هلاو شلونهم الكب كيك🧁
كولش اسفة ع التأخير هاي الأيام هواي داتاخر عليكم بس مشغولة والله😚
ما مشتاكلك
بس فاهي من دونك احس عيوني
مو زينات جي ماشافن عيونك🥺
سماهر
مر على طلاكنه اني ومحمد سنه كاملة بعد ابد لا شفته ولا شافني
من اخر مرة اجة للمعمل
بعد ما اجة
هواي اشتاقلة وافتقدة بحياتي ودائما اتذكر ايامي وياه لو هوة يمي جان ماتبهذلنه اني والجهال
جان مايخليني هيج اتعب
جان محد يباوعلي بنضرة موزينه
محد يتحرش بية لأن هوة وياي
من اطلع بالي مرتاح هوة يم الأطفال ميضل بالي يمهم
ولا يضلون يبجون علية
اووووووف جان وراح هاي هية بعد اني اتعودت على حياتي مامكتوبلي الفرح ابد
كل ما اخذلي فترة مرتاحة لازم وراهة تصيرلي مصيبة تهدلي حيلي
هاي هية مادام علاء وريحانة يمي وصحتهم بخير الف الحمدالله والشكر
باجر يكبرون وعلاء يصير رجال ويعوضوني عن كولشي شفته
قابل راح يضلون صغار راح يحسون بتعبي وخوفي عليهم
عبالهم من اعوفهم واروح للشغل ما انقهر عليهم
لو ميضل بالي يمهم
مايدرون بية يومبة قبل ما اطلع اكعد يم راسهم ابوسهم واحضنهم حيل وابجي
يلة اروح لشغلي
لأن ادري بيهم مايفتهمون ومايحسون بيه
عبالهم اني مكيفة ميدرون بيه على عمة عيني اعوفهم واروح
ومن ارجع يومية امي تسولفلي عليهم
شلون يبجون من يكعدون ومايلكوني يمهم
صح صارلي هواي اشتغل بس ما تعودو ابد الطفل المتعود دائما اهله يمه ومتعود على الدلال
لو يضل الف سنه ميتعود
وعلاء اووووف ياعلاء ترك دراسته وهوة بصف الثالث ابتدائي لان ماكدرت انقلة
وشالع كلبي يتخبل لو احد يجيب طاري ابوه وعمامه
رغم عمره صغير
بس مايرضة احد يحجي عليهم
ودائما ارزلة بس مايفيد بي
همة وينهم عمامك عارفينه احنه بفي بشمس شيدرون علينه عمامك
علاء
اييي يضلون عمامي
سماهر
لو ما عمامك احنه ماتهجولنه هيييج ما يومية عايفتكم ورايحة ما مشلوع كلبي
عليكم وعلى تربيتكم وينهم كولي وينهم اجوي سألو عليكم مرة
كالو جهال اخونه وين ما وين شياكلون شيشربون
علاء
يضلون عمامي من دمي ولحمي ويضل اصلي منهم لو شيسوون
كلمن مشغول بعأئلته
هسة انتي مو مرة واحنه مانلحك نشوفج مو انوب همة زلم وين يلحكون يجون ويسألون علينه
ليش نسيتي همة اشكد يحبونه
نسيتي عمو احمد شيجيب لشهم يجيبلي
سماهر
مغسول عقلك لو شحجي مايفيد بيك خلي عمامك يفيدونك حاسبهم عمام براسي
علاء
اي عمامي وغصبا على اليرضة والمايرضة شنو تردون تنكرون
سماهر
طلع روحي بلسانه ما حسيت الا وركعته راجدي سطرته سطر
خبصني عمامي وعمامي
ميتين عليك عمامك
أنت تقرأ
تعذبت ياربي بيهة
Romantizmاحببت الحياة عذبتني احببت الصديق لم يفهمني احببت الحبيب رحل وتركني احببت الفرح ابكاني ولكن احببت الحزن فرافقني
