الاتصال الاخير 📞💔

part 2

لا علاقةَ لي بنواياك الحسنة إن كانت أفعالك سيئة !

°•ندى الخفاجي •• 🖤

#نور ...مرت الايام وانتشر الخبر بالمنطقه وصارو عمامي يعرفون انو عادل يريدني والموضوع طش بكل سرعه وعمتي بعد مفتحت الموضوع وصار كلما شخص يجي يريد يتقدملي بس يعرف انو محجوزه لابن خالتي يبطل ميتقدملي لحد ماامره من المرات اخو صديقتي خطبني وبابا سمع وانوب اجوي امه واخته اللي هي صديقتي وخطبوني رفضت بس بابا وافق واخواتي وافقو بس اني رفضت ومحد يكدر يجبرني معدنا وحده تنجبر عالزواج عادل سمع وتخبل صار يتعارك ويااهله علمود يخطبني بس هو جان بصف السادس ف امه كلتله انجح من السادس ويخطبني المهم صرنا نتواصل اكثر واكثر نلتقي ببيت جدو لو يجي لبيتنا ساعه ساعتين ويروح جانت اختي كلما تجينا اخذ فونها واتصل ع عادل ونظل نحجي للصبح تطلع الشمس يلا ننام حب وغزل واني ميته عليه اعشقه واحبه وهو يموت عليه فعلا يعشقني نجحت للسادس وعادل نجح وقدم ع كليه القانون وحيداوم جامعه وصرت اغار عليه وهو يضحك هههه ويخلص كل وقته يحجي وياي جنت اخابره من فون زوجة بابا كولش حبابه وتقبل عادي وهيج خلصت ويا عادل سنتين علاقه حب جنه نفترق ونرجع اكثر من مره لاهو يتحمل فراقي ولاانا مجرد انحجزت اله وبس لسه ماكو شي رسمي بهاي الفتره ابن عمو خطبوله وحددو موعد الزواج واجوي اخواتي يعني اخذت فون اختي وكالعاده للصبح حجي ويااعادل واجتي امه حضرت العرس وهم يخابرني ع موبايل امه العرس جان كولش حلو واني اتخيل شلون راح اتزوج عادل واصير مرته اووف يابه احلا يوم بحياتي مجنت متوقعه نفسي هيج راح احبه مرت الايام وعادل مااجه خطبني وبعد مفتح الموضوع واني الخطابه عليه كثرو وصرت اسمع كلام محلو من عمتي ومن اخواتي يكولولي عادل ميفيدج ومراح يخطبج وفعلا الايام ثبتتلي هالشي لان خالتي كلما تسمع بشخص خاطبني تكولي وافقي لان عادل بعده طالب ويدرس ومعنده شغل ومن هالحجي بس اني سكتت لخاطره لان يحبني وجان يتعارك وياامه علمود يخطبني بس همه ميقبلون يردو يلگه شغل زين شلون يشتغل وهو طالب يعني الموضوع منتهي لايجي يخطبني ولابطيخ اجتي ايام ماانام اذا ماابجي وعادل يبجي جان يجيني يظل يحضني ويبجي ويكولي شلون اخذج ونشرد لو اترك دراستي واني مااقبل ابد مخليته يترك دراسته جنت اصبره ويصبرني بس وبعدين نظل بعلاقه نهايتها ممعروفه؟  زاد الكلام عليه وبابا يكولي هاا وينه ميخطبج وخالتي مجانت تنطيني اي جواب واني وعادل واكعين بحيييييره واخواتي يكوللي حتخسرين الاول والتالي لان اجوج هواي اشخاص زينين ورفضتيهم شمدريج بعد يجيج واحد زين هاي اذا اجوج وكل الناس يعرفون انتي محجوزه لعادل بس وينه ليش صار سنتين ومخطبني وصارو سنتين ونص وماكو نفس الشي ظلينا نفترق ونرجع احبه ويموت عليه ميكدر يعوفني ولااني اكدر اعوفه اجتي امتحانات نصف السنه امتحنت ونجحت وهنا بفتره العطله خطبني صديق زوج اختي يداوم بالاستخبارات وعنده مؤهلات كولش حلوه قررت اخبر عادل واجذب عليه كوتله حوافق عالولد وجان رده كولش عادي صبري عليه ونفس الكلام اللي بلا معنى ولااجه خطبني ولااحتى امه مفتحت الموضوع وياابابا جنت اتمنى خالتي تحاجي بابا وتخطبني لعادل بس ابدا ولافتحو الموضوع