تعذبت ياربي بيهة

البارت 11

هلاوووووو ياحلوين😍
شخباركم😁

اذا راد الله وجدامك علي مرهن
نكعد والجروح حساب نحسبهن
واذا كملنه الحساب وضحكت وياي
اكولك طايحات لضحكتك كولهن
سجة ولو دستني ارتاح ما اكول ااااخ
هنة ضلوعي الك كسرهن اسحكهن
وصوري العتيجة الضالات وياك
هم يمك بقت تحركهن تشكهن
بيدك كولشي انه البيدي بس اهواك
التفصلهن انته الروح تلبسهن
وحك همومك وضيمك وجوياتك
احبنك بزيناتك وزلاتك
ترة ماتلكة واحد هيجي يحجي وياك
ع مايك انطيتك رغم بيه انطيت
رغم هواي بيك اطباع ماحبهن
بله جروحي لو نزفن دواهن خيط
بس الماينامن بيش انومهن
ولو ع الميل ضلت بيدي افره الميل
بس اوكات ربك كلي شيفرهن
ولو ع العين ضلت سهلة
اقنع العين
بس البال والروح شيقنعهن💔

سماهر
ضليت 3ايام بكربلاء كولش ارتاحت نفسيتي بس اتندمت لأن تعاركت وية ابوية واذا ضليت اكثر ابو المعمل يبطلني او وين اروح وشلون
نعيش بعد
وابوية كولش ضايجة ومقهورة عليه ماكو احن منه عليه يجيب الفاكهة ويكعد يكشر ويوكلني
ومحد يكدر يفتح حلكه بكلمة وياية
وابد مامنعني من شي لامن طلعة لا لبس لا شغل اي شي يعجبني اسوي ومحد يكدر يجبرني على شي ما اريدة اذا هوة موجود
ومحد يكدر يتدخل بأي شي اسوي
اخر مرة من محمد رجع وكطعنه مهر الكل جانو ماقابلين بس ابوية كاللهم عوفوهة براحتهم
خل تسوي اليريحهة ويريح كلبهة
قررت ارجع واعتذر منه
وهم اذا ضليت هنا الى متى اضل هنا وين اروح اذا اطلع من كربلاء
منو الية غير اهلي
رجعت واعتذرت من ابوية

ابوعدي
انتي سمسماية كلبي شلون ازعل منج بس ليش هيج سويتي بينه صار  3ايام لا ليلنه ليل ولا نهارنه نهار بس اندور عليج ماخلينه مكان مارحنالة
والف فكرة خطرت ابالنه

عدي
ولج بسببج ابوية صارلة 3ايام نايم بالفراش مايكدر يكوم الضغط والسكر مرتفعات
وكم مرة وكع علينه وركضنه بي للمستشفى

سماهر
دمعت عيني رحت بست ايد ابوية
الله مايحرمني منك انشاءالله ويخليك خيمة على راسنه

ابوعدي
الحمدالله رجعتيلنه سالمه ومابيج شي هاي هية بوية لاتعتذرين
روحي ارتاحي اكيد تعبانه

سماهر
رحت سبحت اني والجهال ورحنه نمنه
بعد كم يوم اجه قصي محتاج فلوس طبعا هوة بالجيش يداوم

قصي
سماهر خوية محتاج فلوس

سماهر
انطيك عيوني خوية بس شتسوي بيهن

قصي
اريد انزل اجازة كم يوم ارتاح ولازظ انطيهم فلوس يلة انزل

سماهر
والله ياخوية حاليا مفلسة ماعندي ولا فلس بس هاذا المحبس اخذه وبيعة (محبس ابو الليرة جان هستوه نازل)

