Arc - 4 : Let me protect you (IV)
ရှန့်ခယ်နဲ့ဖုန်းကျွမ်ရဲ့ခန္ဓာကိုယ်က အခြားကလေးတွေနေယှဉ်ရင်သေးနေတယ်။သူတို့ရဲ့အရှေ့တိုင်းသားရုပ်ရည်တွေက အနိုင်ကျင့်ခံရမှုကနေရှောင်လွှဲမရဘူးလေ။ ဒါပေမယ့်ရှန့်ခယ်ရဲ့ညာခြေထောက်ကအဲ့လောက်ကြီးလည်းစာနေတာမဟုတ်လို့ ကလေးတွေကိုကိုင်တွယ်ရတာလောက်တော့သူ့အတွက်အပျော့ပါ။ အစကတော့သီးခံနေသေးပေမယ့် ဆရာမတွေကပါအရေးမလုပ်တော့ ဒီကလေးတွေကိုနည်းနည်းဖျင်းပေးဖို့သူဆုံးဖြတ်လိုက်တယ်။
ဖရန်မူကြိုကျောင်းရဲ့သင်ကြားမှုက အရမ်းလွယ်လွန်းလို့ ရှန့်ခယ်အတွက်ကွန်ပျူတာအကြောင်းတွေးဖို့အချိန်တောင်ရသေးတယ်။ ရှန့်ခယ်တို့ရဲ့မွေးစားမိဘ ဖရယ်လင်မယားကလည်း ရှန့်ခယ်ကွန်ပျူတာလိုချင်တယ်ဆိုတော့ချက်ချင်းဝယ်ပေးဖို့လုပ်တယ်။ ဒါပေမယ့် ရှန့်ခယ်က"မစ္စတာဖရယ် ကျွန်တော့်ကိုယ့်ပိုက်ဆံကိုယ်ရှာချင်တယ်''
ရှန့်ခယ်ကအဲ့လိုပြောတော့ မစ္စတာဖရယ်ကအပြုံးလေးနဲ့ပြန်မေးတယ်။ ''မင်းကဘယ်လိုရှာမှာလဲကွ''
"မနေ့ကစာကြည့်ခန်းထဲမှာတယောတစ်လုံးကျွန်တော်တွေ့တယ်'' ရှန့်ခယ်ကမျှော်လင့်ချက်အပြည့်နဲ့''မစ္စတာဖရယ် အဲ့ဒီတယောလေကျွန်တော့်ကိုငှါးလို့ရမလားဟင်။ ကျွန်တော်ပန်းခြံတွေမှာလိုက်ဖျော်ဖြေချင်တယ်''
"အို?'' မစ္စတာဖရယ်ကအနည်းငယ်အ့ံသြသွားပြီး ''မင်းတယောတီးတတ်တယ်ပေါ့''
ရှန့်ခယ်ရှက်ရွံ့ရွံ ့နဲ့ခေါင်းလေးညိမ့်လိုက်တယ်။
"ကောင်းပြီလေ ဒါဆိုနားထောင်ကြည့်ရအောင်။ မင်းကောင်းကောင်းတီးနိုင်ရင်ခွင့်ပြုပေးမယ်'' မစ္စတာဖရယ်ကတက်ကြွစွာနဲ့ ရှန့်ခယ်လက်ထဲတယောကိုထည့်ပေးလိုက်တယ်။
ရှန့်ခယ်အသံကိုအရင်စမ်းပြီး မတ်မတ်ရပ်ကာဖရယ်လင်မယားနဲ့ဖုန်းကျွမ်ကိုဦးညွှတ်လိုက်တယ်။သူ့ရဲ့ အထက်တန်းစားလူကြီးလူကောင်းလိုဟန်လေးက ဒါဟာသူ့ရဲ့တစ်ကိုယ်တော်ပွဲအလား ကြည့်ကသူကိုချစ်မိစေတယ်။
YOU ARE READING
ေပြ႔ဖက္ခြင့္ [Heroic death system]
RomanceTitle - Heroic death system Arc - 4 (Let me protect you) Author - Snowfield specter Eng translator - snowycodex 【ရွင္ ဘယ္ေတာ့မွ ၿငိမ္းၿငိမ္းခ်မ္းခ်မ္းမေသရပါေစနဲ႔ ...!】 သို႔ႏွင့္၊ ရွန္႔ခယ္တစ္ေယာက္ ဘယ္ေတာ့မွ အဆံုးမသတ္ႏိုင္သည့္ သနားစရာ အသက္ဘဝကို တစ္ခ်ိ...