تعذبت ياربي بيهة

البارت 21

هلاوالله
شلونهم الغوالي😎

واكف ع الدرب منتضرك تعود
دفني تراب رجلين اليمرون
صحتك لاتروح تخيل شلون
مثل صيحت الميت لليدفنون
انا حتاجيت جيتك حاجة الصوت
للخرسان خايب من يغركون
بدونك تدري عمري يخلص شلون
مثل عمر الجكارة بحلك مسجون🚬💔

ريحانه
اووووف راسي يوجعني راح يموتني

شهم
دخيلك ياعلي بس لارجعلج التيفوو

ريحانه
هههههه شبيك لزمت كلبك

شهم
ليش نسيتي شصار بيج مو وصلتي الموت يابة اني كلت راح تروح من ايدي
جان هسة اني متزوج غيرج وعايش وياهة واحبهة

ريحانه
لاوالله
هوة انتم الزلم خونه بسرعة تنكرون كولشي مايغزر بعينكم

شهم
لايا خاينه اني انكر ولج مو عفت الدنيا كولهة وكابلتج وكعدت

ريحانه
وشنو دتعيرني غصبا ماعليك لعد شعندك غيري تحبل تجيب

شهم
لايابة شعندي غيرج

ريحانه
سبحان الله شلون طلعت منهة سلامات ما ادري مخلية عسل بحضني واتذكر شصار بية بوكتهة
جنت حامل واتنسة كل اكلي حامض
اموت ع الليمون
مرة ثرمت خيار وخليت عليه لامندوزي وكعدت اكل شوية واحس راسي راح ينفحر كمت اعيط
وصخنت صرت نار
ولزمتني الرجافة ونمت بالفراش عبالنه علمود النساوة
اجتي وهج شافتني هيج

وهج
كومي اخذج للدكتورة

ريحانه
ما اكدر اكوم

وهج
بالكوة كومتهة واخذتهة للدكتورة اني وشهم وسماهر دخلتهة للدكتورة سوتلهة تحاليل وانطتهة ابر
طلعنه للسكرتيرة علمود تضربهة الأبرة
وكفه تضربهة الأبرة
وجان ما نحس الا ريحانه وكعت بالكاع كمت اعيط بالكوة شلتهة وسحلتهة
برة لشهم وسماهر
واخذناهة وركضنه للمستشفى طلع عدهة تيفو صاعد 600 واحنه ماندري
بسبب التيفو مات الطفل ابطنهة
بحيث طرحت وهيه ما تدري بروحهة فاقدة
رغم الالم يموت بس هيه ماحست ابد
وضلت عايشة ع المغذيات
وشهم مكابلهة والدموع تجري واحنه كولنه يمهة  اني وشهلاء ابد ماعفناهة مكابلينهة ومابيدنه شي غير الدعاء
وهية ولا تدري بروحهة
وشهم وصل الموت لا اكل ولاشرب موتنه وهوة بسرعة يتمرض وصدرة راح انتهة

الدكتور
الكم منا لليل لو تصحة لو تموت انتو وربكم بعد ماكو غير حل التيفو عدهة وصل600

سماهر
كمنه نعيط بنص المستشفى كبار صغار كولهة تبجي عروس ياربي هستوهة تزوجت وهيج صار بيهة
شلون لو صار بيهة شي
اباوع ع شهم فقد من البجي والعياط مكابلهة ويعيط بعلو صوته مثل الطفل

شهم
ولج ريحانه تعوفيني ولج حاربتهم كولهم علمودج ماخايت واحد ماعاركته
بس علمود اخذج
ماصارلنه شهرين سوة وترحين من ايدي
ليش ريحانه ادري بيج ماتحبيني وماتريدني بس اكعدي شتردين اسويلج
بعد حتى ما اجبرج تكوليلي احبك
ولا اتعارك وياج ابد بس اكعدي