أنا بعشقك انا ... انا كلى لك انا ❤❤يا من ملك روحى بهواه روحي بهواه الأمر لك طول الحياه❤❤❤
نبدأ البارت الجديد بالصلاة على النبى محمد وعلى آله وصحبه وسلم تسليما كثيرا ❤❤
وفى الصباح استيقظت رقيه فى السادسه صباحا وذهبت لتيقظ مازن ....
مازن يالا اصحى ...مازن مازن مازن
مازن بعصبيه...فى ايه ياستى ع الصبح
رقيه لا قوم كده فوووق علشان مش عايزين خصم تانى ....
مازن ....وانتى عايزانا نروح الشغل سبعه الصبح انتى هبله ....
رقيه ....لا والنبى نروح متأخر وسى يزن يولع فينا
والنبى قووم ومتوديناش فى داهيه...
مازن...يااادى القرف ع الصبح منك لله ومنك لله يا فهد ومنك لله يا روز علشان خليتى فهد يسافر ...
وحسبى الله ونعم الوكيل فيكى يا رقيه علشان جيتى تصحيني....
رقيه ضاحكه....خلص حسبنه فينا وقوم البس علشان متتأخرش ....
مازن ...اطلعى برررررره
رقيه ...خمس دقايق وتكون جاهز انت فاهم ...
فى كوريا حيث يجلس فهد مع روز ....
فهد....انا فضلت معاكى يومين يا روز ولازم نسافر علشان الشركه ...
روز وهى تتكلم العربى بصعوبه ...طب ودراستى
فهد...احنا عندنا فى مصر كليات فى كل التخصصات
شاورى بس وانا ادخلك الكليه اللى نفسك فيها ....
روز ...واصحابي
فهد...هيبقا ليكى أصحاب كتير فى مصر وبعدين انتى ناسيه أن اخوكى مازن من سنك ورقيه مراتى كمان من سنك يعنى هتكوني مبسوطه معانا قوووى
روز....طب وشغل ماما...
فهد ....يا بنتى ما بابا ليه نص الاسهم فى الشركه هنا يعنى كده كده الشركه كلها هتكون تحت ادارتى ....
لحد متخلصى تعليم .....
روز بصوت حزين...
متخافش عليا أنا هعرف اعيش لوحدى وقد ملأت عيناها بالبكاء....
فهد....انا مش هسيبك لوحدك هى كلمه واحده ولو كنتى بتعملى كده علشان ماما هى مش هتتعرضلك
..
روز....حاضر
فهد.....طب حضرى شنطك اكون انا روحت الشركه واخترت رئيس لمجلس الإدارة فى غيابى وهاجى كل شهر اتابع الشركه فمتخافيش....
فى سوهاج.....
حيث همت سهير والحاج جمال والد ساره بالخروج وترك ساره وزين .....
سهير...وهى تهمس فى اذن ساره وزين يرمقهم
بنظراته ......
سهير....همشي دلوقتي يا حبيبتي بس هطمن اشوف الموكوس دا هيعمل ايه..؟؟؟
وزين يحدث نفسه بصوت منخفض وهو يشيط غضبا من ساره ومن نظرات والدتها ويقول والله لاوريكى يا ساره بس اصبرى .....
ومن ثم خرجت سهير هى والحاج جمال....
لتسرع ساره الى غرفتها ...ويتبعها زين وقبل ان تغلق الباب دفعهُ زين ....ساره فى ايه انت عاوز ايه....
زين ...مفيش انا بس عايز ادخل ...
ساره...طب لو سمحت اخرج علشان انا هغير هدومى
زين ....طب وما تغيرى هدومك هو أنا غريب ....دا انا جوزك ...فعااادى يعنى ...
وخروج مش هخرج تمام انا بقول اهوو......
ساره ...وهى تحدث نفسها ايه الرخامة والسفاله دى
زين ....نعم بتقولى ايه مش سامعك ...
ساره ...وهى تخبط فى الأرض بقدمها خلاااااص هروح اغير فى الحمام ....
زين....بردوا هاجى معاكى
ساره وهى تبتعد عنه الى ان اقتربت من الفراش
وهى يقترب منها إلى أن دفعها الى السرير....