قصي
شكرا خوية الله يخليج النه

سماهر
تدلل يبعد اختك لعد اني شعندي غيركم المن اشتغل اني
بعد فترة طلع قصي مجذب عليه لامحتاج فلوس ولا ابد
طلع بايع المحبس وهيج صارفهن
بس سكتت ما حاجيته كلت ميخالف اني المن اشتغل فدوة الهم
ضليت مستمرة بشغلي بالمعمل ويومية عركة ويومية مشكلة
يومية العمال يتهموني عود ابوك من فلوس المعمل علمود ابو المعمل يبطلني
رغم اني حتى ماعندي اختلاط بيهم
بس لأن ابو المعمل دائما يزيد يوميتي وينطيني كرزات للجهال
ومن اخذ اجازة مايحجي
لأن هوة يدري بوضعي شنو بس العمال جانو يضوجون مني يردون يبطلوني علمود يجيبون واحد
بمكاني
بس الرجال جان ابد مايصدكهم لأن يعرفني اني شنو الحباية ما اخذها الأ اكولة
حرام هاي ذمة واني عندي كولشي ولا الواحد يمد ايده على مال غيره
هوة هم خطية يتعب وكاسر ضهره بالشغل
ويجون المايخافون الله يبوكون بدم بارد ومايهم
لأن ماتعبانين بيهن
اليشتغل ويتعب على اهله وشغلة مستحيل يمد ايده على فلوس الناس
لو اعرف نموت من الجوع ما امد ايدي على فلوس غيري لو اكوللهم انطوني ابدد
الياكل بفلوس حرام عمره مايتهنى بيهن
يجي يوم ويوكعله وكعة يطلعن من خشمة وكل واحد اكله حرام وشربه حرام
مايتهنى ابد لازم يضل يركض على الدكاترة
لأن هنة مثل السم ابطن الأنسان والله اقوة من السم مرض خبيث واذا الأنسان اتشبع بالحرام
باجر عكبة شيكول لربه
ماكو عذر ابد لو مو محتاج لو ميت من الجوع اشتغل واتعب واكل بتعبك ولا تمد ايدك
وتاكل حرام ولا تمد ايدك  لشخص وتكوله انطيني
باجر عكبة هم يعيرونك بيهن
لو اشكد ما الشخص قريب عليك يجي يوم ويعيرك بيهم
ليش الواحد يذل نفسة علمودمن
المهم اني جنت اصرف نص الفلوس والنص الثاني اضمهن
خاف بجي يوم وابطل لو تصير شغلة مفاجأة
واحتاج فلوس
كاعدة بالغرفة واحسب بالفلوس الضامتهن اشكد صارن وجان يدخل قيصر
ويسولفلي على البنية اليحبهة هية جيرانه بس اهلي مايقبلون يخطبوله بسبب ضروفنه
وهوة يموت عليهة
عاد اني رحت لأبوية وكلتلة اخطبولة ومعليكم بالمصاريف كولشي علية بس اخطبولة
وصدك رحنه وخطبنالة
واني جهزت النيشان والذهب والغرفة كولشي علية بس اهل البنية كولش طماعين
وشنجيب مايعجبهم يدورون مادة مايدورون عشرة
ويطلعون مشاكل من جوة الكاع
وامهة كولش وكحة
اذا يتعاركون بيناتهم ع شي بسيط تجي تهد علينه اخير شي
فصخو الخطوبة وعافهة قبل العرس بكم يوم
وراح الذهب والغراض وراح شغلي مال كم شهر مارجعو اي شي
بعد فترة قرر يخطب مرة ثانية
وهم اني الزوجته بعت من الذهب العندي وجمعت شكو فلس عندي وزوجته
بس طلعت كولش خوش بنية وحبابة وتموت على جهالي من اروح
لحد ما ارجع الجهال يمهة
حتى ماتخليهم يشتاقولي تحير شتجيبلهم
وشتشتريلهم
من تروح لأهلها جانو علاء وريحانه يبجون عليهة
خاصتا ريحانه هواي متعلقة بيهة

