رواية عندما يلين الفهد

البارت الأول

في احد المنازل البسيطه فى حى السيده زينب يستقيظ سليم فى الصباح الباكر فى الساعه السادسه صباحا وينادي يالا يارقيه عشان مدرستك علشان تلحقي تفطري...
رقيه خلاص يا بابا انا صحيت ...
ارتدت رقيه ملابسها وتناولت الإفطار مع والديها ثم نادتها هند لترد عليها رقيه
...
انا نازله ..ثم نزلت لتذهب  الى المدرسة هى وهند وفى طريقهم ..
هند..ملحظتيش يارقيه نظرات مازن ليكى !!!
رقيه ...اى نظرات انا مش فاهمه بتتكلمى عن ايه بصراحه وبعدين متنسيش ان احنا فى تالته ثانوي ومفيش وقت لأى حاجه من الكلام ده نهائى اهم حاجه دلوقتي دراستنا ومذاكرتنا وبس....
هند ...انتى والله بترفصى النعمه دا واد قمر جدا ووسيم وغنى جدا ...
رقيه ..والغنى جدا ايه اللى جابه مدرستنا اكيد اهله بيعقبوه علشان عامل مصيبه....
هند ...مش لازم يافالحه فى ناس اغنيا بتحب تخلى عيالها يحسو بالمسؤولية
ياريته بصلى ولا عبرنى بكلمه حتى ...

من الاخر يارقيه انتى وش فقر ...

رقيه ...فعلا انا حاسه اني فقريه....هههههه
هند ...انتى يارقيه غريبه اوى بصراحه
الواد موز اوى ...
رقيه ...والله يابنتى جوزات اخواتى
كرهتني فى كلمة جواز اذا كان حاتم او فريده ...دا اولا ..ثانيا بأه لو هو غنى اوى زى ما بتوصفى هيبوصلى ليه؟؟؟؟
هند ...ماشى بس انتى جميله يارقيه
وشخصيتك بصراحه تتحب من اى حد ..

رقيه...انتى الا عيونك حلوين اوى
ياهند ...والله انتى اكتر من اختى ...

هند...طبعا يا رقيه دا احنا غير اننا صحاب احنا قرايب يعنى دم واحد ....

رقيه...
يخربيت رغيك يا هند كنا راجعنا التاريخ
بدل الكلام دا دى اول حصه....
ووصلت رقيه وهند المدرسه ...بعد حديثهم الطويل وفى لحظة دخول المدرسه ليقابلهم مازن وهو أنيق جدا ووسيم كعادته وينظر إليهم والى رقيه بالتحديد ويهمس ....

لها وهو يسير بجوارهاBonjour روكا
ثم يذهب ليحمر وجه رقيه خجلا وحياءا وكادت تبكى من كثرة خجلها

فقالت لها هند...شوفتى بأه يا رقيه مش قولتلك مهتم بيكى علشان تعرفى بس
يا بنت المحظوظة يابختك ....

رقيه:بس والنبى يا هند انتى كمان دا انى قلبى مولع  ....
هند ....من الحب طبعا الواد يتحب فعلا

رقيه...والله من الغيظ انى مهزقتهوش
وسبته مشى كده....
هند ...والله ياريتني كنت انا ياشيخه اقسم بالله دا انا كنت بوسته بعد بنجور دى ومكنتش سيبته يمشى....
رقيه...يالا يا هند نطلع الفصل والله انتى مجنونه وعبيطه...
دخلت رقيه وهند الفصل وقعدوا  ...
ودخل مازن الفصل وكالعاده التفتت اليه كل فتيات الفصل فى انبهار وإعجاب
بشكله الوسيم وملابسه الراقيه وعطره الفواح ونظرته الساحره ..
ثم دخلت مدرسة التاريخ وقامت بسؤال الطلاب وكالعاده أجابت رقيه وهند
ومازن ....
والله يا مس انا صريح انا مبفتحش الكتاب اصلا ...
ثم انتهت الحصه ...وانتهت باقى الحصص...ورقيه خجله جدا مما حصل ولا تنظر بجوارها ابدا تخشى ان يراها فينظر إليها....ثم انتهى اليوم الدراسى
ونزلت رقيه مسرعه كى لا تلتقى به ابدا
وانتظرت هند فى الخارج ثم خرجت هند إليها.....
هند ...انتى فين يا رقيه انا كنت بدور عليكى جوه ....
رقيه...معلش ياهند والله انا خايفه يقابلنى يقولى حاجه تانى انا قلبى بيدق جامد اوى من ساعة مكلمنى كده حاسه ان خايفه ....
هند...نفسى اعرف خايفه من ايه !!!!
انتى بس علشان قافله على قلبك جامد
ومجربتيش انك تحبى وتتحبى....
رقيه ...فى هلع لا انا مش عاوزه احب ابدا ....
ولا حتى عاوزه اتحب ولا اتجوز ولا اى حاجه من الكلام ده...
هند ....خلاص يابنتى اهدى انا غلطانه
منهم لله شيرين وشريف اللى عقدوكى
وانتى فى ريعان شبابك ...
حلوه ريعان شبابك دى ههههههه
*********************
استوووب .....
فلاش باك ....عوده للوراء.....شيرين دى مرات حاتم
شقيق رقيه وشريف زوج فريده شقيقة رقيه...
وكلاهما لا يقلان فى السوء عن بعضهما فى سوء الأخلاق وسواد القلب ....*
**************************
فى دولة الكويت فى فى منزل شريف
وفريده حيث يعمل كلاهما هناك ..
حيث تعمل فريده كمدرسه وشريف يعمل مندوب مبيعات  فى إحدى الشركات
فريده ....هو انت مش هتبطل العاده الزفت اللى فيك دى وانك تكلم الزفته دى ....
حرام عليك يا اخى لو مش علشان خاطرى يبقا علشان خاطر ابنك اللى احنا متغربين عشانه ....
شريف...كان رد فعله غريب جدا وبدل ان يكون معتذرا ومعللا لفعلته....
تعامل معها بكل برود وتحدث إليها قائلا

