Unicode
ငယ်သူငယ်ချင်းနှစ်ယောက် ပြန်တွေ့ကြတော့ အစပိုင်းက ရယ်ရယ်မောမောပဲဖြစ်သည်။ Bar တစ်ခုမှာ အတူသောက်စားဖြစ်ကြရင်း ငယ်ဘဝလေးကိုပြန်ပြောရင်းငယ်မူပြန်ကြသည် ။ ကောင်းသူရိန်နှင့် တောင်ကြီးမှာနေခဲ့သည့်တလျောက်လုံး အခေါ်အပြောရှိခဲ့ပေမဲ့ ဒီကောင် နိုင်ငံခြားထွက်သွားသည့်နောက်ပိုင်း အဆက်အသွယ်ပြတ်သွားတာ ဖြစ်သည်။ ၂နှစ်ကျော်ကျော်လောက်တောင် ရှိမည်ထင်ပါရဲ့။ အခု ဒီကောင်ပြန်ဆက်သွယ်လာတော့ သူပြန်ရောက်နေတာ သိပ်မကြာသေးဟု ဆိုသည်။ သူလဲ မိဘတွေရဲ့လုပ်ငန်းအမွေကိုပဲဆက်ခံရမှာဖြစ်သည် ။
"ဒါဆို မင်းအခု လုပ်ငန်းရှင်ကြီးဖြစ်နေပြီပေါ့ဟုတ်လား"
"အမလေး ဘောစိကများပြောရတယ်ရှိသေး
ငကောင်းရာ ..."
စိုင်းနေက သွားတန်းညီညီလေးများပေါ်အောင်ပြုံးရယ်နေသည်။ ကောင်းသူရိန်က စိုင်းနေကို တမေ့တမောကိုငေးကြည့်နေပါသည်။ အဖြူရောင်ရှပ်အပါးလေးကို အကျီလက်ခေါက်၍ဝတ်ထားသည့် စိုင်းနေမခရဲ့ပုံစံက တလှုပ်လှုပ်မီးရောင်လဲ့လဲ့အောက်မှာ ဝင်းမွတ်နုဖတ်နေသည်။ ပိန်သွယ်သူဖြစ်ပေမဲ့ စိုင်းနေရဲ့ကိုယ်က အရိုးဂေါက်ဂတ်ဖြစ်မနေပဲ သူ့နေရာနဲ့သူအသားပြည့်ပြည့်လေးတွေရှိကာ အပြစ်အနာအဆာရယ်လို့ရှာမတွေ့နိုင်လောက်အောင် လှရက်လွန်းပါသည်။
"ဒါနဲ့ မင်းအခု ဘယ်စော်နဲ့တွဲနေပြီလဲ
ငါနဲ့ မိတ်ဆက်ပေးဦးလေ "
ရုတ်တရက်မေးလိုက်သည့် ကောင်းသူရိန်ရဲ့စကားကြောင့် စိုင်းနေရဲ့မျက်နှာကအတန်ငယ်တည်သွားသည်။
"ငါ ..လက်ထပ်လိုက်ပြီ "
"ဘာ! ဘယ်တုန်းကလဲ ဘယ်သူနဲ့လဲ
ငါလဲဘာမှမသိရပါလား "
"အလွှမ်းရောင်နဲ့ ..."
အသံတွေဆူညံဝေစီနေခဲ့သည့် စကားဝိုင်းလေးက ရုတ်ခြည်းတိတ်ဆိတ်လို့သွားသည်။ ကောင်းသူရိန်က တော်တော်ကြီး တုန်လှုပ်သွားတာဖြစ်သည်။
"မဖြစ်နိုင်တာ ...မင်းသူ့ကိုမုန်းတယ်မလား
ဘယ်လိုလုပ်ပြီး .."
စိုင်းနေက အကြောင်းစုံကိုအတိုချုပ်ပြီးသာရှင်းပြလိုက်ရသည်။ ဒါပေမဲ့ ကောင်းသူရိန်ရဲ့မျက်နှာက နီရဲလာပြီး အလိုမကျပုံဖြစ်လို့လာသည်။
YOU ARE READING
Let Me Hug You (Completed)
Romanceကိုကို့နှလုံးသားက ဘာအရောင်လဲ သိ့လား ... အလွှမ်းရောင်လေးတဲ့ .... ကိုကို႔ႏွလုံးသားက ဘာအေရာင္လဲ သိ့လား ... အလႊမ္းေရာင္ေလးတဲ့ .... Start Date - 22.10.2021 End Date - 24.12.2021 #oc