مرت سنتين على طلاكي من محمد كضيتهن بين الشغل والتعب والجهال
حتى ماعندي وكت افكر بي اطلع من الصبح للشغل وارجع بالليل تعبانه الف راسي وانام
بس اريد ارتاحلي شوية
ما الحك
في سبيل ما اقصر وية جهالي ولا اخليهم بحاجة احد ويمدون ايدهم للحرام
وهم اني ما احب اضل كاعدة وشخص يصرف علية وعلى جهالي
احسهة صعبة احس عيشتي تصير ذلة صح همة اهلي بس ما اريد باجر عكبة واحد يعيرني
لو اسوي ثكل عليهم
خليني اني التعبانة ومعيشتهم ولا تصير عيشتي بالمذلة ويملون مني
وطبعا الشيخ ابو علي التقدملي اكثر من مرة لحد هسة هوة يلح ويتوسل
ومستمر يتودد للجهال علمود يتعلقون بي
مع انو اني الف مرة كلتله شيلني من راسك ما افيدك بس هوة لازك
واهلي يلحون علية علمود اقبل كولهم يكولولي الى متى تضلين هيج كاسرة ضهرج
وعلمودمن منو اليستاهل
وهوة قابل ع جهالج وبيتج وحدج والرجال يتوسل بيج ليل ونهار وشيخ وابن شيوخ معروفين
بالبصرة
وشايل جمال وشخصية وهيبة مو طبيعي
ورجال محترم وشهم
مبين ذاك وينه تربيت شيوخ ومضايف
بس اني بعدني كلبي متعلق بمحمد مايطلع لا من كلبي ولامن عقلي

حيل وازتنه المحنة تريدكم💔

ما ادري شوكت انساه واعيش حياتي
حتى من احاول ما افكر بي بس يفتحون موضوع الزواج اتذكر ايامي وياه
ليش عافني ليش هيج مختفي
ليش مايسأل علينه
معقولة حب فهيمه وعاش حياته وياهة ونساني
زين اني ينساني جهالة شلون ينساهم
ميفارك بالي
شصاير بي معقولة بي شي واني ما ادري
بس لا شبي قابل صار سنه ونص مو يوم ويومين يعني هيج مايكدر يجي
يوم يشوفنه ع الأقل يشوف جهالة
يسأل عليهم
اذا مايريدني المن عايفني على ذمته
مايجي يطلكني شنو معناهة مخليني هيج معلكة لا اني المتزوجة ولا اني المتطلكة

نفس السمار البالوجه
جا ليش نتلاكه غرب🥺

بعد كم يوم سمعت عدي يسولف لأهلي على محمد

عدي
شصاير بي مايعرف ليله من نهارة 24ساعة كاضيها بس يشتغل وحالتهم كولش متدهوة اللكمة
حصرة عليهم
وفهيمة يومية حامل تحبل ع الأربعين وصار عندة ولد وبنية وهسة هم حامل بيهة ولد
ولبس مثل العالم
مايلحك يشتري لان هاي الفترة كولش صعبة حتى شغل ماكو وضال بس ع العمالة
ولأن مريض مو مثل قبل مايكدر يضل هواي يشتغل وكاضيها عمالة كوله خارج بغداد
يروح شهر مرات اكثر ويجي اسبوع لو كم يوم يرتاح ويروح

لاتعشك المعشوك يكضيها بس ون
تنومه على الذرعان ولغيرك يحن
لا تعشك المعشوك وتغش ضميرك
حتى الورد مكروه لو شمه غيرك😪

سماهر
اسمع الحجي واني صافنه صح انقهرت على وضعة بس نار كامت تفور بكلبي
نار الغيرة موتتني
مجرد فكرة هوة مو يمي او وية غيري تموت الفكرة مو انوب عايفني علمودهة
هاي هية اعيش حياتي وخلي الله يسعدة وياهة
عليمن ضالة احبه لهسة
ومعلكة روحي بي
وهوة اصلا ما مهتملي وعايش حياته ومرتاح وية عائلته

عرفت الفركة راح تصير من خذنا الصور ذكرى😣

لاتنسون التصويت🌟 والكومنت وشاركوهة للأصدقاء

اليوم كثرت اشعار😁😂

احبكم حبيبيني😂