بارت مفاجئ🙈🙈🙈
حاولت اكرهك بس صعب
انه الله باليني بكلب لا يكره ولا ينسى 💔
ام عدي
ولج يمة خبصتينة بنص الليل والله خبلتيني غير جاي تطلع سنون ومصخنة على سنونهة
سماهر
يعني مابيهة شي
ام عدي
الحمدالله والشكر ربي
محمد
هههههههههههههههاي
سماهر
شكو تضحك
محمد
عود انتي هم حاسبة روحج ام هههههههه
سماهر
اي لعد شنو الصارن امهات احسن مني
محمد
لاعمي منو احسن منج
سماهر
لاتضل تقلد
ام عدي
هاكم بنتكم اروح انام احسنلي خبلتيني بنص الليل
محمد
اني هم ارجع انام وراي طلعة من الصبح
سماهر
وين نمت على الجرباية كوم ارجع لمكانك
محمد
مو كافي صار اسبوع زعلانة
سماهر
لامو كافي لأن السويتة مو قليل
محمد
اسف عمي اسف غلطة وصارت فوك ما انتي غلطانة صار الف مرة اعتذر منج
سماهر
انوب فوكاها طلعتني اني الغلطانة
محمد
لعد اكو مرة تطلع بدون علم زوجهة
سماهر
اييي واني هم غلطة وصارت
محمد
لعد هاي هية تعادلنة هسة متصالحين
سماهر
خوش عليك
محمد
يلة تعالي نامي عوفي الطفلة راح تخبلينهة
سماهر
نام انته معليك بيةهسة انومهة واجي انام
نومت ريحانة ورحت نمت
كعدنة الصبح
محمد
سمسوم
سماهر
هاا كلبي
محمد
شوكت نرجع لبيتنه مو صار هواي يم اهلج حتى زحمة
سماهر
بكيفك
محمد
اييي حبيبي باجر نرجع لبيتنه احسن
سماهر
ثاني يوم لمبت غراضنة ومن كلنه لأهلي راح نروح اتخبلو تعودو علينة واحنه هم تعودنة عليهم
ضلو مجلبين بينة بس محمد ما قبل جان مصر نرجع وصدك ثاني يوم رجعنه
وبعد كم شهر صار عيد ميلاد سوينالهة عيد ميلاد يخبل واكيد كالعادة اني ومحمد لابسين نفس اللون وريحانة لبستهة بدلة طلعت تجنن وعلاء هم اشتريتلة ملابس كولش حلوات
وبعدها استمرت حياتنه طبيعية صح ضروفنه مو مثل قبل بس مع ذلك محمد مامقصر ويانة ابد
بس دائما عصبي وكولشي مايتحمل على اتفه الأسباب يسب ويغلط ويكسر بالغراض وبعد فترة
طلعت وحدة من الشضايا من ايدة او وحدة براسة جانت مبينة شوي بكصته
صار عمر ريحانة سنة ونص كاعدة تلعب هية وعلاء وجان علاء يضربهة وحلكهة ضل يجري دم وفحطت من البجي
محمد تخبل جانت الدنيا شتا وتمطر جان يجر علاء ويكتلة ويخلي بالطرمة بالمطر وقفل الباب عليه اني تخبلت تعاركت وياه وكلبت الدنيا بس مايقبل يفتحلة الباب
شبيك محمد صدك تحجي يعني همة اطفال يلعبون انته شعليك
أنت تقرأ
تعذبت ياربي بيهة
Storie d'amoreاحببت الحياة عذبتني احببت الصديق لم يفهمني احببت الحبيب رحل وتركني احببت الفرح ابكاني ولكن احببت الحزن فرافقني