ساره ....انت مجنون انت بتعمل ايه ؟؟؟؟
زين ...وهو يتأمل ملامحها الملائكيه انا فعلا مجنون
أنى خليتك تعدى من تحت أيدى امبارح ...
ونزع عنهُ قميصه.....
فقامت ساره بأغلاق عينيها ابعد عنى لاصوت والم عليك البيت كله ....
زين بمكر ...آه صوتى علشان الناس تعرف المعاناه اللى انا فيها ....ويقولولك بتصوتى ليه ....ابقى قوليلهم جوزى قلع القميص....
ساره ....دى بجاحه بقا...
زين...آه بجاحه ان كان عجبك وابتسم ....
ساره....انت بتضحك على ايه دا انت بارد ...
زين ...اصلك قمر وانتى مكسوفه ...واحنا لسه معملناش حاجه ....دا أحنا لسه هنعمل واثناء
حديثه تنادي والدته سميه افتح يا حبيبى افتح ابوك طالع يباركلك....
ساره ...الحمد لله ربنا رحمنى
لينطلق زين ليفتح الباب قائلا وهو مبتسم للحديث بقيه....
ساره ....ابو شكلك
ثم فتح لوالدته ووالدته
زين ....اهلا يا حاج عبدالهادى منور الدنيا كلها
الحاج عبدالهادى....ايه الابتسامه دى كلها العروسه حلوه كيف مقولتلك زى الملاك....
زين...ايوه حلوه يا ياحاج
الحاج عبدالهادى....وانت رفعت راسنا يا ولدى اكده؟؟
الحاجه سميه ما خلاص يا حاج متكسفش الواد
لتخرج إليهم ساره وهى تحمل صينيه بها عصير احضرته من أجلهم....وقالت اتفضل يا عمى ...
اتفضلى يا عمتى.....سميه ....لا قوليلى يا أمى
أو يا ماما انتى متعلمه ....
ساره بتهكم على نفسها...دى ثانويه بس ....
سميه ....هو فى واحده بتاخد الثانويه دى ....
وما إن شربا العصير فقال الحاج عبدالهادي يالا حاجه سميه ادينا باركنا ....
زين ...نظر الى ساره نظره جريئه موحيا إليها ان اللى بتتحامى فيهم ماشيين ....
ساره تصرفت بسرعه قائلة يالا فين ياعمى والله أبداً
انتم مش ماشيين ...
الحاج عبدالهادى.....مش ماشيين ازاى بس ؟؟
ساره...يعنى ينفع بردوا يا عمى اول قاعده لينا مع بعض ومنتعشاش سوا دا لايمكن ابدا والله لازم نتعشى مع بعض وتدوقو اكلى.....
الحاج عبدالهادى...يا بنتى لا ميصحش انتم لسه عرسان مينفعش نضيقكوا....
ساره ....علشان خاطرى ياعمى...
زين ....ينظر اليها وهو يبتسم ويقول لها مستحيل يرضوا يقعدوا يا بنتى علشان يضايقها.....
سميه ....مستحيل ليه يا حبيبي طب والنبى لنقعد غصب عنك متزعلهاش يا حاج عبدالهادى وخلينا نتعشى معاهم .....
الحاج عبدالهادى...خلاص نتعشى عشان خاطرك يا ساره يا قمر انتى....
لتنظر ساره الى زين نظرة انتصار وهى تبتسم ...
ساره....ربع ساعه والاكل يكون جاهز....
سميه....براحتك يا قمر وانا هاجى اساعدك ....
ساره....والله ابدا ارتاحوا خالص وانا هحضر كل حاجه ....
زين....فى قلبه يبتسم من تصرفاتها الطفوليه قائلا مجنونه .....
أنت تقرأ
رواية عندما يلين الفهد
Bí ẩn / Giật gânسيظل عشقك عالمى دوما إليك سأنتمى يوما سيخبرك الهوى انى زرعتك فى دمى ❤❤❤ هى لطيفه جميله بريئه تهاب كل شئ.......... هو بارد المشاعر قاسى متعجرف ومتكبر لايهاب شئ...
