《》 حلقة الثاني وثلاثون 32《》
《》 اللكاتبة #بنت_الحجي 《》
《》#مهد 《》
مهد : احس روحي طلعت مني كلشي اسود صار
بعيوني وبحياتي كلها وخر مني الوحش اخذ ملابسة ويباوع عليه ويضحك
لملمت الي بقة من ملابسي كلهن اشككن
حتى دموعي تحجي وتصرخ احس ليش هيج باوعت كلشي بالكاع وصوت التلفزيون شلت الريموت شمرته ع تلفزيون الشاشه نصها صارت سوده اختفى الصوت
بقيت اباوع ماكو الكلب النذل سحبت روحي بلكوا امشي وصلت اللغرفة فتحت الكنتور كعدت ادك والطم مخلت وجهي وشعري نصه باادية
اختنكت من الريحه الي بيه ركبتي احس اتريد تنشلع من كد مالكلب ضغط عليه ..
وين اروح شسوي . كمت لبست بنطرون وتشيرت مالازم ابقه وياه اجتني الشجاعه باوعت تلفوني يمي واكع يم الباب مصطفى الازم اخابرة احجي والدموع بللت تشيرتي وينك دورت رقمه ماكو الله ياخذني بيوم ماعفتك وماصدكتك
مالكيت رقمه اني حذفت كلشي وين اولي وين اروح هسه البيت ضلمه صار وهدوء بس صوت نفسي المخنوك اسمعه جريت جنطتي خليتها بظهري باوعت شامر روحه ع جرباية وين اروح هسه ياربي ...
مااعرف احد مااندل شي هنا اخابر امي اي اخابرها اتصل عليها ماجاوبني ردي يمه فدوة ردي عليه
طكيت من البجي ماترد كعدت بالكاع مااعرف شسوي خلي اطلع المهم اطلع من هل بيت كمت ع كيف لبست بوتيني وجاكيتي فتحت الباب باوعو الحرس عليه
احمد : محتاجه شي ست
مهد : هزيت راسي لا اباوع عليهم صافنين عليه احس حلكي يحركني كمشته اجه دم باايدي
عزام : وين رايحه انتي
مهد : مالك دخل بيه مشيت بسرعه اللباب البرا لحكني جرني من ايدي ارجعي استاذ ستار وين
مهد : يعرف اني راح اطلع هوه سمحلي اذا ماتبعد ايدك هسه افوت اخلي ايطردك
باوع على الي وياه
احمد : عوفها
طلعت اركض بشارع فارغ وجاي تنكط مشيت وين ماادري امشي وابجي احس بعدت عن البيت نزول وطلوع الشوارع
فتحت تلفوني ماكو نت بس بالبيت جان عندي وسيم كارت هنا مايتصل على عراق الشبكه محظورة
كعدت ع رصيف مااعرف شسوي ولا جاي استوعب الي صارلي
اذكرت المطعم الي ازقنبنا بي رجعت ارجوع عليه جان اكو محلات هوايا هل جهه مبينه مقطوعه منا .. امشي وابجي كلي مي صرت .. عبرت المطعم بقيت امشي فتت ع كافتريا .. شافتني بنية تشتغل اجت تركض علية
ايم سان
كالتلي ماافتهمت عليها بقيت اهز راسي
انكلش كتلها
ردت عليه هاير وتهز راسها بمعنى لا هذا الي افتهمته بجيت كل العالم اتباوع عليه شكلي شبي مااعرف ليش ايباوعولي
انترنيت اشرتلها ع تلفون
اجه ولد يحجي وي هاي التركيا ماافتهم عليهم سحبتني البنية كعدتني على كرسي بس برا مو جوا بالمحل .. اخذت التلفون خلتلي الرمز سمعت صوت الرسائل . .
