》 الحلقة الثامنة عشر 18《》
《》 بقلم الكاتبة #بنت_الحجي 《》
《》 #مهد 《》
مهد : دفضيها احجي راح انام ع تلفون من تعبي
والنعاس
نورهان : عمتي اقصد بيبيته الكرار اقترحت اخذ حماي
ايلاف : هااااا شني صدك تحجي هاي
رواء : المهم انتي شنو جوابج قبلتي
نورهان : دقيقه اسجل بصمة صوت مابيه حيل اكتب .....
مهد : خل نفتهم حماها مزوج
نورهان : جنه كاعدين كلنا كالت اكلج ليش ماتزوجين احمد احسن من كعدتج هاي وهم كرار يربى بيت ابوه
صدمتني بالحظتها كلتلها لا فدوة خاله اني اعتبرهم اخوتي كلهم ...
ايلاف : اي خوش سويتي
مهد : ايي
نورهان : شنو اي بقت كل شويا عايدة هل موضوع هوه يشتغل ومعتمد على نفسه واحسلج ومن هل حجي خليت وكمت روحي بخشمي
ايلاف : اكيد هوه رايدج وكايللها تحجي وياج
رواء : اي كلشي اتوقعي المهم انتي فكري وشوفي الي ايناسبج حبيبتي
مهد : صح كلام رواء الي ايناسبج انتي وابنج سوي
اني تصبحون ع خير بعد مااكدر افتح اعيوني
وانتي بخير الله وياج ---
نمت بسرعه اشلون ماادري من كد ماتعبانه
ستار : كاعد بالملهى كل جمعة اطلع اغير من المود اليومي وتعب الشغل ومشاكل الي ماتخلص بي
جماعه هم كاعدين
اجوي بنات ايركصون يمنا وكل وحده اسوي حركه علمود بس اصيحها تكعد يمي لو اخذها من اطلع وحده منهن من اندارت عبالك جسم مهد بقيت صافن عليها اشلون تركص
سعد
سعد : نعم سيدي
ستار : صيح ذيج تجي هنا تركص
سعد : أمرك
ستار : ورثت الجكارة واباوعلها اوف يامهد اشلون بالحظه اخذتي عقلي
معقولة هيج ابقى وياها الازم اشوف حل مااتحمل اخليها الغيري لا ولمنو الواحد زعطوط مهتلف ههه
يلا اسمح ياخذها واساعده على هل شي بس مدة اني احددها لا اكثر
اجت ابالي فكرة ازوجها المصطفى بس اكيد ماراح اعوفها وياه اشرت للبنيه التركص تجي يمي سعد
سعد : امرني سيدي
ستار : خلي ايشغلون اغاني الياس خضر مال اليل البنفسج
مهد : كعدت الصبح على صوت امي باوعت التلفوني ساعه 9 صفحتي توجعني نايمه ع نفس الجهه مال اليل معقولة ماتحركت اني شبيه عبالك واحد فاقد الوعي صايرة هاااا يمه كعدت كعدت
اوف من صبح هسه شكوو
باوعت من درج ها وين رايحين امي وخالتي مبدلات
نسرين : انزلي يم اخوج رايحين اني وخالتج انشوف بيتها شناقصه
مهد : ماشي اكلج يمه عفيه صديقتي الي كتلج ابنها بالمستشفى طلعت واليوم البنات اتفقن يرحن لها ارووح
