Lost love (Jimin X Jungkook Story)

5th Chapter

Jimin pov

එතනින් පස්සේ අපි හොදම යාළුවො උනා කොටින්ම කිව්වොත් හොදම සහෝදරයො බවට පත් වුනා.
මං ජන්කුක්ගෙ කතාව ඔම්මට කිව්වා. එයා එයාගෙ පුතෙක් වගේ එදා ඉදන් ජන්කුක් ගැන බැලුවා. ජන්කුක්ට ගොඩක් ඔම්මා ආදරය කලා. ජන්කුකත් ඔම්මට ඒ විදියටම ආදරය කලා.

“පුතේ මේ ඉන්නෙ ඔයාගෙම ඔම්මා කියලා හිතාගන්න."

ඔම්මා ජන්කුක්ට එහෙම කියද්දී ජන්කුක් ඔම්මා ගැන ගොඩක් සතුටු වුණා. අන්තිමට ඔම්මට තව පුතෙක් වගේම මට මල්ලි කෙනෙක් ලැබුනා.

නොදැනිම අවුරුදු තුනක් ගෙවිලා ගිහින් අපෙ පාසල් අධ්‍යාපන කටයුතු සාර්ථකව අපි ඉවර කලා. අපි දෙන්නම එකටම එකම කැම්පස් එකට වැටුනා. අපි ඉගෙනගත්තෙ එකම ෆැකල්ටියෙ.

අවුරුදු දහ අටෙන් පස්සෙ ජන්කුක්ව ළමා නිවාසෙන් ඉවත් කලා ඒක නිසා එයා අපෙ ගෙදර මං නවත්තවගත්තා. එදා ඉදන් අපි සහෝදරයො වගේ හිටියා. මං එයාට අයියා කෙනෙක් වගේම මට එයා මල්ලි කෙනෙක් වුනා. කෑවෙ බීවෙ එකට. මගෙ කාමරයෙම ජන්කුක් මාත් එක්කම නිදාගත්තා. පාඩම් කලා.

පාසල් අධ්‍යාපනය ඉවර වෙලා උසස් අධ්‍යාපනය පටන් ගත්ත අළුතම මගෙ ඔම්මාගෙ වකුගඩුව හොද නැහැ කියලා දැනගත්තෙ අපිට සතුටින් ඉගෙනගන්න තිබ්බ සැනසීමත් නැති කරලා. අපි ඒක දැනගන්නකො ට ඔම්මට එච්චරටම කාලයක් තිබ්බෙ නෑ. ඉක්මනින්ම අපිට ඩෝනර් කෙනෙක් හොයන්න සිද්ධ වුණා.

මං ඩෝනර් කෙනෙක් හොයන්න නොගියපු තැනක් නැහැ දැන්වීම් නොදාපු තැනක් නැහැ. ඒත් මං හිතුව තරම් ඉක්මනින් ඒවාට ප්‍රතිචාර හම්බවුනෙ නෑ. එන්න එන්නම ඔම්මගෙ තත්වය දරුණු අතට හැරුනා. මං මගේ වකුගඩුව දෙන්න උත්සාහ කලත් මගෙ අවාසනාවට ඒකවත් ඔම්මට ගැලපුනෙ නැහැ.

“පුතා කවදාවත් ඔයාගෙවත් ජන්කුක්ගෙවත් වකුගඩු ගැලපුනත් නැතත් ඔයාලගෙ වකුගඩු බද්ධ කරනවට මං කැමති නැහැ. "

ඒ ඔම්මගෙ තීරණය. අපි ඉතිං ඒකට එකග වුණා. ඒත්...

මේ වෙනකොට මං මේ ගැන ජන්කුක්ටත් කියලා තිබුණා.  එයත් මට ගොඩක් මහන්සි වුනා මේ ගැන හොයන්න. එක දවසක් එයා මට මෙහෙම කතාවක් කිව්වා. ඒත් ඒ කතාවට මං එච්චර කැමති වුනෙ නැහැ.