{الحلقة الخامسة 5}
●○•°الكاتبة بنت الحجي °•○●
#مهد
عماد : هههههههه
رواء : وجع اي والله اشعندي غيرة اشلون مااخاف
عماد : بعد كلبي مابيه شي
مهد : اترخص منكم صار وقت المحاضرة كمت اترخصت
الكل : مرخوصة
رحت ع محاضرتي كملت اتصلت ع مصطفى
ها مصطفى اني كملت
مصطفى : اني اصلا انتظرج برا
مهد : ههههههه صدك ديلا جاية
اتصلت ع خاله الوو هلو خاله اشلونكم
انسام : هلا حبيبتي زينين جهال خليتلهم المسبح وجاي يسبحون
مهد : ها خوش سويتي خلي يلعبون اتغديتي بعدج
انسام: اي قابل نضل الهسه صارت ساعه ٢ ونص
جهال جاعو
مهد : ها الف عافيه يلا اني ساعه واجي
انسام : خابرني مصطفى كال راح ايمر عليج لان خلص دوام
مهد : ها خوش سويت نفسي مااعرف يلا باي حياتي
طلعت لكيت يم الباب فرهد واستيفن وياهم شباب باوعت مصطفى صاف سيارتة
شافني نزل من سيارة
مهد : هلووو
مصطفى : هلا حياتي يلا اصعدي
مهد : صعدت اباوع فرهد ماشال عينه ايباوع علينا
مصطفى : منو ذول ايعرفوج ؟
مهد ؛ اي زملائي
وين رايحين
مصطفى : وين حابة اروح اروح
مهد : مبالي مكان عادي شوف انت بس مااكدر اتأخر الازم نرجع اللبيت
مصطفى : انطيت خبر الامي واصلا كيفت هههه
مهد : شكلتلها بس لا حجالها عم الي صار البارحه احجي بكلبي
مصطفى : لا تخافين شبيج وجهج اصفر كلتلها راح امر اخذج ونتغدة سويا قابل شكوللها ههههههههه لا تخافين ماكتلها بستيني البارحه
مهد : شنووووو اني بستك لو انت
ضربته ع ايدة
اباوع عليه يضحك
مصطفى ؛ اشاقة وياج اشبيج ههههه عمي اني ماتحملت وبستج
مهد : وبعد لا تعيدها افتهمت
مصطفى : لا بله امنعيني عود
مهد : طبعا امنعك اباوع عليه يحجي بثقه ويضحك
هههه اول مرة انتبه عليه وبملامحه شعور بكلبي حلو وغريب
وصلنا المطعم نزلنا كمش ايدي كلش خجلت مصطفى
مصطفى : اششش اتعودي وغمزتلها
مهد : ابتسمت له فتنا جوا كعدنا المكان بارد مطعم اكرسبي اسمه بالفلكه صاير
طلبنا شاورما ومقبلات وكولا
مصطفى : فدوة الهل وجهه
مهد : عفيه مصطفى كافي احس كلش خجلت صافن بوجهي
ممكن سؤال
مصطفى : جواب كولي
مهد : من شوكت اتحبي ماجنت حاسه عليك يعني احسك كلش متغير كأنو مااعرفك
جنت تستحي
مصطفى : هههههههه وهسه مااستحي شنو
مهد : لا مو هيج ههههههه
بس احسك جريئ صاير يعني جنت احس عليك اتباوعلي بس جنت بس اباوع عليك اسوي نفسك ولا يمي ولا جنت اتباوعلي اصلا