شريف....ما هو انتى لو مليا عينى مكنتش بصيت لغيرك ......
فريده ....يعني انت شايف ان العيب فيا
انا بقا شايفه ان عينك فارغه ميملهاش الا التراب ....
واللى انت بتعمله دا اسمه قرف ...
وحتى يا اخى لو فى عيب هتشفعلى اى ميزه تانيه ....
شريف...انتى مفكيش ولا ميزه اصلا
فريده ....الله يرحم دا انت حفيت ورايا
شريف ...ممسكا بشعر رأسها وبكل تهور
قائلا لها اخرسى وقام بخبط رأسها بكل
قوه فى حيطان الغرفه ....
ونزل الدم من رأس فريده...

شريف ....انتى كلبه ومتسويش غير كده
وخرج من المنزل وتركها فى وحدتها والمها وهو سبب المها وحزنها....
وكان ابنهم الوحيد يبكى عمار ...
فضمته فريده الى صدرها بكل رفق وحنان ...
واتصلت برقيه اختها عبر الإنترنت
وشكت إليها مما فعله بها شريف وباكيه

فبكت رقيه اختها ....
رقيه ....فريده انا هقول لبابا  يصرف
معاه لان هو بيستفرد بيكى علشان فى الغربه....
فريده ....لا بالله عليكى علشان بابا وماما هيتأثرو وممكن بابا يتعب انتى عارفة ان عندى الضغط...
رقيه ...اطلقى يا فريده منه دا ميستهلكيش والله انتى ازاى قادره تستحملى واحد زى ده مش فهماكى بصراحه....
فريده....
علشان ابنى يا رقيه ميترباش من غير اب ..وكمان احاول وانا هنا ادخرله اى حاجه تنفعه للزمن ....
ماشي يا فريده....انا هتصل بيكى كل شويه اطمن عليكى انتى وعمار ...
خليكى فاتحه النت ....
فريده ...حاضر سلام يا رقيه بس زى ما
اتفقنا متقوليش لحد انا قولتلك انتى بس علشان افضفض مع حد اصلى كنت هتفجر لو مفضفتش......
رقيه ....حاضر يا فريده...سلام ....
رقيه...بعد ما قفلت مع اختها انهارت بالبكاء فى غرفتها ومقطعه من الحزن على اختها التى تعيش فى قهر وظلم نفسى وجسدى ....
ولا تستطيع أن تفعل لها اى شئ ينقذها
مما هى فيه وأخذت تدعو لاختها وتتوسل الى الله أن يكون فى عونها
وان يخرجها من احزانها....
ثم عاودت الاتصال بفريده.....
مره اخرى لتطمئن عليها  .....
رقيه....الو فريده انتى عامله ايه دلوقتي...؟؟؟
فريده...انا كويسه دلوقتي والله يارقيه
متقلقيش عليا خالص...وعلى فكره شريف ...اتصل بيا وقالى انا جاى فى الطريق ومتعمليش عشا انا جاى وجايب اكل جاهز.....
رقيه....انتى اكيد بتهزرى معايا يا فريده صح!!!!!
اصل انا بصراحه هتجنن من اللى انتى بتقوليه دا ...واللى عمله دا كله بالنسبالك
عادى....
فريده ...والله يارقيه انا هموت من الحزن بس علشان خاطر عمار ابنى اعمل
اى حاجه واضحى بأى حاجه....
رقيه ...حتى لو كانت الحاجه دى كرامتك...!!!!!
فريده ...ايوه يا رقيه حتى لو كانت كرامتى ....
رقيه بعصبيه وحزن ....طب سلام يافريده انا هنام ....
قفلت رقيه وهتموت من الغيظ من تصرفات فريده...

**************&
وكده خلص البارت الأول 😘