《》 الحلقة الثلاثون 30《》
《》 اللكاتبة #بنت_الحجي 《》
《》 #مهد 《》
مصطفى : يلا عمي
امشينا اخذت الشيخ ويانه وصلته اسوق على اعصابي انتهينا بعد ماكو شي يجمعنا
علاء : مصطفى انزل اني اسوق
مصطفى: لا ليش شبيها سياقتي
ام تحسين : كافي يمه الله ايعوضج
مهد : ذبيت جادر الصلاة صعدت الغرفتي ياربي كلبي يوجعني يارب خلصني من هل وجع
احس شي بصدري ايريد يطلع مخنوكه مابيه بس البجي .. ليش هيج
طبكت الباب وكعدت اجه بالي كل دقيقه وكل الحظه وياه من جنت شنو الي زرعته وحصته هسه ... شنو ياربي الذنب الي سويته اكرهك واحد متستاهلني لك ليش بقيت ادك على وجهي ملخت شعري ...
علاء : لا بس انزل ارتاح
مصطفى : دست ابريك وكفت السيارة نزلت ماجاي اصدك لي سويته كلبي ايريدها
علاء : وين مصطفى تعال بعد عمك
مصطفى: مااكدر ماجاي افتهم الي صار ليش لهسه ماانساها .. عمي
علاء : تنساها بس انطي وقت النفسك العشرة متهون بس على ابن الحرام مو هيج ايكولون
مصطفى : ورثت جكارة متروح من بالي من طلعت ومبينه مكسورة مو مهد الي كلها ضحكه الدنيا انسه عمي
علاء : تنسه حبيبي يلا اصعد
ستار : ها ابو تحسين
ابو تحسين : استاذ صار كلشي بتفاهم ماكو مشاكل
ستار : خوش كلام هذا المطلوب انتبهو على مهد
ابو تحسين : ان شاء الله استاذ
ام تحسين : بنتي افتحي الباب
مهد : مارديت عليها خليت الهتفون بااذني حتى مااسمع صوت احد ولا اشوف احد .. مر 16 يوم عدل عازله نفسي تتصل امي مارد ولا احجي وي احد يجي بابا يحجي ايريد وياي مايفيد مارد ع شي
ماانسه مصطفى اريده اشتاقله مو باايدي مااكدر راح اجن
ام تحسين : بعدج كاعده يمه
مهد : شافتني كاعده وحدي مطفيه الضوا مال الغرفه مكرفصه نفسي وفاتحه الشباك اباوع
ام تحسين : الله ايريح كلبج ان شاء الله
مهد : تسلمين خاله ليش كاعده
ام تحسين : مابقه شي السحور كلت اشوفج بلكت جعتي تاكلين وياي
مهد : ماجوعانه خاله اني محتاجه انام وماافكر تعبت خاله حضنتني واشهك بحضنها
ام تحسين : شبيدي عليج حبيبتي والله لو بيدي اسوي شي
مهد : خاله مشتاقه الصوته اعرف اذاني وهاني وطعن بشرفي بس اشلون ابطل افكر اكرهه بس مااكدر
ام تحسين : خابري اذا اشوفين ترتاحين احجي الي بكلبج والله خايفه عليج
مهد : ماريد افشل مايرد يمكن
ام تحسين : جربي حتى تقطعين الامل بالتفكير
نازله اني
مصطفى : كبرت عشرين سنه احس ادور عليها عبالك مضيع روحي شغل وبيت صرت اكره ارجع اللبيت لان اشوفها بكل مكان
الفراش لي انام بي ذبيته حتى مااشم عطرها مافاد صرت انام بالصاله
