفاجي •• 🖤

اشكركم ع تفاعلكم حبايبي تفاعلو اكثر فديتكم
هذا بارت لان طلبتو مني
°•ندى الخفاجي •• 🖤
#نور ...بنات لتغلطون غلطتي لتفكررون تقبلون بشخص يخطبكم وانتي عندج حبيب حتى وان افترقتو مراح تكدرين تنسي وبهالطريقه راح تهدمين سعادة 3 اشخاص اللي هم انتي وحبيبج وخطيبج محد منكم حينسعد مستحيل هاي طبعا اذا جان حبكم حب حقيقي اما اذا كلاوات ف هنا حيكون كلام ثاني
المهم بابا طرد عادل والدمعه بعينه واني متت بجي ع حظي يعني شيسوي جاي وحده شسوي بي وحده غير يجيب اهله ويخطبني اوووف ظليت ابجي لحد متعبت وبلليل اجوي يمنا اختي وزوجها اللي جان رايح لكربلاء يزور اجه وكعد يمي واحسه عنده كلام ديكوله سولف شبيك شعندك حجي
لج نور اليوم شفت عادل بكربلاء
عليك الله شيسوي شلونه
شنو شلونه حالته حاله يبجي الكافر واكف بحظرة الامام العباس (عليه السلام) ويكول طلبتها منك وحلف
شنو حلف
مقبل يكول سألته ومقبل يكول ع شنو حلف بس اكيد عليج
اوووف اوف يگلبي اوووف
المهم بعد 3 ايام تم العقد وجانو خالات الولد (همام) مدري شبيهم ضايجات
((((طبعا اسماء الابطال مستعاره) )))
ماعرف ليش كلبي مقبوض من هالخطوبه اباوع لحلقتي وابد مفرحانه مااحس نفسي عروس يمكن لان احب عادل واتمنيت اكون اله عزاا شكد حرام خلص لازم اشيل عادل من تفكيري حرام بعد صرت خطيبه لشخص ثاني
مرت الايام وصرنا نتواصل اني وهمام ويجينا دائما تقريبا تعودت عليه بس اكيد منسيت عادل اللي بعد معرفت عنه شي وصار موضوعه مجرد ذكرى الي وطبعا همام اكثر من مره حاول يتقربلي وجنت ارفضه اخير شي تقربلي وحضني وباسني بادلته البوسه وتفاعلت ويااا وهاي جانت اول بوسه بحياتي نزلت دمعتي تمنيتها من عادل اللي ردت بلكي انسى بلكي همام يخليني انسى عادل بالعكس من باسني حنيتله اكثررر متحملت عفت همام صافن وركضت بغير غرفه بجيت وبجيت وغسلت تعذرت من همام وكوتله كافي يروح لان بابا جان ميقبل يجي ونظل وحدنا هواي وهو هم راح محجه شي جانت اتصالاتنا تستمر للصبح يلا ننام بس مو مثل عادل ابد مو مثله المهم مرت الايام وقدمت ع كليه وانقبلت وهنا بدت همومي تزود لان عادل يداوم بنفس الجامعه اللي نقبلت بيها واذا التقينا بالصدفه شلون حيكون لقائنا وفعلا داومت ومره من المرات خلص الدوام ودااروح للخط وجانت المسافه حيل بعيده من الكليه للكراج ف بيومها نسيت ومريت بطريق اللي صاير بي كلية القانون ابد من داومت مفتت من هالطريق اكو طريق ثاني اطلع منه لان مااتحمل اشوف عادل اللي صرلي شهر اداوم ومشفته ولالمحته ف بيومها جنت مستعجله وصار طريقي ع كلية القانون وداامشي وجان اشوفه بطوله الحلو طبعا طوله 190 واني 150 يعني فعلا جانت رگبتي تنكسر لما اباوعله وجان لابس اسود بأسود لونه المفضل وحذاء رياضي ولازم ملزمه بعدني مشفت وجهه بس عرفته وهو مشافني بسرعه ركضت وطلعت من هالشارع وصلت للخط واني الهث وكوه اجر النفس فرحانه بشوفته وبنفس الوقت انفتحت جروحي من جديد بيومها رجعت للبيت خلصتها بس نايمه وهمام راسلني مره وحده وراح اصلا ميلح واحسه ميحبني مدري ليش خطبني بعد عناء طويل نمت ونفس الروتين داومت وعادي ماكو شي جديد وبهالفتره صرت اروح للقانون واشوفه شفته هواي من بعيد بس مخليته يشوفني ابد وجان مبين مهموم وممرتاح اعرفه كولش زين شكد جان يحبني بس الله موفقنا
