رواية عندما يلين الفهد

البارت السابع

أبلغ عزيزاً فى ثنايا القلب ❤منزلهُ إنى ولو كنت لا ألقاهُ ألقاهُ وإن طرفى موصولٌ برؤيتهُ وإن تباعد عن سكناى سكناهُ ....
نكمل روايتنا بالصلاة على النبي وصحبه أجمعين......

بعد أن رأت عاليه ابنتها رقيه أعجبت بها جداً وبعد أن ارتدت هذا الفستان الأبيض الجميل الذى زادها أنوثة وجمالاً ...
وقالت لها أخرجى لترد عليها رقيه....

يا ماما أنا مكسوفه جداً أنا هطلع كده...
عاليه..ايوه هتطلعى كده اي واحده مكانك هتلبس اكتر من كده ....
هو فى واحده تلاقى عريس زى ده ...
شوفى أختك فريده وشوفى شريف جوزها الكحيان الصدمان العدمان...

يالا بقا ودخلى الشربات ....
رقيه..انتى اكيد بتهزرى شربات ايه وبتاع أيه مش أنتى قدمتى حاجه ساقعه يبقا خلاص ....
عاليه ماشى بس معروفه العريس لازم يتقدمله الشربات من أيد عروسته...

رقيه ...طب متبقيش تزعلى لو وقعته بأُم الكعب اللى أنا لبساه ده .....

عاليه ...مش هزعل بس اخلصى ...
رقيه ..حاضر ثم قامت بأخذ الشربات من المطبخ لتقدمهُ لفهد ....
وعندما خرجت قامت بدأت بالتقديم لابيها ....
فقال لها والدها سليم ..يا رقيه قدمى للعريس الاول فاقتربت منهُ لتناولهُ ومن خجلها أسقطت على بنطاله الاكواب ...

فصمت فهد وضغط بإسنانهِ بقوه على شفاه وكتم غيظه قائلاً فى نفسه ...
غبيه لو حد من اللى بيشتغل عندى كنت فعصته ...وعلى العموم اهو غباءه دا عو اللى هيضايق أمى ودا السبب اللى هجوزها عشانهُ...

عاليه ...مش تاخدي بالك يا رقيه...
رقيه...انا اسفه والله يا ماما
عاليه..طب اقعدى يا رقيه انا هشيل الحاجات دى ...سليم ..ولا يهمك يا حبيبتي معلش يا فهد بيه ...
رقيه ...طب انا اسفه اوى طب اقلع البنطلون وانا هنشفهولك....
ليخر فهد ضاحكاً من كلمتها قائلاً انتى مجنونه .....
سليم ...بنت انتى بتقولى ايه...
رقيه ..معلش بقا يا بابا عديهالى ....
ليرد فهد...مش مشكله مش مشكله انا كده كده عربيتى تحت وشويه وهمشى...

يالا نتفق فى التفاصيل علشان الوقت معلش ..
انتو فاهمين والله شغلنا مخلى وقتنا مش ملكنا ...
قولوا طلباتكوا وانا تحت امركوا ...

سليم ..يا ابنى انا مليش طلبات احنا بنشترى راجل ...وانا على قدى اه بس هفرش الشقه بكل اللى بنتى نفسها فيه ...
فهد ...بس انا ساكن فى قصر...
وفيه كل حاجه واكيد حضرتك هتشوفه
فياريت نعجل الجواز ويا سلام لو المأذون يجى يكتب الكتاب بكره على طول....
سليم ...دا اللى هو ازاى يا ابنى دا انت تانى مره بس تيجى هنا ولو حتى قصرك جاهز البنت حتى ملحقتش تشترى هدوم الجواز حتى وامتحانتها اللى كمان شهر....
نقوم نكتب الكتاب ايه هو أصله ده...
لتقاطعهُ عاليه ....يا سليم اصبر استهدى بالله ....
فهد ....يا عمى بالنسبه للامتحانات فدى أمره سهل والمدرسين اللى هى عايزاهم
هيجولها لحد عندها ...
وبالنسبه للهدوم بتاعتها فهى ليها جناح كامل فى القصر فيه كل حاجه هى تتمناها ...فيه اوضه كامله للهدوم
هاااا حضرتك قولت ايه...
عاليه ...بفرحه عامره وقلب يرفرف سعاده ...
خلاص يا ابنى هو فى بعد كلامك كلام
وزغرطت....
الف مبروك يا ابنى ..الف مبروك يا حبيبة قلب ماما ....
فهد...مقاطعاً حديثهم استأذنكوا انا يا جماعه ....
عاليه فى ايه يا ابنى هو حصل حاجه زعلتك ....
فهد..لا لا ابدا بس عاوز اغير هدومى ...
استأذنكم ....
وخرج فهد وهو يحدث نفسه قائلا دى طلعت اغبى مما تصورت ....
يالا بس علشان ماما تصوت منها ....
وزى ما انا هستحمل حسين الزفت ..هى تستحملها....
هى ماما السبب وقعتنا فى اتنين بيئه ...