#الفصل الاول ...
#روايه _ليطمئن _قلبي
"من باب الواقعية، لا حياة تخلو من الهموم فابتسم."
- باولو كويلو
_________________________________________
"يااارب"
قالتها وهي ساجده ع سجاده الصلاه بتاعتها ساجده لربها وملجأها الوحيد بتحكيله اللي ف قلبها بدون خوف ولا قيود ..بتشكيله همومها وتناجيه ..الوحيد اللي قادر يطمنها ويدخل الراحه لقلبها ..بتدعيه بكل اللي يجي ع لسانها من غير ما تفكر ف كلامها ..بتدعيه بقلبها وعيونها مليانه دموع حب وتمني أن يحقق لها اللي بتتمناه ... قعدت شويه تطمئن قلبها بكلامها معاه ...شويه وخلصت صلاتها وسلمت وقامت لمت سجاده الصلاه وحطتها ع الكنبه اللي جنب السرير ...
بصت ع امها اللي لسه نايمه ومحستش بيها ولا بمناجتها لربها قربت منها بشويش ووطت باست جبينها بحب مطمئنه ف الدنيا بوجودها جنبها وف ضهرها ... خرجت بشويش من باب اوضتهم وهي لابسه إسدال الصلاه بصت ف الشقه كلها لقت الدنيا هادئه كالعاده مفيش حد بيقوم بدرى غيرها يوم إجازته تقريبا..؟!
ابتسمت بسخريه ع نفسها حتي يوم إجازتها اللي المفروض ترتاح فيه بتقوم فيه بدرى برضه تعمل اي بقا دا عادتها من زمان ...بتحب تاخد اليوم من أوله .. سحبت محفظتها ونزلت من بيتهم وراحت نصيه حارتهم محل الفول والطعميه اللي بتجيب منه ع طول لقت زحمه جامده عليه ع عكس الهدوء الموجود حواليها ف الشارع ...بصت كده جنبها لقت ع طاسه الفلافل الواد "حماصه" اللي بتجيب منه واقف عليها حاولت تنادى عليه بس من الزحمه والشباب اللي قدامها معرفتش تتحرك وسطيهم ..
بصت ع العدد قدمها بحرج ومعرفتش تتصرف ، شويه واستنت اللي قدامها يخلصوا بقله حيله وبالفعل شويه والمكان بقا هادي نادت ع "حماصه" بهدوء ..
" حماصه ، حماصه "
"حماصه" سمع صوت همس يكاد يكون مش مسموع فبيبص حواليه لقاها ، ابتسملها بمحبه وبسرعه قرب منها يسألها بلهفه ...
" ابله هنادي اؤمري ، صباح الفل "
ابتسمت له "هنادي" وردت ..
" صباحك خير وبركه يحماصه ، بقولك جهزلي الفطار بتاعي زي ماانت عارف عقبال مااخد الفلافل من الطاسه "
هز برأسه بمعني حاضر وجوابها بخفه وابتسامه شقاوه وهو بيتحرك يجهزلها فطارها..
" من عينيا ، احلي فطار لاحلي ابله هنادي ف الحاره كلها "
"هنادى" ابتسمت له بحب وفخر بيه وفعلا اخدت الورقه اللي هتجيب فيها الفلافل من الطاسه واتحركت ناحيتها بخفه وحظها أن مكنش فيه حد عليها ع متتحرجش وسطيهم الا ست واحده لقتها واقفه بتحاول تاخد الفلافل ومش عارفه ، "هنادى" قربت منها بسرعه بلهفه تاخد منها الورقه وقالتلتها ببسمه صغيره ...
" عنك انتي يحجه ، هجبهالك انا "
الست بصت وراها لقت بنوته لابسه إسدال الصلاه محجبه ومحتشمه ملامحها هادئه باين عليها الهدوء والاحترام ع عكس بنات الحاره اللي هنا ابتسمتلها بإعجاب ومن غير ماتحس لقت قلبها مرتاحه لها ولسانها بيردد بدعاء ليها ...
" ربنا يكرمك يبنتي ويسعدك دنيا واخره "
YOU ARE READING
لِيَطْمَئِنّ قَلْبِي❤️✨
Romanceواني أَرَاكَ بِعيــــن قلبي جَنـــةً يامن بك مر الحياة يطيب