ورفضت الولد وهنا افترقنا اني وعادل ومسحت رقمه ووصيت اختي ابدا متحاجي ومتجيبلي طاري وماريد اسمع عنه شي جنت مفكره اذا افترق عنه واعوفه حيخطبني بس لاا اصلا الموضوع عادي وخالتي تكول لاخواتي ليش نور رفضت الولد اللي خطبها خل توافق ترا عادل بعده صغير ماازوجه هسه وبعده ممكون نفسه ومن هالكلام جنت متأكده خالتي متريدني لأبنها لو تريدني وتحبني جان زوجتني لأبنها وان يكن طالب وميشتغل بس جان احساسي بمحله ومتأكده متريدني لأبنها وفعلا مرت الايام مااحجي ويااعادل ولاهو يحجي وياي صار الموضوع هدوء لعبت نفسي شلون حبيته ووثقت بي بس موصوجه هي امه اعتب ع خالتي وبس واعتب ع حظي وقررت اي واحد يجي يخطبني اوافق عليه رجعنا نمتحن ودخلت بكلوريا جنت ضعيفه بالرياضيات قررت ادخل دورة تقويه جنت اروح لمدرس بمنطقتنا اني وبنت عمو وصديقاتي مجموعه نروح ناخذ محاضره ونرجع بهالفتره صادفت دخول داعش للموصل بابا انطاني تلفون طابوكه من اروح للمحاضره يفيدني ولامره جربت اتصل ع عادل يكفي ضيعتي سنتين ونص ويا مستفاديت شي غير القهر والملامه اقرب الاشخاص الي صارو يلموني ويعيروني صوج گلبي اللي حب هيج شخص لايحل ولايربط اي عادل جان يحبني بس امه متقببللل تخطبني اوووف مرت عليه ايام قهر وضيم وبجي لحد مامره من المرات اجوي اقاربنا كولهم لبيتنا جانت جيتهم مو خاليه ورا مراحو سمعت بابا اتصل ع اخواتي ويكوللهم انو هالناس خطبوني لأبنهم بدأت مؤامرات الاهل صارو يقنعوني اقتنعت خلص عادل لحد هسه مااجه خطبني وامه محجزتني من بابا يعني خلص اجه الولد وشفته شخصيته قويه وطويل واسمر احلا من عادل جان طلع الولد وكوتلهم افكر وارجع الجواب وصل الخبر لخوالي ولخالاتي وعادل اكيد عرف بالموضوع بس مسوه شي 💁‍♀️🤦‍♀️غميت نفسي الف مره ورا 20 يوم انطيت موافقتي لبابا واجوي الناس خطبوني رسمي واتفقنا عالمشيه والعقد وراحو اخواتي اجوي وبقيت مشغوله بين تجهيز نفسي شيره وهالسوالف خلصت هالايام ابجي متت قهر وبجي اشتاقله بس شسوي مثلا اروح اني اخطبه لو يصير جان رحت خطبته مرت الايام مثل السم عليه وبيوم العقد جنت نايمه وفجأه اجت اختي لونها مخطوف
هااا شبيج
لج نور حزري منو برا
منو احجي
عادل
شنووووو كمزت فتحت الباب وجان اشوفه لابس اسود ويدخن ولحيته طولانه وحالته تقهر بسرعه خفت اذا بابا شافه شيسوي
عادل شعندك هناا شتريد جاي لهنا
مشتاقلج
عادل شتريد
حتعوفيني
انت العفتني مو اني انطيتك هواي فرص وامك متريدني شسوي اخطبك اني مثلا
حقج مداالومج والله بس شلون بيه من سمعت الخبر اتمنيت اموت
عادل اطلع منا لابابا يجي ويشوفك
وفعلا بابا طب وشافه ماخلا حتى يحجي
#بابا... شعندك جاي وحدك مجبت اهلك حتى تخطبها يلا اطلع منا اطلع
اني متحملت المنظر طبيت جوه وملخت نفسي وابجي وابجي اليوم اللي المفروض كل عروس تفرح بي اني خلص متت واحس حياتي انتهت وانكسر ظهري من شفت بابا يطرد بعادل حب حياتي وعمري وكلشي بالنسبه الي ليش يااخالتي ليش شكوووول عليج شكووول اوووف ...  

°•ندى الخفاجي •• 🖤

تفاعلوو حبايبي الاحداث حتصير احلا واحلا 🖤🖤
لايك + تعليق وطبعا اشكر كل الحلوين اللي ديعلقون فدوه اروح انا شكد افرح لما تعلقون وتشجعوني فديت انا فديت 🖤❤️

°•ندى الخفاجي •• 🖤