(الحلقة الخامسة والثلاثين )
《》اللكاتبة #بنت_الحجي 《》
《》#مهد 《》
مهد ؛ ماشي
عافنا وراح عماد دخلنا اني ورواء وراء لكينا الحجية وبنتها رايحات ماخذهم المهرب
عماد : استيفن اتصل على محمد كله احنه اربعه نطلع
استيفن : اربعه قصدك مهد تجي ويانه؟
بقيت مستغرب الوضع اتروح شسوي
عماد : اي سالفه طويله اتريد تروح ويانه
خالتها طلبت اطلعها ويانه وهيه بعد ادرى
استيفن : براحتك خوية جاي اتصل ع محمد
عماد : اي شوفه افلوس عدها هسه راح اجيبهم حتى نحاسبه
استيفن : اي ماشي الوو هلا حمودي حبيبي اكولك
احنه اربعه نفرات اي البنية اخت زوجة عماد الي اجت
تمام تعال حتى انطيك الفلوس وجيبلنا بطريقك نجادات
اوك يلا راح نجهز
عماد ايكول خلال ساعتين اجهزو راح ايطلعنا اليوم لان اكو خبر راح يكثفون حرس الحدود
عماد : يلا ماعدنا شي
مهد : طلعت سبع ورقات من الفلوس هاج رواء
رواء : يلا راح انطي واجي حتى اطلعلج ملابس راح تتمرضين بذني
مهد : هزيتلها راسي احس اخذت اكبر قرار بحياتي واتمنى مااندم
رواء : عماد
استيفن : كمت طلعت من الغرفة شباب كاعدين
عماد بالحمام
رواء : ها لعد هاك هاي افلوس مهد
استيفن : ماشي حظرو نفسكم اشويا ونطلع
رواء : يلا ماعدنا شي رجعت اللغرفة كومي مهد بدلي بسرعه راح نطلع بعد شويا
مهد : مايحتاج ابدل
رواء : لا بارده بنطرونج صار رطب من طلعنا برا هاج لبسي هذا وهذا التشيرت ادفى لبسي
الجو برا يكتل من البرد
مهد : كمت اخذت الملابس ابدل وتباوع على الآثار الي بجسمي كملت لميت شعري اليفوك
وكعدنا ننتظر
مجرد تفكير بالغربة نشف الدم البجسمي
ومنا غياب مصطفى عني وموته المفاجئ وهوه بعده مايعرف بالي صارلي
عماد : رواء يلا تعالو
رواء : اي حبيبي كمت رتبت حجابي تعال هاك الجنطه خليها بظهرك
مهد : جسمي كله يرجف نسمع صوت الشباب اشلون متحمسين ويضحكون كل واحد طالع ايحقق حلمه واراته الي متشافها بلدة وبعد عن أهله واحبابة
باوعت ع رواء وبجيت
وهيه تبجي اجت حضنتني
رواء : اعرف بالي جاي اتحسي بس شنسوي عسا والعل مستقبل حلو ينتظرنا
مهد : يا مستقبل بكلبي اكول واني انسلب مني شرفي ومصطفى بالحظه خسرتهم وخسرت ارجع على بلدي
طلعنا برا بينا بال25● شخص بس اني ورواء بنات كلهم شباب واحد هوه وياه اطفال اثنين اشلون كامش اديهم ومبين الخوف على اطفال
رواء : اوي ذول هم راح ايخاطرون ويانه
مهد : صعدنا بالسيارات انحشكنا حشك سيارتين جايبين كل اثنين بكرسي لان سايق ايصعدون يمه الحرس الي وياه ومخبوصين جنهم
عماد : اصعد استيفن ذول الافارقة جيتو
استيفن : همه ينطون مجال
صعدت سويت مجال اللبنات صارت ابصفي مهد خليناهم بنصنه
رواء : ادري شسالفة مابينا نتنفس
مهد : اشكد استحيت نص ظهري على استيفن اشويا عوزني اكعد بحضنه
