رواية عندما يلين الفهد

البارت التاسع عشر

وعندما رأيتك بحراً ثقبت سفينتى

نبدأ البارت الجديد بالصلاة على النبى محمد وعلى آله وصحبه وسلم تسليما كثيرا ❤❤❤

بس مش عارفه هخرج كل يوم ازاى وماما هتقولى رايحه فين ....؟؟؟؟
حسين انا هقولك انتى هتقولى لأمك انك هتشتغلى فترة الاجازه وتجيلى فى شقه فى أغلى مكان فى مصر وكمان ياستى انا هديكى مرتب كل شهر علشان تثبتيلها انك بتشتغلى كمان ....
هند ....بفرحه شديده وانا موافقه.....

فى الكويت حيث تجلس فريده وشريف.....
شريف...فين قبض الشهر دا يا هانم ؟؟؟
فريده....انا عاوزه ابدأ احوش الفلوس من دلوقتي علشان بعد سنين الغربه دى ..أما نيجى على الاقل نرجع مصر يبقا لينا بيت منفصل ....
شريف...وهو بيت ابويا وامى ماله ان شاء الله
فريده ....ملوش يا شريف بس انتم ما شاء الله خمسه اخوات ....يعنى مفروض احنا نعمل للزمن علشان ابننا ....
شريف ببرود وعدم لامبالاه..زمن ايه يا ام زمن
أنا عاوز اعيش حياتى بالطول والعرض....
فريده...ماشى اعمل اللى انت عاوزه من مرتبك
شريف ...ما أنا هعمل اللى انا عاوزه من مرتبى فعلا
من قال غير كده ....
بس مرتبك انتى هندفع منه الإيجار ومصاريف الشهر
وبتفكرى فى المستقبل ليه ما يمكن نطلق ونرتاح
واتجوز واحده برقبتك ....يالا هاتى الفلوس وبعدين انتى نازله اجازه الشهر اللى جاى وانا عايز ابعت معاكى هديه لاختى.... ايفون وسلسلة دهب علشان ابسطها كده ...
فريده .....يعنى احنا نجيب الهدايا دى واحنا مش عارفين نشترى شقه ...
شريف ....طول عمرك بتتغاظى من اختى
فريده ...وانا هتغاظ فى ايه بس اشتريلها انت مش انا اللى هشترى...
شريف...هتشترى غصب عنك وهتدفعى غصب عنك مش برضاكى على فكره ولو معملتيش....انتى اقامتك عندى والله ارميكى فى الكويت لكلاب السكك ...
فريده....وتعمل فى مراتك كده؟؟
شريف....آه اعمل فيكى وفى اللى خلفوكى كمان ....
ودفعها بقوه فى الحائط ...وجرحت رأسها ...ثم تركها وخرج ......

فى شركة الفهد حيث يجلس فهد وقام بالاتصال بيزن قائلا انا عاوز اقابلك فى النادى النهارده....
يزن ...غريبه يعنى هتسيب شغلك ونروح النادى ...استنى استنى اما اتأكد أن فهد اللى بيكلمنى ....
فهد....يا عم عايز استرخي شويه ومازن هناك كمان نقضي يوم حلو مع بعض ...
يزن...اشطااا طبعا
ثم خرج فهد من مكتبه مناديا اسراء ألغى كل المواعيد النهارده...
ثم انطلق بسيارته الى القصر وبدل ملابسه وارتدى ملابس كاجوال للنادى وكان أنيق جدا .....
رقيه...هو انت رايح فين وانت زى القمر وموز كده
فهد...وهو يقترب منها بشده وطبع قبله على شفتيها الورديه.....انا رايح النادى....
ثم قال لها السواق هياخدك انتى وروز اختى النادى بالعربيه بليز رقيه خليكى معاها علشان
لو فضلت فى البيت لوحدها أمى هتكرها فى عشيتها
وانا هقابلكوا هناك ....
رقيه...طب وشغلى؟؟؟
فهد...لا انا عايزك ترتاحي الاسبوع دا من الشغل خالص وحضرى نفسك علشان الكليه بتاعتك انا عاوزك تبقى شاطره ....وبعدين تريحي من اللى عامله فيكى الكلب يزن ومازن...
رقيه...آه منهم لله دا سبونى لوحدى زى الكلب الجربان ....
فهد.....خر ضاحكا انا مش عارف انتى بتجيبى الكلام دا منين ههههههههه
رقيه...طب أنا هروح اصحى روز
فهد ...وانا هسبقكوا انا
رقيه....طب ما نيجى معاك فى العربيه
فهد.....لا انا لازم اروح انا الأول علشان هظبط شوية حاجات كده يالا سلام ...آه وعلى فكره حضرى نفسك علشان خلال الشهر دا هنقضى شهر العسل ونتجوز بجد وغمز لها بعينه ....
لتقف رقيه مكانها بعد أن ذهب وتقول اخيرا هيجوزنى بجد لا وكمان ايه هقضى شهر عسل
أنا مش مصدقه نفسى...انا هقضى شهر عسل
دا فريده اختى اما شريف فى اول جوازهم حب يخليها تتفسح وداها يوم عند عمهُ الشرقيه ....
الله يخرب بيتك يا شريف كنت معقدنى فى الجواز
بس طلع الجواز قمر وفهد قمرين وذهبت لتيقظ روز
وهى تغنى النهارده فرحى ياجدعان......ودخلت الى غرفة روز لتيقظها قومى يا روز يا روز يا روز يا روز
لتستيقظ روز ...
رقيه...والله انتى قمر وانتى صاحيه من النوم ...
روز ...ميرسى
رقيه .....مش انتى اخت فهد تبقى حبيبتي حبيبتى
اى حد قريب فهد اعشقه ما عدا أمه ريما اللئيمه..
روز....يعنى ايه لئيمه رقيه ؟؟؟
رقيه ...يعنى bad ههههههههه
روز ....آه فعلا
رقيه ....انتى بتعرفى عربى كويس
روز ....طبعا انا كنت جيت مع بابا مصر كذا مره وكمان بابا خلانى اتعلم عربى من وانا صغيره ...
وماما كانت بردوا بتتكلم عربى ....اتعلمته علشان خاطر بابا ....
رقيه ....كانت بتحبه يا روز
روز ....كانت بموووت فى بابا ومتجوزتش بعده
لحد ما ماتت وبقيت انا لوهدى....
رقيه...انتى مش لوهدك اهنا ....احنا معاكى بوظتى لسانى يا روز
روز....ههههههههه ضحكتيني ركيه...
رقيه....انتى خلتينى ركيه ههههههه
طب يالا علشان نلبس وهنروح النادى انا وانتى ....
روز.....اوك
رقيه ....اوك انا هجهز تكونى انتى كمان جهزتى يا روز يا قلبي....
روز ...استنى ركيه
رقيه....نعم يا روز ....روز هودى دى ....رقيه أهد أيه....آه أخد هاخد ايه؟؟؟
روز ....بيجامه دى علشان انتى وانا هلبس واحده زيها علشان نكون زى بعض نكون أخوات
رقيه ....احلى اخت والله وهلبسها حاضر......