حي التيتيز 💎بالدارجة المغربية💎

❌لا يحلل النشر ♦ حـــــــــــي تـيــتـيـــــــــــز ♦ ⚜ فاطمة الزهراء مبارك

❌لا يحلل النشر

♦  حـــــــــــي تـيــتـيـــــــــــز ♦

⚜ فاطمة الزهراء مبارك ⚜

الجزء 29:

مر شهر مهزيتش تيلي ديالي ولا فتحتحو حتى تميم نهائيا كانت مفاجأة هي شهر العسل في جزر المالديف كانت مفاجأة زوينة بانسبة ليا بزااف فرحت بيها و اليوم شادين الطائرة و راجعين بحالنا معنقاه وخا كان بيناتنا خلافات لكن بالعقل كي تحلو عرفتو و عرفت طبيعتو شنو كي عصبو شنو كي فرحو شنو كي بغي شنو لي مكيبغيش كلشي و كتاشفت انه عارفني و حافظني و عارفني هبيلة

نزلنا في المطار و توجه الوطو ديالو و هو شاد ليا يديا فرحان و حتى انا كبحالو و يمكن كثر شدينا طريق الكازا رجعنا الحومة غير دخلنا امين تصدم بقا معاه تميم و انا طلعت عند خالتي عرفتها عتكون مقلقة عليا لكن عنصالحها

دخلت عليها البيت لقيتها جالسة و كتفكر غير شافتني و تنوض كتجري تعنق فيا و تبوس

منانة:الله يااا بنتي فين مشيتي و خليتيني فين
توركان(ضحكات)؛هدا غير صرف لي درتي ليا و خليتيني كنت عنموت بالخلعة
منانة:كيفاش
توركان:انا و تميم تزوجنا

منانة(تصدمات ناضت البيت و سمحات فيا)

توركان:خالتي
منانة:ما خالتك ما خالتو
توركان(تبعتها):يهديك الله ا خالتي ياك هذه الشي لي كنتي باغيا
منانة:كنت باغيا نتهنا عليك
توركان:هي الا فرحتي لينا
منانة(تبسمات و عنقاتني):مبروك ا بنتي
تميم(دخل و شافنا ضحك و جا عنقتا بجوج):الله رتاحيت
توركان(تنترت منو):اوووف تميم ريحتك خانزة
تميم(شم راسو معمرها دارتها):غير عرق الطريق راك عارفة
توركان:اوا سير دوش يالله
تميم:واخا انا مشيت

دخل مسكين و انا عنقت خالتي حتى طيبتها ناضت طيبات لينا الغدا و فرحات بينا أنا شفت تميم خيبت سيفتي و مشيت عند خالتي محملاهش نهائيا