ظليت كل كم يوم اروح للقانون اخطفلي كم نظره وارجع صحيح هذا تصرفي حرام بس مااكدر موبأيدي حبيته وعشقته بس الله مكاتبلنا نكون مع بعض ومن جهه ثانيه صرت اسمح لهمام يتقربلي اكثر واكثر بلكي انسى عادل بس منسيته ولالحظه لحد ماايوم من الايام جان اكو احتفال بكليتنا والامنيه سمحو لباقي الكليات انو يجون ويشوفن احتفالنا وفعالياتنا اني مااحب هيج اجواء فظلينا نفتر اني وصديقاتي بالحدائق ونروح منا ونجي منا وفجأه دمي جمد بجسمي واحس رجليناتي بعد ميحملني لما سمعت اسمي بصوته اوووف ياصوته شكد مشتاقتله رفعت راسي وشفت وجهه جان يباوعلي بلهفه وشوق وانكسار وخذلان وعيونه ودموعهم تقدم عليه وجمدت بمكاني واباوع بوجهه اريد احفظ كل تفاصيله عيونه خشمه حاجبه شفايفه والجكاره اللي لازمها وشعره وعضلاته صار قريب عليه غمضت عيوني حيييل
وكال
نور شلونج
اووووف ياالله يامحلا اسمي بحلكه
نوور وين صافنه شلونج
هلاو عادل تمام انت شلونك
اذا انتي بخير اني بخير
دومك ان شاء الله وفجأه نزلت عينه ع ايدي ويباوع لحلقتي ومبتسم ودمعت عيونه اكثر بسرعه ضميت ايدي ورا ظهري
لتضميها وحتى اذا مخليتيني اشوفها زين جروحج ودموعج شلون تكدرين تضميهم عليه
هنا اني انهاريت وكفت ع صفحه وصرت ابجي بحرگه ويمي صديقتي تهدي بيه وجانو طلاب صافنين عليه ليش ابجي كابلني عادل وصديقتي تركتنا هذا اللقاء اللي جنت خايفه منه جنت اخاف اشوفه وتخوني دمعتي وتنزل كدامه وفعلا خانتني دمعتي ونزلت اكثر من دمعه هدوء بيناتنا وماكو كلام صافن بوجهي وصافنه بوجهه وخلينا عيوننا ونظراتنا تتعاتب حضنته بخيالي وحضني بخياله وارتوينا ببعض ودموعي ميبطلن نزول
كافي لتبجين لج شنو حليانه صايره تجننين متغير شكلج
اي طبعا تغير لان حفيت ومكياج وستايلي تغير كلشي تغير بيه مظل شي ع حاله
اي صح كلشي تغير بس اكو شي واحد مراح يتغير للموت حبي الج اظل احبج واعشقج لو شيصير لو تتزوجين 10 اظل احبج
عادل ماكو داعي لهالكلام
اسف
ماكو داعي تتأسف يلا اترخص تأخرت ع خطي عفته ورحت للخط والطريق كوله ابجي كعدت بالسياره وشغلت اغانينا اللي جنه نسمعهم لما جنه سويه جانت السياره فارغه والسايق كاعد يم السواق اخذت راحتي وظليت ابجي بعلو صوتي وفجأه شلت راسي وباوعت للجهه الثانيه جانت سياره بصفنا ع جهتي وعادل كاعد بيها شاف دموعي واتخبل ظليت اباوعله وابجي وكانه اشكيله بدموعي نزلت دمعته ويأشرلي يعني كافي سكتي وامسحي دموعج ابتسملي ويكولي مسامحج واني كوتله مسامحتك ارتاح گلبي وبريت ذمتي وبره ذمته بس بقت جروحنا ودموعنا اللي فاضحتنا اللي تتكلم عن حب دام لسنتين ونص وبالاخير انتهى بجرح كولش جبير بيومها ارتاحيت حيل لما حجيت ويااعادل بس بقت غصه بگلبي وبكلبه هالحب هذا اللي صار دمار النا ومو بس النا لهمام هم اللي ماعرف شنو تصرفاته احيانا هواي يتصل واحيانا لا ومره من المرات اجه لجامعتنا هو والقسم اللي يدرس بي جان عدهم مشروع لازم يسوو ف من اجه جنت ماادري وبعدين من رجع گلي يعني شنو هالتصرف شلون يجي للجامعه وميلتقي بيه جان عذره انو عنده مشروع لازم يكمله ومن هالحجي التافه عذر اقبح من فعل هنا تأكدت لو يحبني جان اجه وشافني تأكدت انو ميحبني تقريبا من بعد هالشي اللي صار صار بيناتنا فتور وتقريبا نفور حسيته صار يتهرب مني ومن يجي شوي يظل ويروح احسه مل مني خطوبتنا مر عليها 7 اشهر من بعد هالاشهر تصرفات همام صارت للاسواء بحيث صرنا نتعارك ع اتفه الاسباب وصار يمنعني من الطلعه وعرفت انو معنده شخصيه كله بأيد امه امه اللي تمشي قلت اتصالاتنا وزادت المشاكل والنفور بعلاقتنا صار واضح اهلي صارو هواي يشوفوني ابجي ويغلسون ميسألوني وحتى اذا سألوني مااحجي مثلا شكول هذا اللي اختاريته حتى احرك قلب عادل تاليها ديحرگلي گلبي! !!!! يعني ردت انسى عادل بهمام بس صار العكس تماما ....

°•ندى الخفاجي •• 🖤

تفاعلو حبايب وكولولي شنو رأيكم بالقصه هي احلا لو سلما للسماء
تعليق + لايك 🖤❤️

°•ندى الخفاجي •• 🖤