وعندما رأيتك بحراً ثقبت سفينتى...❤❤❤
نكمل البارت بالصلاة على النبى محمد وعلى آله وصحبه وسلم تسليما كثيرا ❤❤❤
وفى الصباح استيقظ فهد فى هدوء كى لا يوقظ رقيه وارتدى ملابسهُ وذهب الى شركتهُ .....
ثم بعد ذلك استيقظت رقيه ....
وقالت انا ازاى ارضى على نفسي المعامله دى
أنا كنت الأول مبتعجبنيش فريده علشان راضيه على نفسها معاملة شريف ليها وان هو يزعقلها طول الوقت...
وانا بردوا فهد بيزعقلى من غير سبب
أنا لازم اسيبه.....اى نعم هتبقا صدمه لبابا وماما بس مش مشكله الخلوص فى الاول احسن من بعد كده
ولا فريده كانت بتصبر علشان خاطر ابنها أنا هصبر ليه؟؟؟؟
هو مش بيحبنى وأمه مش بتحبنى أنا لازم احفظ كرامتي وامشي .....
ثم ارتدت رقيه ملابسها ....وقالت لن أأخذ معى الملابس التى اشتراها لى ....
ثم بعد ذلك همت بالنزول ....
وحينما كانت تتجه الى باب القصر رآها مازن
مازن.....هااا روكا رايحه فين وانا اوصلك
رقيه...لا مفيش داعى أنا هركب تاكسي
مازن ....تاكسي مين يا بنتى بطلى هبل وبعدين مالك قافله النهارده ليه؟؟؟؟
وشكلك مضايق فى حاجه انتى كنتى البارح كويسه
وفرحانه ومبسوطه....
رقيه.....اصل وسكتت
مازن...هى فيها اصل ...تعالى معايا نقعد فى أى حته
رقيه...يالا
ثم انطلقا الى حديقة المنزل وجلسا سوياً
مازن ....ايه بقا فى ايه احكيلى
رقيه....بصراحه كده انا مش عارفه افهم أخوك
ومش فاهمه هو ليه اتجوزنى اصلا ...
اول متجوزنا مكنش بينطق معايا بكلمه ...
ومن شوية أيام بدأ يتكلم ويكون لطيف معايا ...
فرحت جدااا وامبارح تخيل جبلى حصان جميل قوووى...وكانت الدنيا مش سيعانى من الفرحه...
كنت بطير كنت أوزع من فرحتى على الناس كلها
وأما انت وقعت عليا العصير وطلعت علشان أغير
ونزلت لقيت اللى فى وشى ومش طايقنى خالص ولا طايقلى كلمه....
وخلانى منزلش الحفله تانى ومرمط بكرامتى الأرض
تخيل بقا ....
عااارف وأنا قاعده معاك كده ؟؟؟
مازن ...آه
رقيه...أنا بلا كرامه ههههههههه
مازن ...طب بصى يا اللى بلا كرامه انتى
رقيه....انت كمان
مازن ...بهزر يا بنتى ....افهمى بس واسمعينى
رقيه...اتفضل
مازن انتى كنتى لابسه ايه وانتى نازله امبارح
رقيه...مفيش والله انا كنت لابسه الفستان الأحمر ده وغيرته ولبست فستان ابيض...
مازن ...طويل؟؟
رقيه...هو ايه دا اللى طويل..؟؟
مازن ...الفستان يا رقيه طويل
رقيه ...لا زى الأحمر كده بس اقصر منه شويه صغيرين ...
مازن ...كمان انتى بتهزرى
رقيه...ليه بقا ان شاء الله
مازن..يابنتى فهد غيور جدا على اللى منهُ انتى متعرفيهوش ...
رقيه...والله طب ما هو اللى شريلى الفساتين دى ؟؟؟
مازن ...والله اتلقيه دخل قال للبنت هاتى أجمل واشيك فساتين عندك وخلاص ....
على زى ما تشوفيه قوى جدا وشديد الا انه خجول استحاله يختار الفساتين بنفسه اسألينى انا ....
أنتى تعرفى أن لينا اخت اما تيجي هنا فهد ليه
معاها تحكمات جامده جدا....
رقيه بتعجب ...ليكو اخت ؟؟؟
اومال هى فين انا مشوفتهاش خالص ....
مازن ....احنا شركتنا ليها فرع فى كوريا وبابا الله يرحمه كان بيسافر هناك كتير ...
ومتجوز واحده كوريه...
رقيه...انت اكيد بتهزر كعادتك يا مازن ...
مازن ...والله ابدا يا بنتى احنا لينا اخت فى كوريه
وساكنه بقا مع والدتها هناك بعد بابا ما مات ...
رقيه ...مش مصدقه..
طب وهى قد ايه ...يعنى عندها كام سنه كده؟؟؟
مازن ...هى أصغر منى بسنتين يعنى تقريبا من سنك انتى كده....
ومامتك عارفه ان باباك اتجوز عليها كده وعااادى
مازن ...بصراحه انا هقولك حاجه مبحبش اقولها حتى بينى وبين نفسي لان دى امى...
ماما كانت عارفه بس ماما من الاخر كده ماديه قووى
وانا فاكر ساعتها اما ماما عرفت وبابا صالحها بأرض المنصورة....ساعتها تعاملت ولا كأن فى حاجه
وهى بصراحه مكنش عندها اهتمام ب بابا ابدا ...
هى كل همها السفر والشوبينج وبس
أنت تقرأ
رواية عندما يلين الفهد
Misterio / Suspensoسيظل عشقك عالمى دوما إليك سأنتمى يوما سيخبرك الهوى انى زرعتك فى دمى ❤❤❤ هى لطيفه جميله بريئه تهاب كل شئ.......... هو بارد المشاعر قاسى متعجرف ومتكبر لايهاب شئ...
