❌لا يحلل النشر
♦ حـــــــــــي تـيــتـيـــــــــــز ♦
⚜ فاطمة الزهراء مبارك ⚜
الجزء 1:
فيقت الصباح على غير عادتي دخلت الحمام طرفت حالتي و خرجت لبست شوميز بيضة و سروال توب اسود مشطت شعري الطويل و جمعتو على كود شفال لي كل مرة كيفاش لونو مرة قهوي مرة اسود والله ما عرفتو كيف داير درت فوندتان لوجهي و احمر الشفاه لشفايفي الورديين كحل لعيني الزينين و مسكارة لرموشي الكبار درت فغاجو لخدودي الموردين لبست صباط عالي و هزيت ساكي و درت فيه سيڤي ديالي و خرجت من الدار سديتها
بغيت نزيد و هي تخرج ليا واحد المراة كبيرة في العمر لالا هذه جارتنا واحد الشارف الهارفة مكنحملهاش لكن في نفس الوقت كنحملها فهم تسطا
***:لفين غادا اديك الشلاهبية بديك الحالة
***:خالتي منانة صباح الخير
منانة:لي صبح على وجهك عاد عيشوف الرباح اااه
***(سطت بنت لحرام كتخرج ليا في عودي):وانت لي خرجتي تبرگي فين غادا يهديك الله
منانة:يهديك انت نيت هاي هاي هاي على الوجه مجخمط بالماكياج
***:و راه غادة نقلب على خدمة ا خالتي
منانة:تخواي من جنابك انا مخالتكشاي دوزي طلعي عندي بغيتك
***(هربت ليها):وراه عنتكطل غير نرجع و انا معاك
منانة:رجعي رجعي ا شلاهبية رجعي والله ما تبقا فيك ا توركان حتى ترجعي ليا
هربت ليها و مشيت كنشير لطاكسي عاد وقف ليا طلعت ليه و عطيتو عنوان الشركة وصلني ليها دخلت و جلست كنتسنى مع البنات تما كل وحدة كتخنزر في التانية حتى جات عندي وحدة
***:توركان يلدز
تركان:هي انا
***:مع الاسف مدير الموارد مكاين خرج ليه مشكيل من الجنب
تركان(درت شفت في لبنات لقيتهم كي ضحكو معلوم من قبيلة و هما الغايرين مني اربي سلامة):اوووف شنو المعمول
***:ولكن بلاتي المدير ديالنا شخصيا عيدير ليك المقابلة
تركان (درت عندهم و شفت فيهم بتكبر و عاودت هضرتها و هما خيبو سيفتهم): كيفاش المدير شخصيا عيدير ليا المقابلة ياك
***:اه تفضلي معايا
هزيت صاكي و تبعتها دخلت العندها و يا ريت ما دخلت
أنت تقرأ
حي التيتيز 💎بالدارجة المغربية💎
Hành độngقصتي مشي كبحال القصص هذه قصة على واحد الحي مجموع فيه كل شي اولهم الجورة و غير الجورة لان جيراني هما تـيــتـيـــــــــــز بمعنى الكلمة ها طبيب ها مهندس ها القاضي وكل واحد غزال على التاني و كنموت عليهم كاملين بغيتو تعرفو الاحداث قراو معايا القصة لي #...
