أقتحمت حصوني

البارت السادس🌺

- في إيه يا موني ؟
تحدثت موني وهي تقراء الخبر.
- في قصر اتفجر من شوية وبيقولوا ان صاحب القصر والعاملين فيه ماتوا في الانفجار

شهقت فيروز بصدمة وتحدثت ريم بملل.

- البلد دي اعوذب الله كل يوم وَش وقتل وانفجارات وهتلاقي تفجير القصر ده تسوية حسابات بين مجموعة من المجرمين

تحدثت فيروز بحزن.
- تسوية حسابات توصل للقتل ؟!

تخطت موني الخبر وتحدثت بثقة.
- يا بنتي القتل هنا مفيش اسهل منه

نظرت فيروز امامها بتفكير في أدهم ثم همست لنفسها بحزن.

- وليه أدهم يعيش هنا في البلد إلا كلها قتل دي !

ثم اضافة بثقة.
- بس أكيد أدهم ملوش علاقة بكل الحاجات دي ، وشغله بعيد عن المجرمين دول

ثم تنهدت بحزن وهي تقف لتتجه الى غرفتها وهي تفكر به وتسأل ماذا يفعل الان.
.....
عند قصر أدهم.

وقف عمار والياس ينظرون إلى النار المشتعلة بالقصر بغضب ، ورجال الاطفاء يحاولون اطفاء النيران بكل الطرق.

تحدث الياس إلى عمار .
- الحمدلله ان أدهم  خرج من القصر من بدري

تحدث عمار بغضب.
- أدهم لو كان جراله حاجه ، انا كنت ولعت في البلد دي كلها بلي فيها

تحدث الياس بقلق.
- طب احنا عايزين نطمن على أدهم دلوقتي وتليفونه وتليفونات كل الرجاله إلا معاها مقفولة

نظر عمار إلى النيران المشتعلة امامه ثم تحدث بتأكيد.

- لازم نروح لأدهم في المكان إلا هيسلم فيه دلوقتي

تحدث إلياس بدهشة.
- ده هيسلم على الحدود والوصول للمكان إلا هيسلم فيه ده هياخد وقت طويل في الطريق

تحدث عمار بإصرار.
- هنحاول نوصل بأقصى سرعة بس لازم نكون مع أدهم احنا منعرفش إيه منتظره هناك

حرك إلياس رأسه بالايجاب قائلاً.
- عندك حق ، احنا لازم نعمل المستحيل عشان نكون معاه

ركض عمار سريعاً الى السيارة وركض خلفه الياس وانطلقوا سريعاً بالسيارة الى مكان تسليم أدهم لشحنة السلاح.
رواية اقتحمت حصوني بقلمي ملك إبراهيم.
في وقت متأخر من الليل.
عند أدهم.
توقف بسيارته على الطريق قبل وصوله للمكان المتفق عليه لتسليم السلاح.

توقفت جميع السيارات خلفه وانتظروا اي اشارة منه او متابعة السير مرة اخرى.

نظر أدهم امامه بتفكير ثم فتح باب سيارته وطلب من جميع رجاله النزول من السيارات.

وقف الجميع امامه في انتظار اوامره.
تحدث معهم أدهم بقوة.
- انتوا هتقفوا هنا وانا هكمل باقي الطريق لوحدي بعربيتي بس