حي التيتيز 💎بالدارجة المغربية💎

❌لا يحلل النشر ♦ حـــــــــــي تـيــتـيـــــــــــز ♦ ⚜ فاطمة الزهراء مبارك

❌لا يحلل النشر

♦  حـــــــــــي تـيــتـيـــــــــــز ♦

⚜ فاطمة الزهراء مبارك ⚜

الجزء 19:

صبح الصباح مقديتش نمشي الخدمة و بالاحرى مبغيتش نمشي بقيت في الدار منين فيفا تفكرت لبارح بقيت كتبكي عليا راسي لقيت خالتي منانة جلسة عند راسي حداها كاس فيه الدم مخلط مع الما و كتمسحلي على شعري و دموع في عينيها

توركان:خالتي
منانة(عنقاتها و زيرات عليها):معمرك سولتي راسك علاش كندير معاك هكا اممم معمرك سولتي راسك علاش كل ساعة خارجة حاضياك من الزنقة عرفتي ا تركان علاش مبغيتكش تمشي لريسطو مرة اخرا امم

(حطيت راسي على ركبتها و كنبكي مقديتش نهضر)

منانة:حيت خايفة عليك ا بنت انت أمانة من باك كان خاصني نرجع لفرانسا ليلة لي مات فيها لكن منين وصاني عليك مقديتش نخليك بوحدك ديك الساعة حيت كان فعمرك 12 العام كنتي مزال خاص لي يربيك و يكبرك تكلفت بيك و حميتك و كل مرة كنوصي فيك حيت كنعرف الواحد من شوفة وصيت على كمال حيت عرفتو مزوج و خفتك طيحي فيه وصيتك بدر حيت عارفاه حرامي مكيسواش انت ركبتي لي فبالك و خليتك تكوني معاه و انا حاضياك علاش باش ميضحكش عليك انت بنتي لي مولدتش من كرشي ربيتك و كبرتك باش تكوني لالة النسا و خى كتقولي عليا برگاگة لكن مكنبرگگ غير عليك حيت خايفة عليك ا بنتي و منين عاودتي ليا على ولد الباطرون ديالك خفتو يتفلا عليك ابنتي الله يهديك

حسيت كلامها على الصح عنقتها و بقيت كنبكي و هي كتبكي معايا حاولات معايا نمشي معاها مبغيت حيت حلفت لا دخلت لديك الدار محدو هو تما نوضاتني فطرت و ناضت خرجات انا بقيت مقابلة التلفازة حتى جاني الجوع صونيت لامين عنجي نتغدا عندو في المطعم نضت لبست عليا جلابتي و خرجت تلاقيت هداك لي اسمو تميم قدام الباب عيركب في لوطو ديالو غوبشت فيه و زدت بحالي و هو متبع ليا العين يخ تفو كرهتو و كرهت سيفتو دخلت عند امين القهوة غير شافني و هو يقفز معرفت مالو