《》الحلقة السابع عشر 17《》
《》بقلم الكاتبة #بنت_الحجي 《》
《》 مهد 《》
مهد : باوعت ع تلفون وع تاريخ اليوم موعد ال ....
اخذت ملابس ودخلت ع حمام شطفت جسمي ع سريع
وبدلت طلعت رتبت وجهي بالمكياج
باوعت البارحه مصطفى دازلي رساله بس مفتوحه
بقيت صافنه اشوكت فتحتها مااذكر كتبتله صباح الخير حياتي رايحه ع جامعه ... اخذت جنطه مالتي وطلعت
صباح الخير لكيت امي وابويا وخاله كاعدين
الكل : صباح النور
مهد : اليوم منو ايوصلني بابا
نسرين : دكعدي اكلي اول تلحكين يالطالبة النشيطه
انسام : هههه حبيبتي الله لا يضيع تعبك
ستار : اني اوصلج شنو رايج
نسرين : واني سيارتي هناك بقت البارحه اجيت وي الشباب الدزيتهم
اشلون اروح ع دوام
ستار : اممم هسه سعد ايوصلج ع بيت اخذي سيارتج واطلعي ع دوامج
مهد : سويتلي لفه مال جبن واكفه اكل بيها باوعت ساعه 7 ونص
يلا بابا مو راح نتأخر اخاف
ستار : يلا اطلعي كدامي مع السلامه
الله وياكم
طلعنا صعدنا بسيارة بابا حمايتة ورا 2 بسيارة وعمو عمران والي اسمه سعد وياه
بابا وصي عمو قبل الجامعه اينزلني عفيه ماريد ابلش باسألت الكل
ستار : ماشي ماشي عمران عود شوف مكان قريب ع جامعه واوكف بي
عمران : حاضر ستاذ
مهد : وصلوني سلمت ونزلت اتمشى ع جامعتي مسافة خمس دقايق نزلت عنها نزلوني بفرع الثاني
شفت استيفن فات بسيارته الحمدالله زين وماشافني فتت كبل ع محاضرتي ساعه ثمانية ودقيقتين
شفت نور هلوو حب
نور : هلا كلبي صباح الخير
مهد : صباح النور شنو وين رواء لعد
نور : ههه غير عمي وعماد اليوم راح يشاوفون ومااجت لا هيه ولا عماد
مهد : الله عليج ههه والله فرحتيني ان شاء الله ايوافق
نور : لا عمي حباب مااعتقد يرفض بس عدنا التنخطب الازم تزوج يعني ماتبقه هواي ايكولون من تطول تخرب
مهد : اي والله فعلا كله خير ان شاء الله ايسهل عليهم
نور : امين احم دخل الدكتور
استيفن : اشوفك هنا
علي : اي بعد ماعندي هسه محاضره وانت
استيفن : بتسعه ونص اول محاضرة وين عماد فرهد اشو ماكو
علي : فرهد بمحاضرته وعماد مااجه اليوم
استيفن : ها خاف بي شي
علي : مااعرف والله اتصلت مارد يمكن نايم
ومايجي هل يوم اليوم جنطه الابس وين رايح
جنك بالروضة
استيفن : هههههههه بيهم اوراق مال جوازات ومعاملات مال الاهل اريد اوديهن الواحد ايكملهن منتهيات
علي : ها خير ان شاء الله
استيفن : والله كلنا راح نطلع بس اكمل هل سنة الحكهم
