حي التيتيز 💎بالدارجة المغربية💎

❌لا يحلل النشر ♦ حـــــــــــي تـيــتـيـــــــــــز ♦ ⚜ فاطمة الزهراء مبارك

❌لا يحلل النشر

♦  حـــــــــــي تـيــتـيـــــــــــز ♦

⚜ فاطمة الزهراء مبارك ⚜

الجزء 18:

دازت سيمانة و خالتي عاد جات و تميم مشفتوش من داك الوقت لكن لي جديد في الخدمة هو انه جا ولد الباطرون ديالي و انا معجبنيش نضراتو ليا نهائيا لكن مديتهاش فيه خرجت بحالي و مشيت الدار و كنحس بشي واحد تابعني درت لقيت ولد الباطرون غوبشت فيه و كملت على رجلي و تعمدت ندخل بين الدروبة حيت معندوش كيفاش.يدخل لوطو ديالو مشيت بحالي لعند خالتي طلعت عندها كلي كنرجف

منانة(وقفات)؛اويلي مالكي
توركان:كاس ديال الما
منانة(كبات ليها):هاكي ا بنتي

خديت من عندها الما و شربتو

منانة:قولي
توركان:ولد الباطرون هذه مدة و هو كي شوف فيا بنضرات مشي حتى الهيه و اليوم خرجت تبعني و انا نهرب ليه كلي كنرجف شوفي
منانة:الله يا ربي خاصك تخرجي من ديك الخدمة
توركان:لا معندي كيف ندير
منانة:واش تصطيتي واش باغيا يبقا يتبسل عليك
توركان:معندي من غير هذه الخدمة

منانة( وقفات و كتشوف فيا):هي عاجبك التسلگيط اااه الاول بدر و التاني هذا و شوفي غير حالتك تقولي كتخرجي لعرس

توركان (بقيت كنغوت):علاش كتجبدي ليا بدر كل مرة مشي شغلك فيا ندير لي بغيت نلبس لي بغيت نخرج عريانة انا گاع اشنو مشا ليييك اااه هذه حياتي و انا حرة فيها معند حتى واحد الحق يدخل فيا كيف ما كان نوعو اولهم انت**

محسيت براسي غير صقلة جاتني الحنك حتى طار ليا الدم من نيفي و فمي و كملات انا مشدودة من شعري و مجرورة مع الدروج و كنغوت يطلقني و منانة حتى هي خرجني رماني على برا و شاف فيا

تميم(كي هضر مغزف):اخير مرة تعتبي هذه الباب و لا شفتك حطيتي رجليك هنا نقطعهم ليك

زدح عليا الباب و انا كنشوف معرفتش كيفاش داز هذه الشي بزربة رما ليا ساكي من الشرجم و سدو انا حقدت عليه و هزيت ساكي دخلت الداري و سديت عليا الباب و بقيت كتبكي حسيت بالگرة بزااف مرضيتش و مبغيتوش يدير ليا كبحال هكدا بكيت و نعست بدموعي في عينيا و دم مزال في مو و نيفي