تعذبت ياربي بيهة

البارت14

هلاوالله

شلونكم🥰

المكبره تخوفني جانت بالنهار
بيهة قلة اعزاز واكثرهم غرب
هسة اطبها بالليل بيها افرش وانام
عندي ابوي هناك ما اخاف

سماهر
استمريت بالشغل وابو حسين بعد ابد ما شفته ومحمد بين فترة وفترة يجي يشوف الجهال من الباب ويروح
وعلاء من صار عمره12سنه
بدة يشتغل اشتغل كولشي عمالة وبالعتيك وبالسوك ماكو شغلة ما اشتغلها
وريحانه سجلت بالمدرسة ولأن محد يقريهة جنت انطيها كرزات تودي للمعلمات وينجحنهة
ليش ما مرة من المرات
المديرة شايفة المعلمة من ماخذة الكرزات من ريحانه

المديرة
شنو هاي ليش تاخذين منهة

المعلمة
هاااا هية جابتلي

المديرة
وهيج بدون مناسبة
شسمج ماما

ريحانه
ريحانه محمد

المديرة
ريحانه ليش تنطين كرزات لمعلمتج هية كالتلج

ريحانه
لا ست هية ماكالتلي بس اني لأن محد يقريني انطيهة علمود تخليلي عشرات بالشهادة

سماهر
المديرة مرزلة المعلمة وكالبة الدنيا عليهة بالعايط فاضحتهة بالمدرسة
او فاصلتهة من المدرسة
ودزت علية رادت تفصل ريحانه بس وعدتها بعد ما تنعاد هاي السالفة
وريحانه اخذتلهة رزالة معدلة مني موتتني اشكد فاهية عود اوصيهة لاتخلين واحد يشوفج
ولاتحجين كدام صديقاتج
ومابيهة فايدة
وصلت للخامس ابتدائي وهية ضخمة وطويلة وحلوة اخاف عليهة
ومستواهة هم موكولش فبطلتهة وهية كيفت عيد وجابه العباس

وقصي جان بالجيش وجان شارد افرار ولزمو
وسجنوه
وضليت اخذ بوميتي واوديهة كبل للضابط علمود مايعذبونه
وقيصر هم انسجن بديالى وجنت اخذ عدي واروح لديالى اخذلة اكل وهدوم وانطي فلوس
للضباط علمود مايعذبونه
انشلع كلبي وصرفت صرف موطبيعي لحد ماطلعو
شوية كدرت اتنفس وارتاح
ماجان عدهم غيري وعدي طلع ابيت وحدة وحاير بعائلته
وابوية حالتهة يوم عن يوم تدهور اكثر
الضغط والسكر ابد ماينتضمن
سنة 2002
علاء صار عمره17
وريحانه 12
علاء صارلة سنه يحب بنت جيرانه وهية هم تحبه بس ابوهة حزبي وية صدام وبيتهم شكبره وحالتهم كولش زينة خير من الله
واحنه حالتنه على كدنه فجان ابوهة دائما يمنع علاء منهة واشكد يهدد بي
بس علاء مايفيد وياه يومية اروح اخطبهة الة وما يقبلون ينطونهة توسلت لحد ما مليت وما انطوهة مرة من المرات رحت لأبوهة وضليت اتوسل بي وطردني وهددني اذا يلكه علاء وية بنته يكتلة خلاص
رجعت للبيت وكعدت ابجي
ليش هيج ديصير ويانه ابني كضة عمرة بالشغل وشاف الضيم
عمرة 12سنة البكدة يلعبون يدرسون وهوة يشتغل عمالة
وهسة انشلع كلبه بحب توته
مات عليهة
حتى بجي يبجي عليهة واني صح اعارك بي واحاول امنعة منهة
بس اني احس بي صارلي اشكد محمد عايفني واني لحد هسة اموت عليه
الحب مو سهل ابد مو سهل اصعب شي بالحياة الفراق الأشتياق يذبح يموت الأنسان ع البطيء
محد يحس بهالشعور بس المفارك