❌لا يحلل النشر
♦ حـــــــــــي تـيــتـيـــــــــــز ♦
⚜ فاطمة الزهراء مبارك ⚜
الجزء 20:
جا عندي شدني من يديا و زير عليها حتى تقصحت
امين:شكون دار فيك هذه الحالة
توركان:انا حالة
امين:عينيك زرقة و فمك مجروحة
توركان(تفكرت الضرب لي عطاني داك خينة):تلقاو ليا الشفارة لبارح و ضربوني
امين:زيدي يالله معايا
توركان:فين
امين:الكوميسارية ديكلاري
تروكان:مبغيتش صافي ا امين خليني على خاطري
تعصب جلست انا كناكل و هو حاضيني حتى كملت جيت نخلصو مبغاش نضت مشيت الدار لقيت تميم واقف حدا باب داري شفتو و مشيت نفتح
تميم:بغيت نضهر معاك
انا ساكتة فتحت الباب و بغيت ندخل
تميم(شد ليا يديا):توركان عافاك
توركان (نترتها):رخي منيييييي
تميم:غير نهضرو
توركان:شنو باغي مني شنو عندك ما تقول اااه ياك خليت ليك الدار لي انت فيها معمري معنولي نعتب فيها سير فحالك اولد الناس
تميم:واخا لي قلتي عندك فيه الحق خلينا ندويو
توركان:معندي فاش ندوي معاك و اخر مرة تدق على بابي انا بنت ساكنة بوحدة مرة أخرى نلقاك هنا نعيط ليك البوليس
خليتو و سديت الباب مشيت جلست كنتفرج و عقلي مشي معايا الشماتة حتى خصر ليا وجهي جاي عندي بوحهو حمر تفو بقيت كنتفرج
دازت تقريبا شهر مخرجتش من الدار غير السخرة كنطلب امين يجيبها ليه حتى واحد النهار جات خالتي و دخلات عندي جلسات حدايا
توركان:مالك
منانة:بنتي بغيت منك طلب و هاااا عرت الله مترفضيهش ليا
توركان:شنو هو
منانة:حمادي بغا يشوفني
توركان:و سيري عندو انا مالي
منانة:راك عارفة تميم هنا منقدرش نمشي عندو
توركان:واش نمشي عند واحد مكنعرفوش
منانة(عطاتني ورقة):هانتي انت عتمشي لهذه الريسطو و عتجلشي هو عيجي عندك و قولي ليه راه منانة معتقدرش تجي عندك جيت غير نخبرك
سكت بقيت كنتفرج و هي كتقنع فيا و ان العراضة العشاء على حسابها قلت علاش لا لي منمشيش ضحكت و شفت فيها ء
توركان:صافي واخا
منانة:نوضي وجدي راسك
توركان:حماقيتي لا
منانة:دابا كون كان شي تيتيز ديال الحي كون تزيزتي نوضي ا بنتي الله يرضي عليك
توركان:صافي واخا انا نايضة
نضت على سعدي و وعدي بدلت حوايجي لبست واحد الكسوة حد الركبة في غوز بيبي طلقت شعري درت الماكياج لي غطا ليا على الزروقية لي دار ليا داك تميم الله يعطيه الگرد لدوك اليدين درت ساعتي و حلاقات و براسلي و خاتمي صباط طالون و خرجت عندها
منانة(لقيتها كتهضر في تيلي):صافي انا جاية و صافي بقا تما يالله بسلامة
دارت عندي و شافت فيا :ماااشاااء الله تبارك الله عليك كتفتني بالزين
توركان:خفت غير يشوفني يتزعط غادا ندير الخير يرجع ليا بمو مزوي
منانة:متخافيش انت غير سيري
توركان:خاصني طاكسي
منانة:هضرت مع هشام هو لي عوصلك
توركان:صافي واخا
ناضت خرجت معاها و هشام كان واقف كي تسناني شافني بدا كي صفر ركبت معاه و ديمارا لوطو
أنت تقرأ
حي التيتيز 💎بالدارجة المغربية💎
Hành độngقصتي مشي كبحال القصص هذه قصة على واحد الحي مجموع فيه كل شي اولهم الجورة و غير الجورة لان جيراني هما تـيــتـيـــــــــــز بمعنى الكلمة ها طبيب ها مهندس ها القاضي وكل واحد غزال على التاني و كنموت عليهم كاملين بغيتو تعرفو الاحداث قراو معايا القصة لي #...
