مليكه قلبى لملكه اللطف نورهان جمال

روايه مليكه قلبى البارت الرابع

الفصل الرابع روايه مليكه قلبى
#الفصل_الرابع

#مليكه_قلبى

#بقلمى_نورهان_جمال

#ملكه_اللطف

#كاتبه_النقاء
اللهم صل وسلم وبارك على سيدنا محمد وعلى اله وصحبه اجمعين تسليما كثيرا طيبا مباركا فيه
عايده :كريمه والله محصل حاجه وحكت لها عايده على ما حدث
كريمه :وهو ليه اصلا تقول كده ايه الافترا ده هو أنا وبنتى عملنا ليها ايه وبكت كثيرا
جنه : ماما أنا اسفه أنا السبب أنا اللى خليت ناس زى دى تتكلم
كريمه :وأنت ذنبك ايه يا بنتى أنا عارفه تربيتى وواثقه أن بنتى متربيه
جنه :هنعمل ايه يا ماما ناس ربنا يسمحهم
كريمه :اسمعى يا جنه لازم ننزل القاهره خلاص يا بنتى ملناش عيش هنا خلاص
تنهدت جنه بألم فهى تحب منزلها كثيرا الذى تربت فيه  وفيه ذكريات والدها الذى تحبه ولكن  ما بيدها شئ لأن كل الناس أصبحت قاسيه قلوبهم على الأيتام ولا يحبون وجود الاخلاق فى المجتمع ما علينا ربنا يعفوا عنا وعن الجميع
جنه :حاضر يا ماما أنا هكلم خالى يجهز كل حاجه بعد امتحانات مصطفى
كريمه :انا كلمت خالك وهننزل بكره القاهره
نظرت لها جنه بدهشه وعيناها جاحظتين هى لا تعلم أن أمها تتكلم بجد لأن امها كانت تحب أباها جدا وتحب هذا المنزل
جنه :ايه ازاى يا ماما مش حضرتك دائما بتقولى أن البيت ده فى ذكريات بابا وانت بتحبيه ومش عايزه تخرجى منه
نظرت لها كريمه بعيون دامعه
كريمه:يعز عليا البيت يا بنتى بس البيت والحاره مورهمش غير المشاكل وأحنا ثلاث ولايا لوحدنا والناس كلمها أسى أوى يا جنه والكل بيقول علينا كلام مش كويس وانا تعبانه ومش هقدر اقف للناس وكلمهم السم ده وممعناش راجل مصطفى لسه صغير هو اه شب بس لسه ميتحملش المسؤوليه فلازم نمشى من هنا المكان اللى هيتعب ولادى مش عايزاه وانت شفتى النهارده ام فاروق الوليه إللى الناس كلها عارفه تربيه ابنها قالت عليك أنت كلام بطال هنستنى لايه ودى وليه شرنيه ونبها ازرق
تنهدت جنه فهى تعلم أن كل ما تقوله امها حقيقه فكيف لها أن تنكر ذلك
جنه :بس يا ماما كده مش هنعرف نعيش هنروح مكان منعرفش فيه حد وانا هقعد كتير لحد ملاقى شغل و ربنا وحده  يعلم هلاقى ولا لأ وهنصرف ازاى القبض بتاع بابا
كريمه :خالك ظبت كل حاجه وقال إن هتشتغلى فى محل هناك فى القاهره لحد مايكلم مدير الشركه اللى هو بيشتغل فيها ويلاقى ليكى شغل  والقبض بتاع ابوكى خالك حوله للقاهره من اسبوع لما كلمته احنا هنسافر القاهره الفجر باذن الله

جنه :وأحنا  ايه اللى يعرفنا إذا كان الشغل الجديد صاحبه مش زى صابر  وحضرتك ازاى تنقلى كل حاجه كده من غير أنا معرف
كريمه : لأ متقلقيش اسماء بنت خالك بتشتغل عند الراجل ده بس خالك معرفش يجبلها شغل فى الشركه  علشان مش متعلمه وانا نقلت كل حاجه علشان عارفاكى مش هتوافقى على اللى هقولك عليه فأنا عملت من نفسى وخلاص يا جنه بقى اللى حصل حصل ولما اخواتك ياجوا يبقى قوليلهم أننا هنسافر بعد الفجر اروح أنا بقى اصلى الظهر وانام علشان تعبانه
جنه :حاضر يا ماما نوم العوافي حبيبتى تصبحى على الجنه يا حبيبتى ثم تنهدت بحزن  فكيف لها أن تترك مكان تربيتها وصديقاتها وجيرانها كيف لها أن تترك كل ذلك وتنتقل لمكان لا تعرف فيه احد سوى اولاد خالها ولكن لا تعلم أن سفرها للقاهره هو بدايه التحول ازاى هنعرف  مع الاحداث 

عند أسر

خرج أسر من الشركه وذهب اللى إحدى المقاهي الشعبية حتى يقابل ذلك الشخص

الرجل :اهلا أسر بيه نورتنا فى الحاره
أسر متقذذ من المكان ولا يريد البقاء هنا طويلا
أسر :اهلا اخلص جبت اللى قلتلك عليه
الرجل :اكيد طبعا يا باشا لما انت قلتلى ماتجيش الشركه كنت جيت سلمتك كل حاجه بنفسى
أسر :اخلص انت لسه هترغى وكمان موضوع الشركه ده مخلصينه من فتره اخلص هات المطلوب
الرجل :الملف اهو يا باشا دى كل المعلومات حتى المقاهى الليليه اللى بيسهر فيها هو ومراته يا باشا
أسر :اممم طيب اتفضل ده اللى اتفقنا عليه
الرجل :ما تخلى يا باشا خيرك سابق
أسر :اخلص انت هتتجبى عليا محدش يعرف أنى جتلك هنا ولا كنت عايز منك ايه انت فاهم
الرجل :فاهم يا باشا فاهم

خرج أسر من هذا المكان ذهب الى منزله وعندما دخل المنزل وجد فيه بعض الضيوف
شيماء ام اسر :أسر حبيبى الحمد لله انك جيت دلوقتى ومسكت زراعه وبدأت بجذبه ناحيه الصالون

مين موجود ايه اللى هيحصل مع ابطلنا هنشوف أن شاء الله فى البارت الجى

صلوا على سيدنا محمد وعلى اله وصحبه اجمعين تسليما كثيرا طيبا مباركا فيه