تعذبت ياربي بيهة

البارت15

سلاممممم وعليكم
شلونكم اخباركم احوالكم اموركم😂

اليوم امشي عليج الم كل العكل
ولمايروح وياي لهلج ينمطل
كوة مو كوة اريدج بالحلال
خوش زلمة وخير واصل وفصل
القسمة ماتاكل بعد عندي رصاص
الة حيطان اهلج انخلهن نخل
كلش تعافيتي ذبي العدسات
انتي غير عيونج تطيح العكل😉

علاء
ضليت مستمر ادور ع توته وماكو مالكيتلهة اي اثر وعلاقتي ابيت عمي ابد ماكطعتهة
مستمرة لحد هسة
لحد سنه 2004 رحت لبيت عمي جان عرس ابن عمي
الأكبر من شهم
علي
عمي عندة6ولد و4بنات
ولدة الكبار ثنينهم تزوجو وبنات عمي هم ثنين تزوجن
وزوجو علي هم
اني علاقتي كولش قوية بيهم خاصتا بشهم
لأن احنه نفس العمر
بيناتنه اشهر
ريحانه كبرت ويومية جايينهة خطابة بس اني ما انطيهة اني جنت اتمنى ياخذها واحد
من ولد عمي
ما اريد انطيهة لغريب وعمي يموت علينه وهم علمود ترجع علاقتنه بعمامي
مثل قبل 
رجعت من العرس وكولهة توصيني اجي بالسبعة هم

وهج
عليك الله تجيب ريحانه خل نشوفهة صار كومه ماشايفينهة

علاء
انشاءالله
قبل السبعة بيوم
اكولج يمة باجر اخذ ريحانه وياية

سماهر
خير وين تاخذهة

ريحانه
هلا بالطلعات وين تاخذني وين ماجان اني قابلة اروح وياك

سماهر
غير تنطينه مجال نفتهم وين راح تولون

علاء
لبيت عمي احمد

ريحانه
اهووووووو عبالي شوف وين شمعرفني اني ابيت عمي حتى ماشايفتهم استحي منهم

علاء
اسكتي انتي اسكتي

سماهر
وشعدكم شذكرك بيهم

علاء
شنو شذكرني بيهم ترة همة عمامنه شلون ننساهم

سماهر
وشعندك رايح وليش تاخذ ريحانه وياك

علاء
اول شي خابروني عزمونه ع سبعة علي
وثاني شي ليش نكطع وياهم
اكو احلى من صلة الرحم
هسة ريحانه اذا شافتهم بالشارع ماتعرفهم اخذهة نتعرف عليهم

سماهر
ديلة ميخالف روحو

ريحانه
ثاني يوم رحنه اني وعلاء لبيت عمي وتعرفت عليهم وتعرفت ع مرت علي وصرنه صديقات
واخذتني لغرفتهة
وكعدنه نسولف كولش حبابين
ماخلوني استحي منهم حتى ماعبالك صار كومه ماشايفينهم

علاء
كولش أيست من توته وبيبيتي وامي يلحن عليه اتزوج نجلاء
صافن واتذكر كلامهة
يااا شبية واقبل بعلاء لو يضل بس هو ما اريدة
ههههه ماتريديني اذا ماكسرت خشمج فلا اتسمه علاء سهلة
قبلت اتزوجهة واني ما مباوع بوجهة
خلصت الخطوبة خليت وطلعت واني ماطايقهة وكاره الدنيا كولهة
بسرعة بسرعة سوو العرس
بيوم الحنه اجوي ولد عمي كولهم وبالعرس هم اجوي
خلصت هوسة العرس وزفوني الولد