Unicode
"ကိုကိုက ငါ့ကိုမယုံဘူး "
"သူငါ့ကိုမယုံဘူးကွာ "
"ဟုတ်ပါတယ်လေ ငါကလဲ ယုံချင်စရာမှ့မကောင်းခဲ့ပဲ"
"ကိုကိုမမုန်းအောင် ငါ ဘာလုပ်ရမှာလဲ "
နန္ဒတယောက် သေချင်စော်နံနေပြီဖြစ်သည်။ သူ့ရှေ့က အလွှမ်းရောင်ကတော့ ပြောချင်ရာပြောပြီး သောက်နေတော့သည်။တခါမှ့မသောက်ဖူးသည့် အူရိုင်းကောင်ကို သောက်ဖို့အကြံပေးမိသည့် ကိုယ့်ပါးစပ်ကိုယ်သာ ဖြတ်ရိုက်လိုက်ချင်တော့သည်။
နန္ဒကျော်နဲ့လွှမ်းက ဆယ်တန်းမှာစပြီးပေါင်းဖြစ်တာဖြစ်သည်။ ဝါသနာတူ ရည်ရွယ်ချက်တူတွေမို့ ငယ်ပေါင်းတွေလိုပင် ရင်းနှီးသွားခဲ့ကြတာ..အခု company တစ်ခုကို အတူတည်ထောင်ခဲ့ကြသည့်အထိပင်။ အလွှမ်းရောင်နဲ့ ခင်မင်ခဲ့သည့်သက်တမ်းတလျောက်လုံး နားပူအောင်ကြားရသည်က သူ့ကိုကိုရဲ့အကြောင်းတွေပင်။ မယူခင်ကလဲ မရလို့ ၊ ယူပြီးတော့လဲ အိမ်ထောင်ရေးက အဆင်မပြေကြဘူးထင်သည်။
"ကိုယ့်ကိုမကြိုက်တဲ့လူကိုများကွာ
မင်းမို့ ခခယယဖြစ်နေတယ် "
"မင်းစကားမှာ ငါ့ကိုကိုနာမည်တလုံးပါနေတယ် မပြောနဲ့ .."
"ဟ့ အကျိုးနည်း ရစ်မှု့ကြီး "
"ငါသာဆို မင်းကိုကို ကို ဘောလုံးလိုကန်ပလိုက်ပြီ ၊စော်အလန်းလေးတွေနဲ့တွဲပစ်မှာ
ဟိုကောင်မလေး မေမီကိုလားဘာလား မင်းကိုအသေကြွေနေတဲ့တယောက်လေ အဲ့ဒါကိုပဲ ပြန်ကြိုက်လိုက်စမ်းပါ ၊ ကိုယ်ချစ်ကိုမရှာရဘူး သူချစ်ကိုရှာရတယ် ငါ့ကောင်ရ "
"နန္ဒ .."
"ဘာလဲ "
"မင်းက ငရဲအိုးဂျိုးကပ်မဲ့ကောင်ပဲ
အိမ်ထောင်ရှိတဲ့လူကို နောက်တယောက်နဲ့ကြိုက်ဖို့ပြောနေတာ ကြည့်စမ်း ၊ မင်းကလူ့အမှိုက်ပဲ ၊မေမီကိုလောက်ကိုမပြောနဲ့ မိုးပေါ်က နတ်သမီးပြုတ်ကျလာရင်တောင်လေ ...ငါ့ကိုကိုနဲ့မလဲနိုင်ဘူး"
"အေးပါကွာ မင်းလိုကောင်က ဘယ်လိုတရားပြပြ ရမဲ့ကောင်မဟုတ်ဘူးဆိုတာ သိပြီးသားပါ ၊ ပြန်ရအောင် တော်တော်လဲ ညနက်နေပြီ "
YOU ARE READING
Let Me Hug You (Completed)
Romanceကိုကို့နှလုံးသားက ဘာအရောင်လဲ သိ့လား ... အလွှမ်းရောင်လေးတဲ့ .... ကိုကို႔ႏွလုံးသားက ဘာအေရာင္လဲ သိ့လား ... အလႊမ္းေရာင္ေလးတဲ့ .... Start Date - 22.10.2021 End Date - 24.12.2021 #oc
