وكأنك روحا لروحي
سماهر
رجع بية الوكت لسنة 1982 دانضف ودخل واحد من كرايبنة وياه رجال مبين هستوه جاي من الشغل كبل علينة بهدوم العمالة من شفتة ضليت اضحك علية لان اني ادري بي جاي يشوفني علمود يخطبني بس شلون جاي بملابس الشغل الرجال الوياه ضل يهوس جبنالك جص مال عكادة لأن جاي بملابس الشغل هوة شكلة كولش حلو طولة حلو ملامحة حلوات المهم كعد شوي وراحو ورة ما راح ضلو اهلي يتناقشون كولهم جانو موافقين الا عدي اخوية جان متخبل منه بس اهلي ماهمهم كلام عدي وقررو ينطوني الة اني ماجنت معارضة بس جنت خايفة من الزواج والمسؤلية كعدو امي وابوية وحجو وياية وقنعوني او وافقت وقررو الخطوبة بعد ٣ ايام احة يوم الخطوبة
ولبست كوستم والبنات خللي مكياج خفيف وسولي شعري شعري جان كولش طوبل وثخين وطلعت كولش حلوة طبت امي للغرفة
هااا يمة شوفيني طالعة حلوة
ام عدي
صلاوات ع محمد يمه تخبلين طالعة جنج كمر ابو عدي تعال شوف بنيتك شطالعة
ابو عدي
بوية هاي شطالعة تكولين للكمر غيب وانه بمكانك الله يوفقج بوية واشوفج احلى عروس
سماهر
الله يخليك الية ويطول بعمرك
اباوع ع ابوية عيونه دمعت طبعا ابوية مو مجرد اب لا اخوية وصديقي وحبيبي طلع ابوية وضليت افكر شلون راح اعوف اهلي شلون راح اعيش بغير بيت مجرد التفكير يخنكني
ورة شوية ودخلو اهل العريس وضلو يهوسون ويركصون شوية وكالو سوو طريق راح يدخل العريس واخوه والسيد نعقدلهم اني احس كلبي يريد يطلع من مكانه خوف على فرح على ارتباك
البنات خلن ع راسي شال ودخلن بالغرفة الثانية وضليت بس اني وامي وعقدلنه السيد كل هاذا واني مارفعت راسي وشفته بحيث من جابو الذهب يلبسنياه ورفعت عيني وشفته ضليت صافنة عليه معقولة هاذا نفسة طالع يخبل وكولش انيق لبسني الذهب وهوة جان فرحان ومبتسم واني لبسته الحلقة وجانت ايدي ترجف
محمد
هاي شطالعة سمسومه
سماهر
اني ضليت صافنة هاذا شبي شو ما يستحي لو ما العالم منا الا اركعة براشدي اعمي عينة
هففففف اني شجاني هيج مرتبكة وخايفة عود هاي اني الساني شطولة ومحد يكدرلي بالبيت
بعد ماخلصت الحفلة وراحو قررو العرس بعد اسبوع بهاذا الأسبوع اجانة محمد مرتين وانطاني فلوس حتى اشتري نيشان بس كولش حبيتة هوة طبعة كولش محبوب وكوة يخلي الواحد يتعلق بي ويتشاقة وية الكبار والصغار
بحيث تفاجأت بعدي اشكد جان كارهة خلال كم يوم صارو اصدقاء ويموت ع محمد
اني بهاذا الأسبوع ماخليت شي ماجهزتة ملابس وذهب وغراض وشعري ميشتة طلع يخبل علية وباجر الحنة
بس اني جنت كولش مقهورة ع اهلي شلون راح افاركهم تعبت من التفكير ونمت كعدت الصبح
راحت امي جابت المرة تخليلي مكياج جان ماكو صالونات
جان بوكتهة هستوهة نازلة الحمرة السحرية
وجان موديلهة
خلتلي منهة سوت شعري من فوك رفعته وسوته بف
والجوة برمته وعافته مفتوح
ولبست نفنوف ابو الخرطة هم جان موديلة من فوك ضيك ومن جوة كلوش وبي خرطة من الخصر وشوي قصير جنه نسمي ميدي
التمن البنات يمنه وسوينة حفلة ودك وركص
وحنوني اني من النوع الأعشق الحنه
والديرم والصبغ اضافر خاصتا اللون الماروني والأزبري
والحجل قصة عشق لاتنتهي ههههه
امي جابتلياه الحجل بس اذا ما البسة احس مضيعة شي
بعدها خلصنه الحفلة والبنات كرايبنة باتن يمنه
وبين الشقة والضحك
ودموع اهلي علية نمت واني افكر اباجر
أنت تقرأ
تعذبت ياربي بيهة
Romanceاحببت الحياة عذبتني احببت الصديق لم يفهمني احببت الحبيب رحل وتركني احببت الفرح ابكاني ولكن احببت الحزن فرافقني
