❌لا يحلل النشر
♦ حـــــــــــي تـيــتـيـــــــــــز ♦
⚜ فاطمة الزهراء مبارك ⚜
الجزء 15:
فيقت الصباح و دخلت الحمام دوشت و شفت راسي في المراية و تاملتها غمضت عيني و شفت في الماكياج تبسمت مشي انا لي هرسني واحد كي فكر غير فراسو و طامع فيا خرجت من الدار و بقيت كتجري و نقول ما جريت حتى خويت الطاقة السلبية و رجعت الضحكة على فمي دزت عند خالتي السعدية لقيت حتى تميم واقف تما باغي الرغايف واقلة وقفت
تميم(شاف فيا و ولا شاف في السعدية)
سلامة يقول غير السلام يخ على معقد مديوش عليا حسيت براسي رجعت كيف كنت
توركان:خالتي سعدية ديري ليا الحرشة و المسمن كيف ديما
سعدية:هي عتفطري عند منانة كيف ديما
توركان:لا
سعدية:واخا انا نصايب الدري و انا معاك ا بنتي
سكت حتى كنشوف امين جاي و وجهو حالتو خلعني مشيت كنجري
توركان:اويلي مالك في راسك
امين:متخافيش غير ضربة صغيرة
توركان:راه باينة ضربة صغيرة شوف راسك و الفاصمة دابزتي يااااك
امين:بغيتي صراحة
توركان:اه
امين:دابزت مع خو خطيبتي هذه يوماين و بقينا غير على الضرب
توركان:اويلي علاش
امين:على العرس انا قلت ليها معندي حتى واحد لي تعرض عليك غير واحد البنت و هو يسمعها خوها نوضناها قالك كنخونها
بقيت كنشوف فيه في الاخير طلقتها بالضحك عليه سالا معايا صافي هو حاضيني و مستغرب
توركان:دابا نشمي نهضر معاها اوووف ضحكتيني حق الله هذه فلتات لخالتي منانة
امين:العاااار وقفي مع خوك
توركان:صافي صافي كون هاني
امين:نعول عليك
توركان:اه صافي
دخل بحالو و انا كنضحك مع الدورة لقيت داك لي اسمو تميم كي خنزر فيا شي تخنزير يااااربي السلامة و مشا بحالو غوبشت و مشيت خديت لي بغيت مشيت داري فطرت عمرت كريشتي عاد مشيت دوشت قاديت حالتي و تزاحيت لخدمتي
أنت تقرأ
حي التيتيز 💎بالدارجة المغربية💎
Acciónقصتي مشي كبحال القصص هذه قصة على واحد الحي مجموع فيه كل شي اولهم الجورة و غير الجورة لان جيراني هما تـيــتـيـــــــــــز بمعنى الكلمة ها طبيب ها مهندس ها القاضي وكل واحد غزال على التاني و كنموت عليهم كاملين بغيتو تعرفو الاحداث قراو معايا القصة لي #...
